С.Бямбацогт: Шүүгчдийг Ерөнхийлөгч томилдог биш батламжилдаг байх заалт оруулсан

2019-06-18

УИХ-ын чуулганы өнөөдрийн хуралдаан эхэллээ. Хуралдаанаар  Монгол Улсын Үндсэн хуульд оруулах нэмэлт, өөрчлөлтийн төслийг хэлэлцэж байна. Өнөөдрийн хуралдаанд АН-ын нэг ч гишүүн орж ирээгүй байна. 

Хэлэлцэж буй асуудалтай холбогдуулан гишүүд асуулт асууж, хариулт авч байна. 

УИХ-ын гишүүн Ж.Батзандан "Өнгөрсөн долоо хоногт УИХ-ын дарга МУ-ын Ерөнхийлөгчтэй зөвшилцөнө гэж чуулганыг өндөрлүүлсэн байгаа. Тэгэхээр УИХ-ын дарга зөвшилцөх ажлын үр дүн ямар байгаа талаар мэдээлэл өгөхгүй юу. УИХ-ын зарим гишүүд нэгдэн Үндсэн хуулийн нэмэлт өөрчлөлт дээр байр сууриа нэгтгээд байгаа. Тодруулбал, намын жагсаалтаар буюу намын ард нуугдаж сонгогддог сонгуулийн тогтолцоог Үндсэн хуулийн өөрчлөлтөөр оруулж ирэх гэж байна. Үүнийг хатуу эсэргүүцье. Ард түмэн намыг биш хувь хүнийг сонгодог тогтолцоогоор явах нь зүйтэй. Олон жил Монголын ард түмэн Төрийн сүлдийг өөрчлөх ёстой гэсэн байр суурьтай байгаа. Баялгын сангийн асуудлыг Үндсэн хуульдаа заавал оруулах ёстой. Олон гишүүд УИХ-ын гишүүдийн хариуцлагын асуудлыг оруулж ирэх ёстой гэж үзэж байгаа. Жишээ нь, хуралдаа суудаггүй гишүүдийг 30 хоног чуулганы хуралдаа суухгүй бол эгүүлэн татдаг байхаар өөрчлөх хэрэгтэй"

ТББХ-ны дарга, УИХ-ын гишүүн С.Бямбацогт "Үндсэн хуулийн өөрчлөлтийг маш олон жил, олон парламент ярьж, ард түмнийхээ санал асуулгыг сонсч байж хууль санаачлагчид УИХ-д өргөн барьсан юм байна лээ. Долоон удаа Үндсэн хуулийн нэмэлт өөрчлөлтийг УИХ-д өргөн мэдүүлсэн. МУ-ын одоогийн Ерөнхийлөгч болон өмнөх Ерөнхийлөгчөөс Үндсэн хуулийн нэмэлт өөрчлөлтөөр саналыг нь авч, Үндсэн хуулийн нэмэлт өөрчлөлтийн хуулийн төслийг өргөн барьсан байдаг. Үндсэн хуулийн нэгдэх хэлэлцүүлэг буюу хэлэлцэх эсэх асуудал нь шийдэгдсэний дараа УИХ-ын гишүүд, Ерөнхийлөгч, Үндсэн хуулийн цэц, ард иргэд гээд олон байгууллагаас саналыг нь авч зөвшилцөх, улстөрийн намуудтай зөвшилцөх ажлууд хийгдэх байх. Ингэж бүх нийтээрээ харилцан тохиролцож, ойлголцсоны дүнд Үндсэн хуулийн нэмэлт өөрчлөлтийн хуулийн төсөл батлагдах байх.

МУ-ын Үндсэн хуулийн 21 дүгээр зүйлийн 2-т УИХ-ын гишүүнийг иргэд шууд сонгоно гээд орчихсон байгаа. Ийм заалттай. Энэ заалт огт хөндөгдөөгүй. Өөрөөр хэлбэл, Үндсэн хуулийн 21.2-т УИХ-ын гишүүнийг сонгууль өгөх эрх бүхий иргэд нийтээрээ чөлөөтэй, шууд сонгоно. Саналаа нууцаар гаргаж, 4 жилийн  хугацаатайгаар сонгоно гэсэн заалт өөрчлөгдөөгүй"

УИХ-ын гишүүн Л.Энх-Амгалан "МУ-д хууль ёсоор оршин суугаа бүх иргэд хуулийн өмнө эрх тэгш байна гэж ҮНдсэн хуульд заасан байгаа. Гэтэл хүн бүр хуулийн өмнө эрх тэгш байна уу гэвэл үгүй. Монголд 511 шүүгч байна. Гэтэл 376 шүүгчтэй холбоотой 234 гомдол гарсан байна. Тэгэхээр 511 шүүгчийн гаргасан хоёр шийдвэрийн нэгд нь иргэд гомдолтой үлдэж байна гэсэн үг. Ийм байж МУ-д шударга шүүх тогтох уу. ХОМ-ээр шүүгчид хамгийн их хөрөнгөтэйгээр шалгарч байна. Тэгэхээр Үндсэн хуулийн өөрчлөлтөөр МУ-д шударга, хараат бус шүүхийг яаж бий болгох вэ. Яаж мэдлэгтэй, чадвартай, авлигад идэгдээгүй шүүгчидтэй болох вэ"

ТББХ-ны дарга, УИХ-ын гишүүн С.Бямбацогт "Одоогийн Үндсэн хуульд зааснаар Улсын дээд шүүхийн шүүгчийг ШЕЗ-өөс УИХ-д танилцуулна. Бусад шүүгчийг ШЕЗ-өөс санал болгосноор МУ-ын Ерөнхийлөгч томилно гэсэн заалттай. Өөрөөр хэлбэл, ШЕЗ сонгон шалгаруулалтаа явуулдаг. Яаж явуулдаг, ямар шаардлага тавьж, хэрхэн сонгон шалгаруулж байгаа нь тодорхой бус. Тэрийг нь Ерөнхийлөгч нэг бол томилдог. Нэг бол татгалздаг. Үүнтэй холбоотойгоор ажлын хэсэг ярилцаад, шалгуур шаардлагыг тодорхой болгоё. Ерөнхийлөгч томилдог биш. Батламжилдаг болоё. Ямар тохиолдолд татгалзах уу, яаж нийтийн сонсгол явуулах уу зэрэг олон нийтэд нээлттэй, хараат бусаар үйл ажиллагаа явуулах зарчмыг баримталж ажиллах бололцоог хангах чиглэлээр тодорхой заалт оруулсан" гэв. 

Чуулганы хуралдаан үргэлжилж байна. 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

УГААРТСАНЫ УЛМААС 12 НАСТАЙ ЭМЭГТЭЙ ХҮҮХЭД АМИА АЛДАЖ, ХОЁР ХҮҮХЭД УХААНГҮЙ ЭМНЭЛЭГТ БАЙНА
“The Hu” хамтлагийн уран бүтээлийг япон хэлнээ орчуулна
Капитал банкийг сонгосон иргэд НӨАТ-ын буцаан олголтоос өмнө мэдээллээ шинэчлэх ёстой
Ирэх ням гарагаас угаар мэдрэгчийг суурилуулж эхэлнэ
Ууланд төөрсөн эцэг хүү хоёрыг оллоо
Нэг айлын гурван хүүхэд угаартаж, нэг нь амиа алджээ
"Амралтын өдрүүдэд цасан шуурганы улмаас зам даваа хаагдаж болзошгүй"
"Дөрвөн сартай хүүхэд гадны нөлөөтэй нас барсан эсэхийг тогтоохоор шалгаж байна"
ЧИХЭР ХҮҮХДИЙН БИЕИЙН ЭСЭРГҮҮЦЛИЙГ ХАМГИЙН ИХЭЭР БУУРУУЛДАГ
Маргаашаас ихэнх нутгаар хүйтний эрч эрс чангарна
Арванхоёрдугаар сар гарсаар 23 хүн осгож нас баржээ
Таван давхраас унах гэж байсан охиныг аварчээ
Мансууруулах бодис дахин хэрэглэсэн иргэдийн ялыг биечлэн эдлүүлэхээр болжээ
Сурагчдын амралт эхэлсэнтэй холбогдуулж эцэг эхчүүд та бүхэнд дараах сэрэмжлүүлгийг хүргэж байна
Японд төрөлт эрчимтэй буурч байна
Согтуу 10 жолооч тутмын нэг нь эмэгтэй
Сураггүй алга болсон хоёр иргэнийг олжээ
Утлага, даралтын аппарат, чагнуур зэргийг онлайн худалдаанаас худалдаж авахгүй байхыг зөвлөж байна
Өдөртөө 14-16 градус хүйтэн байна
2020 оны 1-р сарын 1-нээс төрийн албан хаагчийн цалинг 8%-иар нэмэхээр болжээ