Үндсэн хуулийн өөрчлөлтийг шинэ дэгээр хэлэлцэнэ

2019-06-17

Үндсэн хуулийн өөрчлөлтийг шинэ дэгээр хэлэлцэнэ

2016 оны УИХ-ын сонгуулиар сонгогчид МАН-д 65 суудлыг Үндсэн хуульд өөрчлөлт оруулах үүрэгтэй хамт өгсөн. Үүнийхээ дагуу эрх баригчид Үндсэн хуульд нэмэлт, өөрчлөлт оруулах тухай хуулийн төслийг өргөн барьсан. Ингэхдээ Үндсэн хуульд өөрчлөлт оруулах асуудлыг цогцоор нь авч үзжээ. Тодруулбал, зөвхөн Үндсэн хуульд нэмэлт, өөрчлөлт оруулах тухай хуулийн төсөл өргөн бариад зогсохгүй уг хуулийн төслийг хэлэлцэхтэй холбогдуулан УИХ-ын чуулганы хуралдааны дэгийн тухай хуульд өөрчлөлт оруулах хуулийн төслийг Н.Амарзаяа, Я.Содбаатар нар өргөн барьсан. Энэхүү хуулийн төслийг нь УИХ энэ сарыг 7-нд баталсан юм. Хуулийн гол агуулга нь эцэг хуулиа нухацтай хэлэлцэх боломж олгох явдал юм. Одоо УИХ хуулийн төсөл хэлэлцэхдээ гишүүдэд асуулт асуух, санал хэлэх бүрт нь дөрвөн минут, шаардлагатай бол нэмж нэг минут ярих эрх олгодог. Харин Н.Амарзаяа, Я.Содбаатар нарын гишүүд Үндсэн хуульд нэмэлт, өөрчлөлт оруулах тухай хуулийн төслийг хэлэлцэхдээ асуулт асуух, санал хэлэх тус бүрт найман минут, нэмэлт цаг өгөхдөө хоёр минут өгч байхаар төсөлдөө тусгасныг нь УИХ дэмжсэн юм. Өөрөөр хэлбэл, Үндсэн хуульд нэмэлт, өөрчлөлт оруулах тухай хуулийн төслийг бусад хуулийн төслөөс хоёр дахин урт хугацаанд хэлэлцэх боломж олголоо.

Мөн Байнгын хороо Үндсэн хуульд нэмэлт, өөрчлөлт оруулах тухай хуулийн төслийн нэг, хоёр, гуравдугаар хэлэлцүүлгийг хийх бүртээ санал хураах бөгөөд санал нь хуралдаанд оролцсон гишүүдийн гуравны хоёрын саналаар дэмжигдэх заалт оруулсан юм.

УИХ Н.Амарзаяа, Я.Содбаатар нарын хуулийн төслийг батлахдаа энэ сарын 10-наас хэрэгжүүлж эхлэхээр баталсан юм. Парламент ийнхүү эхлээд Үндсэн хуульд нэмэлт, өөрчлөлт оруулах тухай хуулийн төслийг хэлэлцэх дэгээ тодорхой болгосон. Гэвч Ерөнхийлөгч хориг тавих эсэх хуулийн хугацааг хүлээх шаардлагатай болсон учраас УИХ өнгөрсөн долоо хоногт Үндсэн хуульд нэмэлт, өөрчлөлт оруулах тухай хуулийн төслийг хуучин дэгээрээ хэлэлцсэн. УИХ-ын Төрийн байгуулалтын байнгын хорооны дарга С.Бямбацогт энэ долоо хоногоор эхлээд шинээр батлагдсан дэгийн хуулийн зохицуулалтаар хэлэлцэнэ гэдгийг хэлсэн юм.

УИХ-ын дэгийн тухай хуульд хориг тавих эсэх Ерөнхийлөгчийн хуулийн хугацаа маргааш дуусах юм байна. Хэрэв Ерөнхийлөгч хориг тавихгүй бол Төрийн мэдээлэл сэтгүүлд хэвлэгдсэнээр хүчин төгөлдөр болно. Тэгэхээр Үндсэн хуульд нэмэлт, өөрчлөлт оруулах тухай хуулийн төслийн хоёр дахь хэлэлцүүлгийг шинэ дэгээр хэлэлцэж эхлэх бололтой. УИХ маргаашийн чуулганы нэгдсэн хуралдаанаараа Үндсэн хуульд нэмэлт, өөрчлөлт оруулах тухай хуулийн төслийн нэгдүгээр хэлэлцүүлгийг үргэлжлүүлэхээр төлөвлөөд байгаа юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Тэд бидний тухай: Улаанбаатар дэлхийн хамгийн их утаатай хот байхаа больсон...
Олон улсын даатгалын зохицуулагчдын холбоо “Дижитал эрин дэх хяналт” сэдвээр чуулж байна
15 настай хүү монгол бичгийг хөрвүүлдэг аппликейшн зохион бүтээжээ
Иргэн Ц.Пүрэвдоржийн гаргасан гомдлын дагуу шалгалт хийж буруутай алба хаагчдад хариуцлага тооцлоо
Машин сургалтын алгоритмаар зүрхний шигдээс өвчнийг оношилно
Ардын уран зохиолч Б.Лхагвасүрэн агсны ач хүү Х.Хасуй: Тэр шөнө өвөө бид хоёр бараг унтаагүй ээ
Goal сайтын тодруулсан шилдэг 25 хөлбөмбөгчийн жагсаалтыг Ван Дейк тэргүүлж, Месси удаалав
Хонгконг сүйрч байна
“Аав намайг гурван удаа хүчирхийлсэн, ээжийг минь зоддог болохоор ээждээ энэ тухай хэлээгүй”
Хар тамхины хэргээр ял тэнссэн этгээдүүдийн 50 хувь нь дахин хэрэглэж байжээ
Гари Рассель, Н.Төгсцогт нар нэгдүгээр сард тулалдана
Халтиргаатай үед хэрхэн зөв алхаж явах вэ?
Монголд алмазын орд байдаг уу?
​Дараах байгууллагын албан тушаалтнууд төрийн албаны машинаар хүүхдээ сургуульд хүргэсээр байна
Эрдэмтэд бүх төрлийн хорт хавдрын эсийг устгах вирус дээр ажиллаж байна
Хяналтын долоон цэгт 24 цагаар ажиллаж байна
М.Анандын иргэншлээс татгалзах хүсэлтийг Ерөнхийлөгч хянаж байна
НДШ төлөхдөө эргэлзэгчид нэмэгдэж байна
АТГ: Анхаарал татсан хэргүүдийг хэрхэн шийдэв
“Тамирчид маань гудамжинд бэлтгэл хийж, олимпийн эрх авлаа”