Монголчууд муухай, муухай дээрээ тэнэг

2019-06-17

Монголчууд муухай, муухай дээрээ тэнэг

Гэнэтийн аадар бороо, хүчтэй шуурганы улмаас МИАТ компани өнгөрсөн амралтын өдөр нислэгүүдээ хойшлуулж, аюулгүй байдлыг хангасан нь муухай Монголд таалагдсангүй, Хонконгийн нисэх онгоцны буудалд хуурай агсам тавьж, булайгаа дэлгэсэн талаарх иргэний сэтгэгдэл олон нийтийн сүлжээнд тавигджээ.

Байгалийн давагдашгүй хүчин зүйл тулгарахад дэлхийн аль ч авиа компани аюулгүй байдлыг хангаж, хуваарьт нислэгүүдээ хойшлуулдаг нь тогтсон дүрэм. 

Харамсалтай нь, муухай Монголд энэ асуудал хамаагүй бололтой.  “Төлөвлөсөн ажил нураалаа” гэж хэсэг монгол иргэнтэй хамт Хонконгийн нисэх буудлын ажилтан, МИАТ компанийн төлөөлөгч хоёрыг “чихдэх”-ээс наахнуур болж, гадаадынхныг гайхашруулжээ. Одоо Хонконг даяар Монгол хүн ямар тэвчээргүй, бүдүүлэг зан авиртай талаар шуугиж буй биз. Нэг хэсэгтээ л энэ яриа намжихгүй болов уу.

Уг нь зургаахан сарын өмнө БНСУ-ын Инчеон хотоос Улаанбаатар хот руу нислэг үйлдэж байсан МИАТ компанийн ОМ-302 агаарын хөлөг техникийн буулт хийхээс аргагүй болж, буцаж нисэн амжилттай газардсаны дараа уг нислэгээр зорчиж явсан хэсэг Монгол иргэд муухай аашилсан тухай бичлэг цацагдаж, нэг хэсэгтээ л дуулиан тарьсан.  Эсэн мэнд газардсандаа баярлах байтал хоолны мөнгөний хэрүүлж хийж, МИАТ-ийн төлөөлөгчийн газрынхныг  “барьж идэн” алдан Инчёоны олон улсын нисэх буудлаар нэг хашигралдан будүүлэг авирласан нь хангалттай л муухайгийн жишээ болж яригдсан. Яасан ч сургамж авдаггүй араншин юм.

Хилийн дээс алхангуут улсынх нь нэр сүр хамтдаа явдаг гэдгийг яагаад бодолцож болдоггүй юм бол… Ийм зан авир гаргаснаар Монгол хүн, Монгол Улс дэлхий дахинд муухай харагдаж, соёлгүй бүдүүлгээрээ алдаршдаг болохоос биш омогтой Монгол араншингаа гаргалаа гэж ярьдаггүй шүү дээ. Тэр тусмаа байгалийн давагдашгүй хүчин зүйлийг хэн ч бүдүүлэг авир араншингаар дийлдэггүй юм.

Хэрэв тэрхүү нис лэг үйлдэгдсэн бол Улаанбаатар хотод бууж чадахгүй буцах байсан гэдэгтэй мөрийцөхөд ч бэлэн байна.

Яагаад гэвэл тэр өдөр Улаанбаатар хотоор тогтохгүй Төв аймгийн Лүн, Говь-Алтай аймгийн Тайшир суманд үер бууж, олон арван айлын гэр урсаж, авто замууд эвдэрч,   баруун тийш гарах тээврийн хэрэгслийн хөдөлгөөнийг хаахад хүрсэн. Олон айл өрх орох оронгүй болж, дөрвөн настай хүүхэд эндэж, олон тооны хүн бэртэж гэмтээд байна.

Байгалийн гамшиг гэдэг хэлж ирдэггүй аюултай. Хэн ч өртөх эрсдэлтэй. Ийм зүйлийг уур омгоор давж гардаггүй гэдгийг монголчууд ухаарах цаг нь иржээ.  Дээр нь үйлчилгээний соёлд суралцах. Юм болгоны урдуур орох гэж давшина.

Сая амралтын өдөр Улаанбаатар хотын гудамжаар түргэн тусламжийн 103 машин дохиогоо хангинуулан зав тавьж өгөхийг хүсэн, зарлаад байхад л жолооч нар тал, талаас нь хяхаж хавчин, бүдүүлэг аашилсан бичлэг цахим ертөнцөд тарлаа.  Эрдэнэт хүний амь аврах гээд минут, секундтэй уралдаж яваа түргэн тусламжийн эмч, жолооч хоёрт саадгүй нэвтрэх зам тавиад өгөхөд юу ч хорогдохгүй.  Хэдхэн минутын л ажил болно.  Гэтэл хэдэн цагаар түгжрээнд орчих аятай л аашилцгаах. Ерөөс өөрсдөө л болж байвал бусад нь хамаагүй гэсэн аминчхан үзэлтэй.

Гэтэл хэдхэн хоногийн өмнө Японы эзэн хаан Нарухито Айчи аймгийн Айчи хотын ой модтой томоохон цэцэрлэгт хүрээлэнд болсон арга хэмжээнд оролцоод буцаж явах замдаа түргэний тэрэг дохиогоо хангинуулан орж ирэхэд нь зам тавьж өгөөд л араас нь явсан байдаг.

Хонконгд сая хоёр сая иргэн оролцсон том жагсаал болоход мөн л түргэн тусламжийн машиндаа зам тавьж өгч, ямар өндөр ёс суртахуунтай ард иргэдтэй ард түмэн болохоо харууллаа.Хүн ард нь соёлтой, ёс суртахуунтай байна гэдэг бол улсынх нь хөгжлийн нэг хэмжүүр юм.

Харин Монгол энэ үнэлэмж үгүй болжээ. Түргэний машиндаа зам тавьж өгвөл бусдын өмнө дорд үзэгдсэн болно, автобусаар зөвхөн орлогогүй иргэд зорчдог, салхи шуурга болж байсан ч авиакомпани нь нислэг үйлдэх ёстой. Нэг үгээр хэлбэл, бид дэлхийд сайн сайхнаараа биш муу муухайгийн туйл болж, худалч, хулгайч, хэрүүлч, заргачаараа гайхагдаж байна. Товчхондоо, монголчууд муухай, муухай дээрээ тэнэг болжээ. Ийм л хүмүүжил, ёс суртахуунтай монголчууд яаж хөгжинө дөө…

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!