2019-06-17
Сүүлийн хэд хоног хэл амны бай болоод байсан автозамын тусгаарлах шар хайс хүчтэй салхины аяыг даалгүй нурж, иргэдийн эд хөрөнгийг хохироосон явдал өнгөрсөн амралтын өдрүүдэд болсон. Тодруулбал, Нийтдээ 760 сая гаруй төгрөгөөр урд хөршөөс импортолсон гэх тусгаарлах хайс ганцхан шөнийн салхинд нуран унасны улмаас нэг хүн бэртэж, 9 иргэний автомашинд их бага хэмжээний хохирол учруулжээ.
Дээрх иргэдийн хохирлыг хэн, хэрхэн багагдуулах талаар Нийслэлийн захирагчийн ажлын албанаас тодруулахад, "Зам тээврийн осол аваараас сэргийлэх үүднээс Нийслэлийн Засаг даргын захирамж гарч, шар хайснуудыг байрлуулсан. Гэтэл өнгөрсөн амралтын өдрүүдэд хүчтэй шуурга дэгдэж, автозамтай бэхлэж амжаагүй байсан шар хайснууд унаж, 9 иргэний автомашинд их бага хэмжээний хохирол учруулсан байгаа. Хариуцлага алдсан хүмүүс хохирсон иргэдийн хохирлыг барагдуулах ёстой гэж үзэж байгаа. Энэ талаар Нийслэлийн Засаг дарга тодорхой үүрэг чиглэл өгөх байх" гэв.
Энэ талаар өнөөдөр үдээс хойш Нийслэлийн захирагчийн ажлын албанаас хэвлэлийн хурал зарлаж, тодорхой мэдээллийг өгөх юм байна.
ЦАГ АГААР
°C/°C
°C/°C
°C/°C
Төстэй мэдээнүүд