Монголын ноос, ноолуурын холбоо, үндэсний үйлдвэрлэгч аж ахуйн нэгжүүдийн удирдлагуудтай уулзлаа

2023-11-21

Улсын Их Хурлын даргын захирамжаар байгуулагдсан Татварын суурь орчинд дүн шинжилгээ хийх, нийгэм, эдийн засагт үүсээд байгаа эргэлзээтэй асуудлыг судалж, санал дүгнэлт гаргах, шаардлагатай бол татварын суурь шинэчлэлт хийх шийдвэрийн төсөл боловсруулж, танилцуулах үүрэг бүхий ажлын хэсгийн гишүүд өнөөдөр (2023.11.20) Монголын ноос, ноолуурын холбооны төлөөлөл, үндэсний үйлдвэрлэгч аж ахуйн нэгж, байгууллагуудын удирдлагуудыг хүлээн авч уулзлаа. Уг уулзалтаар татварын орлогын зонхилох хувийг бүрдүүлдэг ноос, ноолууран бүтээгдэхүүний үйлдвэрлэлийг нэмэгдүүлж, эдийн засгийн өсөлтийг сайжруулахад татварын нэгдсэн бодлогоор хэрхэн дэмжих талаар нээлттэй хэлэлцэж, баялаг бүтээгч, үндэсний үйлдвэрлэл эрхлэгчдэд ноогдуулж буй татварын төрөл зүйл, хувь хэмжээ оновчтой эсэх асуудлаар харилцан санал солилцсон юм. Уулзалтын эхэнд Улсын Их Хурлын гишүүн, Төсвийн байнгын хорооны дарга, ажлын хэсгийн ахлагч Г.Тэмүүлэн төрөөс хэрэгжүүлж ирсэн татварын нэгдсэн бодлого болон өмнөх онуудад санаачлан эхлүүлсэн багц өөрчлөлтийн хүрээнд мэдээлэл өгөв. Тэрбээр, татварын суурь орчныг судалж, хууль тогтоомжийн хэрэгжилтэд дүн шинжилгээ хийх явцад салбар бүрт тулгамдаж буй хүндрэл, ачааллыг тодорхойлохоос гадна татвар нь зөвхөн төсвийн орлого бүрдүүлээд зогсохгүй эдийн засгийг дэмжих хөшүүрэг байх учиртайг тодотголоо.

Аж ахуй нэгжүүдийн төлөөллийн хувьд, татварын бааз суурийг өргөтгөх нь чухал ач холбогдолтойг дурдаад, хууль тогтоомжийн хэрэгжилт, хоорондын уялдаа холбоог анхаарах ёстой гэсэн байр суурийг илэрхийлэв. Түүнчлэн цар тахлаас үүдэлтэй хямралыг даван туулахад татварын уян хатан бодлого, оновтой зохицуулалт шаардлагатай байгааг илэрхийлэхийн сацуу ажил олгогчийн нийгмийн даатгалын шимтгэл төлөлт, бэлэн бүтээгдэхүүний экспортын гаалийн татвар зэрэг тухайлсан зохицуулалтуудын хүрээнд шийдэл дэвшүүлцгээсэн юм. Уулзалтад оролцогчдын зүгээс, ноос, ноолуур, сарлагийн хөөврөн бүтээгдэхүүн үйлдвэрлэл эрхлэгчдийн хувьд малчид, хоршоодоос түүхий эдээ нийлүүлдэг онцлогтой тул малдчын дунд татварын нэгдсэн систем, эрх зүйн шинэчлэл, төрөөс хэрэгжүүлж буй бодлого, шийдвэрийн ач холбогдол, хэрэглээг таниулах шаардлагатай байгааг хэлцгээлээ. Мөн Улсын Их Хурлын гишүүн Ж.Батжаргал, татварын шаталсан тогтолцоо, эрх зүйн орчныг сайжруулах замаар голлох салбаруудын нийт бүтээмжийг нэмэгдүүлж, олон улсын зах зээлд өрсөлдөх чадамжийг бэхжүүлэхийг зорьж, энэ мэтчилэн салбарынхны санал, шийдлийг хамтдаа хэлэлцэх нь зүйтэй хэмээв. Энэ удаагийн уулзалтад УИХ-ын гишүүн, Эдийн засгийн байнгын хорооны дарга Ц.Цэрэнпунцаг, УИХ-ын гишүүн Ж.Батжаргал, Ж.Бат-Эрдэнэ, Ч.Ундрам нар байлцсан юм хэмээн Улсын Их Хурлын Хэвлэл мэдээлэл, олон нийттэй харилцах газраас мэдээллээ.

 



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

МАЛЧДАД ТУСЛАХ АЯНД БОАЖЯ-НЫ АЛБАН ХААГЧИД НЭГДЭЖ НЭГ ӨДРИЙН ЦАЛИНГАА ХАНДИВЛАХААР БОЛЛОО
2024 ОНЫ ЭЛСЭЛТИЙН ШАЛГАЛТАД 40 МЯНГА ОРЧИМ ШАЛГУУЛАГЧ ХАМРАГДАНА
ЭНЭ ХАВАР ШИНЭЭР БОЛОН ДАХИН ТОГЛОХ ЖҮЖГҮҮД
БНСУ-д хөдөлмөрийн гэрээгээр ажиллах хүсэлтэй иргэдийг хоёрдугаар сарын 26-29-ны хооронд бүртгэнэ
ХӨРСНИЙ БОХИРДЛЫГ БУУРУУЛАХ ЧИГЛЭЛД МОНГОЛЫН ЖОРЛОНГИЙН УУГАН ХОЛБООТОЙ ХАМТРАН АЖИЛЛАНА
ХӨВСГӨЛ АЙМГИЙН ПОЛИТЕХНИК КОЛЛЕЖИЙН ШИНЭ ЦОГЦОЛБОРЫН БАРИЛГЫН АЖИЛ ЭНЭ ОНД ЭХЭЛНЭ
ЭТТ: ₮351 тэрбумыг иргэдэд ногдол ашиг болгон хуваарилж байна.
Өнөөдрөөс автомашины дугаарын тэгш, сондгой зохицуулалт үйлчлэхгүй
МЭРГЭЖЛИЙН БОЛОН ТЕХНИКИЙН БОЛОВСРОЛЫН СУРГАЛТЫН БАЙГУУЛЛАГЫГ АМЖИЛТТАЙ ТӨГСӨГЧДӨД ТЭТГЭЛЭГ ОЛГОНО
Отгонтэнгэр их сургууль, АНУ-ын University of north America-тай магистрын 1+1, бакалаврын 2+2 хөтөлбөрийг хэрэгжүүлнэ.
233 ЦЭЦЭРЛЭГ, ЕБ-ЫН 337 СУРГУУЛЬ, 250 ДОТУУР БАЙР ОРЧИН ҮЕИЙН АРИУН ЦЭВРИЙН БАЙГУУЛАМЖТАЙ БОЛНО
МОНГОЛ ХЭЛНИЙ ТУХАЙ ХУУЛЬ БОЛОН "МОНГОЛ БИЧГИЙН ҮНДЭСНИЙ ХӨТӨЛБӨР III"-ИЙН ХЭРЭГЖИЛТ
СУРАГЧИД ӨӨРИЙГӨӨ ҮНЭЛЭХ SORIL.EEC.MN ЦАХИМ СИСТЕМ ХЭРЭГЛЭЭНД НЭВТЭРЛЭЭ
УЛСЫН ХЭМЖЭЭНД 233 ЦЭЦЭРЛЭГ, ЕРӨНХИЙ БОЛОВСРОЛЫН 337 СУРГУУЛЬ, 250 ДОТУУР БАЙР ОРЧИН ҮЕИЙН АРИУН ЦЭВРИЙН БАЙГУУЛАМЖТАЙ БОЛНО
Дэлхийн брайл үсгийн өдөр тохиож байна
Доктор, профессор Мэттью Брок : ЭЦЭГ ЭХЧҮҮД ТЭГШ ХАМРУУЛАХ БОЛОВСРОЛЫН ТАЛААР ОЙЛГОЛТТОЙ БОЛСОН НЬ САЙН ҮР ДҮН
ТӨРӨЛЖСӨН СУРГАЛТТАЙ 112 ДУГААР СУРГУУЛИЙН ХҮҮХДҮҮДЭД ЧАНАРТАЙ БОЛОВСРОЛ ОЛГОХОД БҮХ ТАЛААР ДЭМЖИН АЖИЛЛАНА
Японд болсон газар хөдлөлтөд 55 хүн амиа алджээ
Халхын Цогт хунтайжийн хадны бичээсийг ЮНЕСКО-д бүртгэж, батламж гардууллаа
Эдийн засгийн өсөлт энэ оны III улирлын байдлаар 6.9 хувьд хүрчээ