“Ханжоу-2022” Азийн пара наадмын таэквондогийн төрлийн эхний өдөр Монголын пара таэквондогийн Үндэсний шигшээ багийн тамирчин У.Сүрэнжав мөнгөн медаль хүртэн медалийн салхийг хагалсан бол өнөөдөр манай хоёр тамирчин тулаанаа хийнэ.

       Эрэгтэйчүүдийн 63 кг-ын жинд дэлхийн таван удаагийн аварга, "Алдар" спорт хороо, үндэсний шигшээ баг, МУГТ Г.Болор-Эрдэнэ жингээ толгойлж буй тул эхний тойрогт гоц мөргөж улмаар хоёрдугаар тойрогт Тайландын тамирчинтай тулалдана.

        Харин -70 кг-ын жинд дэлхийн аваргын гурван мөнгө, хошой хүрэл медальт Б.Шинэбаярын хувьд шөвгийн наймд Хятадын тамирчинтай тус тус тулалдах хуваарьтай байна.