Өдөр бүр хангалттай хэмжээний ус уух нь эрүүл мэндэд ихээхэн ач тустай гэдгийг бид бүгд мэднэ. Бидний зарим нь тогтмол ус ууж хэвшсэн байдаг байдаг ч магадгүй олонх нь зөв цагт усаар биеэ цэнэглэж чаддаггүй байх. Хүн өдөрт 2 литр буюу 8 аяга ус уух ёстой байдаг ч энэ хэмжээний усыг өдрийн аль цагт уух нь зөв болохыг мэддэг хүн цөөн. Өдрийн авах ёстой шингэнээ хэзээ, хэрхэн уувал жинхэнэ ёсоор биед шингэж, ач холбогдлоо өгч чаддаг болохыг дараах инфографикаас мэдэж аваарай.

Өглөөний 8 цагт: Хоосон ходоодон дээрээ ус уух нь биеийн шингэнийг сэлбэх шилдэг арга. Энэ нь мөн таны биеийг сэргээж, өглөөний цайнд бэлтгэдэг. Өглөө ус болон өглөөний цайгаа уухаа бүү мартаарай.

Өглөөний 11 цаг: Хоолны хооронд ус ууж занш. Өдөрт 1,5 литр ус уух зорилгодоо хүрэх боломжийг чинь өсгөнө. Энэ нь мөн өдрийн хоолны өмнө бага үдэд ходоод чинь хоржигнон дуугарч эхлэх үед хоол идэх хүслийг чинь хазаарлана.

Өдрийн 13 цаг: Өдрийн хоолны үеэр 1-2 аяга ус уухад хоолны шингэц сайжирна. Хийжүүлсэн ус уухад ч гэмгүй. Учир нь натрийн давхар ислээр баялаг хийжүүлсэн ус нь хоол боловсруулалтыг дэмждэг.

Оройн 16 цаг: Өдрийн хоолноос оройн хоол хүртэл 6-7 цаг орчмын хугацаа байдаг. Энэ үеэр төрдөг түгээмэл мэдрэмж бол цангаж, ус уух хүсэл юм. Энэ үед гартаа нэг савласан ус байнга барьж байх нь ус уухаа мартахгүй байхад тусална.

Оройн 20 цаг: Оройн хоолны өмнө хэрчим нимбэгтэй хийжүүлсэн ус уугаарай. Хоол идэх үедээ ч мөн ус ууж болно.