Америкийн дуучин, реппер Крис Брауныг Парист хүчингийн хэргээр саатуулсан байна. Францын хууль хүчнийхний мэдээлснээр нэртэй дуучны эсрэг 24 настай бүсгүй хүчингийн хэргээр гомдол мэдүүлжээ. Бүсгүйн ярьснаар дуучин Крис Браун түүнийг энэ сарын 15-нд Парис дахь зочид буудалдаа авчран хүчирхийлсэн байна. 

Тэд Елисейн талаас холгүй байрлах Парисын нэгэн шөнийн клубт танилцан, улмаар бүсгүй дуучныг дагаж зочид буудал руу нь хамтдаа явжээ. 29 настай дуучин одоогоор түүний эсрэг гаргасан гомдол болоод хүчингийн хэрэгт буруутгаж байгаа явдлын талаар тодорхой зүйл яриагүй байна. Францын хууль хүчний байгууллагууд энэ хэргийг шалгаж эхлээд байна.