БОЛОВСРОЛ, ШИНЖЛЭХ УХААНЫ ДЭД САЙД Г.ГАНБАЯР ОХУ-ЫН ГЭГЭЭРЛИЙН ЯАМНЫ ОРЛОГЧ САЙД Д.Е. ГРИБОВЫГ ХҮЛЭЭН АВЧ УУЛЗЛАА

2023-10-24

Боловсрол, шинжлэх ухааны дэд сайд Г.Ганбаяр ОХУ-ын Гэгээрлийн яамны орлогч сайд Д.Е.Грибовыг хүлээн авч уулзлаа. Уулзалтын эхэнд дэд сайд Г.Ганбаяр Монгол, Оросын Засгийн газар хоорондын Худалдаа эдийн засаг, шинжлэх ухаан, техникийн комиссын 25 дугаар хуралдаанд оролцохоор хүрэлцэн ирсэн төлөөлөгчдөд талархал илэрхийлэв. Мөн Улаанбаатар хотын 162 дугаар сургуулийн үйл ажиллагааны талаар товч танилцуулж “Хамтарсан сургууль байгуулах тухай” тогтоол батлагдсан тухай мэдэгдсэн юм.

“Хилийн чанад дахь орос багш” төслийн хүрээнд 2023-2024 оны хичээлийн жилд 162 дугаар сургуульд 5, бусад сургуулиудад мэргэжлийн орос хэлний 8 багшийг урьж ажиллуулж байгаа, цаашид хамтарсан сургуулиудын үйл ажиллагааг дэмжих, багш нарт мэргэжил, арга зүйн сургалт явуулах хэрэгцээ шаардлагатай талаар тэмдэглэн хэллээ.

ОХУ-ын Гэгээрлийн яамны орлогч сайд Д.Е.Грибов мэргэжлийн боловсролын чиглэлд хамтран ажиллах санамж бичиг байгуулах хүсэлтэй байгаагаа илэрхийлсэн. Тухайлбал , ОХУ-ын мэргэжил сургалтын 12 байгууллагатай хамтрах,  хүүхдийн зуны зуслан, солилцооны хөтөлбөр хэрэгжүүлэх, хоёр улсын хичээлээс гадуур үйл ажиллагаа явуулдаг төвүүдийг холбох, робот техник, технологийн сургалтууд явуулах зэргээр хамтран ажиллахад боломжтой  гэлээ.

Талууд В.Г.Короленкогийн нэрэмжит Глазовын Багшийн их сургуультай хамтран

  • Орос хэлний багш нарын мэргэжил дээшлүүлэх сургалтыг үе шаттай зохион байгуулах, үргэлжлүүлэх;
  • Ялгаатай хэрэгцээтэй, хөгжлийн бэрхшээлтэй хүүхэдтэй ажиллах талаар арга зүйн сургалтуудыг зохион байгуулах;
  • Сургуулийн өмнөх, бага боловсролын болон байгалийн ухааны багш нарын мэргэжил дээшлүүлэх сургалтуудыг явуулах;
  • Хамтарсан сурах бичиг зохиох, боловсруулах баг байгуулах, энэ чиглэлд хамтран ажиллах;
  • Ерөнхий боловсролын сургуулиудын хамтын ажиллагааг өргөжүүлэх;
  • Мэргэжил дээшлүүлэх институтуудыг холбох, хамтын ажиллагааны зураглал боловсруулж, хэрэгжүүлэх талаар санал солилцож тохиролцоонд хүрэв.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

МАЛЧДАД ТУСЛАХ АЯНД БОАЖЯ-НЫ АЛБАН ХААГЧИД НЭГДЭЖ НЭГ ӨДРИЙН ЦАЛИНГАА ХАНДИВЛАХААР БОЛЛОО
2024 ОНЫ ЭЛСЭЛТИЙН ШАЛГАЛТАД 40 МЯНГА ОРЧИМ ШАЛГУУЛАГЧ ХАМРАГДАНА
ЭНЭ ХАВАР ШИНЭЭР БОЛОН ДАХИН ТОГЛОХ ЖҮЖГҮҮД
БНСУ-д хөдөлмөрийн гэрээгээр ажиллах хүсэлтэй иргэдийг хоёрдугаар сарын 26-29-ны хооронд бүртгэнэ
ХӨРСНИЙ БОХИРДЛЫГ БУУРУУЛАХ ЧИГЛЭЛД МОНГОЛЫН ЖОРЛОНГИЙН УУГАН ХОЛБООТОЙ ХАМТРАН АЖИЛЛАНА
ХӨВСГӨЛ АЙМГИЙН ПОЛИТЕХНИК КОЛЛЕЖИЙН ШИНЭ ЦОГЦОЛБОРЫН БАРИЛГЫН АЖИЛ ЭНЭ ОНД ЭХЭЛНЭ
ЭТТ: ₮351 тэрбумыг иргэдэд ногдол ашиг болгон хуваарилж байна.
Өнөөдрөөс автомашины дугаарын тэгш, сондгой зохицуулалт үйлчлэхгүй
МЭРГЭЖЛИЙН БОЛОН ТЕХНИКИЙН БОЛОВСРОЛЫН СУРГАЛТЫН БАЙГУУЛЛАГЫГ АМЖИЛТТАЙ ТӨГСӨГЧДӨД ТЭТГЭЛЭГ ОЛГОНО
Отгонтэнгэр их сургууль, АНУ-ын University of north America-тай магистрын 1+1, бакалаврын 2+2 хөтөлбөрийг хэрэгжүүлнэ.
233 ЦЭЦЭРЛЭГ, ЕБ-ЫН 337 СУРГУУЛЬ, 250 ДОТУУР БАЙР ОРЧИН ҮЕИЙН АРИУН ЦЭВРИЙН БАЙГУУЛАМЖТАЙ БОЛНО
МОНГОЛ ХЭЛНИЙ ТУХАЙ ХУУЛЬ БОЛОН "МОНГОЛ БИЧГИЙН ҮНДЭСНИЙ ХӨТӨЛБӨР III"-ИЙН ХЭРЭГЖИЛТ
СУРАГЧИД ӨӨРИЙГӨӨ ҮНЭЛЭХ SORIL.EEC.MN ЦАХИМ СИСТЕМ ХЭРЭГЛЭЭНД НЭВТЭРЛЭЭ
УЛСЫН ХЭМЖЭЭНД 233 ЦЭЦЭРЛЭГ, ЕРӨНХИЙ БОЛОВСРОЛЫН 337 СУРГУУЛЬ, 250 ДОТУУР БАЙР ОРЧИН ҮЕИЙН АРИУН ЦЭВРИЙН БАЙГУУЛАМЖТАЙ БОЛНО
Дэлхийн брайл үсгийн өдөр тохиож байна
Доктор, профессор Мэттью Брок : ЭЦЭГ ЭХЧҮҮД ТЭГШ ХАМРУУЛАХ БОЛОВСРОЛЫН ТАЛААР ОЙЛГОЛТТОЙ БОЛСОН НЬ САЙН ҮР ДҮН
ТӨРӨЛЖСӨН СУРГАЛТТАЙ 112 ДУГААР СУРГУУЛИЙН ХҮҮХДҮҮДЭД ЧАНАРТАЙ БОЛОВСРОЛ ОЛГОХОД БҮХ ТАЛААР ДЭМЖИН АЖИЛЛАНА
Японд болсон газар хөдлөлтөд 55 хүн амиа алджээ
Халхын Цогт хунтайжийн хадны бичээсийг ЮНЕСКО-д бүртгэж, батламж гардууллаа
Эдийн засгийн өсөлт энэ оны III улирлын байдлаар 6.9 хувьд хүрчээ