Монгол Улсын Ерөнхийлөгчийн 2021 оны ээлжит сонгуульд "Ковид-19" цар тахлын улмаас эмчлүүлж буй болон тусгаарлалтад байгаа хүмүүс, алба хаагчид зөөврийн битүүмжилсэн саналын хайрцгаар санал өгөх боломж бүрдсэн билээ. Гэрийн тусгаарлалтад байгаа хүмүүс ч үүнд багтах юм.

Иймд зөөврийн битүүмжилсэн саналын хайрцгаар санал өгөх хүсэлтээ 2021 оны зургадугаар сарын 5-ны өдрийг дуустал харъяа хэсгийн хороондоо гаргахыг Сонгуулийн ерөнхий хорооноос мэдэгдлээ.

Өнөөдрийн байдлаар "Ковид-19" цар тахлын улмаас 4300 гаруй хүн гэрийн тусгаарлалтад байгаа юм.