Д.Амарбаясгалан: Сонгуульд дэвшүүлсэн мөрийн хөтөлбөртөө хүрч ажиллахад иргэний нийгэм, ТББ-ынхан чухал үүрэгтэй

2021-06-03

МАН Барилгын салбарын ахмадын хороо, Хот хоорондын тээвэр эрхлэгчдийн холбоо, Монголын төмөр замчдын үйлдвэрчний эвлэлийн холбоо, МҮЭХ, Монголын багш нарын холбоо, Монголын залуучуудын холбоо, Монголын оюутны  холбоо  зэрэг 20 гаруй ТББ болон иргэний нийгмийн байгууллагатай хамтран ажиллах санамж бичиг байгууллаа.  Дээрх байгууллагууд  МАН-аас Ерөнхийлөгчийн сонгуульд нэр дэвшигч У.Хүрэлсүхийн дэвшүүлсэн мөрийн хөтөлбөрийг дэмжиж, хамтран ажиллахаа илэрхийлснээр ийнхүү  санамж бичгийг байгуулж байгаа юм. Сонгуулийн сурталчилгаа албан ёсоор эхэлснээс хойш МАН нийтдээ 120 гаруй  ТББ, иргэний нийгмийн байгууллагатай хамтын ажиллагааны  санамж бичгийг байгуулаад байгаа юм.

МАН-ын ерөнхий нарийн бичгийн дарга Д.Амарбаясгалан “МАН 2016, 2020 оны УИХ-ын сонгуульд ард иргэдийнхээ амьжиргааны түвшинг дээшлүүлж, нийгэмд шударга ёсыг тогтоох, ард иргэдэд байгалийн баялгаас хүртээх тэгш боломж олгохыг зорьж, үүнд чиглэсэн мөрийн хөтөлбөр боловсруулсан. Улмаар Засгийн газрын мөрийн хөтөлбөрийг үүнд үндэслэн боловсруулан хэрэгжүүлж байна. Энэ  бодлогынхоо хүрээнд энэ удаагийн Ерөнхийлөгчийн сонгуульд нийгэмд шударга ёсыг тогтоох, ард иргэдэд байгалийн баялгийн өгөөжөөс тэгш хүртээхээр тусгасан.  

Түүнчлэн Монгол хүн өөрөө Монголын баялаг байх боломж, нөхцөлийг бүрдүүлэх томоохон зорилгыг дэвшүүлсэн. МАН өөрөө зүүн төвийн буюу  бүгдээрээ тэгш эрхтэй амьдрах ёстой гэсэн үзэл баримтлалтай. Тийм ч учраас сонгуульд дэвшүүлсэн мөрийн хөтөлбөртөө хүрч ажиллах ёстой гэж үздэг. Энэ ажилд иргэний нийгэм болон төрийн бус байгууллагынхан ихээхэн чухал үүрэгтэй. Учир нь эдгээр байгууллага  Монгол Улсын ардчиллын  суурийг бэхжүүлэх,  хүний эрх, эрх чөлөөг дээдлэн хамгаалах  чиглэлд анхаарч ажилладаг нь МАН-ын үзэл баримтлалтай яв цав нийцдэг. Тэр ч утгаараа бид удаа дараагийн сонгуульд иргэний нийгэм, төрийн бус байгууллагуудтай хамтын ажиллагааны санамж бичгийг байгуулж ирсэн” гээд МАН-ын  үзэл баримтлал, сонгуульд дэвшүүлсэн мөрийн хөтөлбөрийг дэмжин ажиллахаа илэрхийлсэн иргэний нийгмийн болон төрийн бус байгууллагынханд талархал илэрхийллээ.

=

МАН-ын ерөнхий нарийн бичгийн дарга Д.Амарбаясгалан болон  УИХ-ын гишүүн Д.Цогтбаатар, Зам тээврийн  хөгжлийн сайд Л.Халтар нар   хамтын ажиллагааны гэрээнд үзэглэсэн юм.  МАН  Ерөнхийлөгчийн сонгуульд  “Баялагтаа эзэн Монгол” уриатайгаар оролцож байгаа бөгөөд энэ зорилтыг хэрэгжүүлэхэд хамтран ажилладаг иргэний нийгмийн байгууллагуудын оролцоо ихээхэн дэмжлэгтэй гэж үзэж буй. Түүнчлэн МАН Ерөнхийлөгчийн сонгуульд ялалт байгуулсан тохиолдолд тухайн салбар чиглэлийн  хөгжлийн баримт бичиг, төсөл хөтөлбөр, холбогдох хуулийн төслийг батлуулан хэрэгжүүлэхэд хуулийн хүрээнд дэмжлэг үзүүлж, ажиллах юм.  Энэ тухайд ерөнхий нарийн бичгийн дарга Д.Амарбаясгалан  “Өөрчлөлт шинэчлэлийн 30 жилийн хугацаанд иргэний нийгмийн байгууллагуудтай хамтарч ажиллаж ирсэн  арвин  туршлага МАН-д бий. Тэр ч утгаараа иргэний нийгмийн байгууллагууд өнөөдөр эрх барьж  байгаа намдаа итгэж,  дэмжлэг үзүүлж хамтын зорилтоо хэрэгжүүлэхэд онцгойлон анхаарч ирсэн. 

Энэ удаагийн Ерөнхийлөгчийн сонгуулийн үр дүн улс орны хөгжилд ихээхэн чухал үүрэгтэй. Төрийн өндөрлөгүүд бие биедээ чөдөр тушаа болдоггүй, нэг цонхоор харах боломжийг бүрдүүлж өгөх сонгууль юм. Төрийн гурван өндөрлөг нэг бодлоготой нэгдсэн хөтөлбөртэй ажиллаж чадвал  улс орныг хөгжилд хөтлөх томоохон төсөл хөтөлбөрүүдээ хэрэгжүүлэх боломж бий болно. Үүнийг дагаад ажлын байр олноор нэмэгдэж, олон мянган залуус ажилтай орлоготой болж, ард иргэдийн  амьдрал богино хугацаанд дээшилнэ” хэмээн онцоллоо.   Улсын хэмжээнд 20 гаруй мянган төрийн бус байгууллага байдгаас  идэвхтэй үйл ажиллагаа явуулдаг 150 орчим  нь МАН-тай хамтран ажилладаг юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Ерөнхийлөгчид нэр дэвшигчид ӨНӨӨДӨР мэтгэлцэнэ
Н.Түвшинбаяр МҮОХ-нд тамгаа авчирч өгчээ
М.Уранцэцэг Хөдөлмөрийн баатар цолоо ДАШТ-ий 4 дэх медалиар мялаалаа
Монголд байнга оршин суух зөвшөөрөлтэй гадаадын иргэд гарах-орох виз мэдүүлэх шаардлагагүй боллоо
Н.Түвшинбаяр МҮОХ-ны ТАМГЫГ буцааж өгнө гэжээ
Өнөөдөр 1189 хүнээс халдвар илэрч, 13 хүн нас барлаа
Ахлах ахлагч Э.Даваажамц 90 км зам туулаад байна
Худал мэдээлэл түгээсэн гэх Г.Ган-Очирыг баривчилжээ
Өнөөдөр 10260 иргэнийг дархлаажуулна
Д.СУМЪЯАБАЗАР: Улсын төсвөөс жил бүр 420 тэрбум төгрөгийг нийслэлд олгохоор болсон
Хатуу хөл хорио тогтоохгүй
Нийслэлийн 18-аас дээш насны иргэд 100 хувь I тундаа хамрагджээ
С.Батцэцэг, О.Насанбурмаа нар Польшийн нийслэл Варшавт барилдана
Урсгал уснаас эрэн хайх, аврах ажиллагааны дадлага сургууль эхэллээ
Өнөөдөр ихэнх нутгаар цаг агаар тогтуун байна
Монгол ноолуур анх удаа газраар Итали улс руу тээвэрлэгдлээ
Н.Түвшинбаярт холбогдох хэргийг шалгаж дуусчээ
Зорилтот бүлгийн иргэдэд Файзер вакцин хийж байна
Тусгаарлан ажиглах байранд 6308 иргэн байна
2021 онд агаарын бохирдлоос гадна хөрс, ус, хогны асуудлыг чухалчилна