Эрх мэдлээ урвуулан ашиглаж, ард түмнийхээ боломжийг хулгайлдаг М.Оюунчимэг гишүүнийг эгүүлэн татъя УИХ-ын дарга аа

2021-03-19

Энэ удаагийн парламентад намынхаа нэрээр халхавч хийгээд чимээгүй сонгогдчихсон сул гишүүн олон бий. Үүний нэг нь Чингэлтэй дүүргээс сонгогдсон УИХ-ын гишүүн М.Оюунчимэг. Сэтгүүлч мэргэжилтэй түүний тухайд хийж гийгүүлсэн ажлаасаа илүү хэл амтай, заргач, хийсэн хэргээ "Хийгээгүй" хэмээн мэлздэгээрээ алдаршсан нэгэн. УИХ-д хоёр удаа сонгогдсон зайтай толгой хэдий ч сонгогдсон тойрогтоо гарт баригдаж, нүдэнд үзэгдэх олигтой ажил хийгээгүй хэмээн тойргийнх нь сонгогчид халаглан сууна. Харин ч Чингэлтэй дүүрэг өнгөрсөн дөрвөн жилийн хугацаанд амьжиргааны түвшиний үзүүлэлт нь эрс буурсан гэнэ. Эрхэм гишүүн М.Оюунчимэгт энэ үзүүлэлт огтхон ч хамаагүй мэт аягалж, сүрхий ажил хэрэгч царай гарган, Саарал ордноор нэг будлиан тарьж харагдах юм. Түүгээр ч зогсохгүй Чингэлтэй дүүргийн сонгогчдынхоо чихийг байнга халууцуулж, аль болохгүй хэрэгт нэр холбогдчихдог сул талтай.

Анх УИХ-ын гишүүн болж байхдаа Байнгын хорооны хуралдааны үеэр үдийн цайндаа боов идэж, инээмсэглэн суугаа бичлэг нийтэд ил болсноор “Боов Оюунчимэг” гэх хочтой болсон. Үдийн цайгаа хуралдааны танхимдаа идэж, хэмнэлтийн горимоор ажилладаг байсан түүний ХОМ энэ явдлаас хойш огцом нэмэгдэж, удаа ч үгүй үнэтэй алчуураар гангарсан дуулианд нэр холбогдоод амжсан.

Үүнээс хойш тэрбээр алдарт ЖДҮ-ийн хэрэгт нэр холбогдож, түүнийг сайнаасаа илүү сайр нэр дагах болов. Түүнийг ЖДҮХС-аас нөлөө бүхий албан тушаалтан, гишүүд зээл авахад жуучлагчаар ажиллаж, 120 сая төгрөгийн авилга авсан гэх үндэслэлээр АТГ-аас шалгаж байсан удаатай. Гэтэл үүнийгээ булзааруулах гэж “Би үүнд буруугүй, үүнийг шалгуулна” гээд хир хүргэхгүй өөрийгөө  өмгөөлж яваад Улсын Ерөнхий прокуророос хатуу сануулга авсан. Мөн Хөдөлмөр эрхлэлтийг дэмжих сангаас эрх мэдэл албан тушаалаа урвуулан ашигласан зээл авсан байж болзошгүй гэх хэрэгт нэр холбогдож байсан түүхтэй. УИХ-ын гишүүн болсноос хойш түүний болон гэр бүлийнх нь Хөрөнгө орлогын мэдүүлэг дөрвөн жилийн дотор 15 сая төгрөгөөр огцом нэмэгдсэн байгаа  гээд тоочоод үзвэл түүнд сайн нэр үнэндээ алга.

Угтаа бол татвар төлөгчдийн мөнгөөр дураараа дургиж дунд чөмгөөрөө жиргэж яваа гишүүдийн нэг нь М.Оюунчимэг болж таарлаа.

Өнөөдрийг хүртэл түүний ээлжит дуулиан тасраагүй үргэлжилсээр байна. Тодруулбал, хоёр парламент дарааллаад сонгогдчихсондоо эрдэж, албан тушаалаа далайлган өөрийнхөө хүүг Төрийн албанд томилчихсон гэх дуулианд нэр холбогдоод буй. УИХ-ын гишүүн М.Оюунчимэгийн хүү Б.Энхмөрөн Эрүүл мэндийн даатгалын ерөнхий газрын Худалдан авалт гэрээлэлтийн газрын даргаар томилогдсон гэнэ.  Түүнийг өнгөрсөн нэгдүгээр сарын дундуур дээрх албанд томилсон гэдэг дуулиан дэгдэж байгаа.

Хамгийн гол нь энэ албыг хаших хүн нь наймаас доошгүй жил төрийн албанд ажилласан, мэргэшүүлэх сургалтад хамрагдсан байх зэрэг шаардлага тавигддаг ч Б.Энхмөрөн шаардлага хангах нь битгий хэл Төрийн албаны шалгалтандаа тэнцээгүй хэмээн олны шүүмжлэлд өртөөд байгаа. Түүгээр ч зогсохгүй эрхэм гишүүн хүүгийнхээ сургалтын төлбөрийг Боловсролын зээлийн сангаас төлөөлүүлчихээд зээлээ ч төлөөгүй төрийн албанд даргаар томилсон байгаа юм.

Б.Энхмөрөн нь 2010 онд БНХАУ-ын Газрын тосны их сургуульд элсэж, сургалтын төлбөр болох 22,000 ам.долларыг Боловсролын зээлийн сангаас зээл авсан бөгөөд тухайн үед ээж нь ЗГХЭГ-ын Хэвлэл мэдээллийн албаны дарга, Хэвлэлийн төлөөлөгчөөр ажиллаж байжээ. Ийн төрийн албаны шалгалтандаа ч тэнцээгүй хүүгээ албан тушаалд томилсон нь эрх мэдэл, албан тушаалаа урвуулан ашиглаж, ардын хүүхдийн хүүхдийн боломжийг хулгайлсан хэргээ нуун дарагдуулахаар улайрч эхэлсэн үү гэлтэй. Гэвч М.Оюунчимэг гишүүн сурсан зангаараа “Миний хүү буруугүй” гээд өөрийгөө өмгөөлж яваа сурагтай. Эрх мэдэл албан тушаалаа урвуулан ашиглаж, ард түмнийхээ боломжийг хулгайлдаг эрхэм гишүүнийг эгүүлэн татъя УИХ-ын дарга аа.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

“Эрдэнэс Тавантолгой” ХК 28.1 тэрбум төгрөгийн ногдол ашиг тараана
БНХАУ-ын “Синофарм” үйлдвэрийн 148800 тун Вероселл вакциныг хүлээн авчээ
Зүрхний цахилгаан бичлэгийн оношлуур бүхий суулгацыг хоёр хүнд амжилттай хийсэн байна
Сөүл-Улаанбаатар чиглэлийн нислэгээр 142 иргэн ирнэ
Ерөнхийлөгчийн сонгуульд нэр дэвшигчдийн мөрийн хөтөлбөрт аудит хийгдэж байна
Энхтайваны гүүрний засварын ажил үргэлжилж байна
Зорилтоо тодорхойлж, зоригтой шийдлүүд гаргасан 100 хоног
ЭМЯ: 1042 хүнээс халдвар илэрч, 4 хүн нас барлаа
“Их 7”-ийн гадаад хэргийн сайд нарын уулзалт Лондонд эхэллээ
Ховд аймагт барилга нурж, таван хүн дарагдсан осол гарлаа
ЗУНЫГ ЗУНААР НЬ МЭДРЭХИЙН ТӨЛӨӨ ӨНӨӨДӨР ХИЧЭЭЕ
Энэтхэг иргэдээс давтан шинжилгээгээр 16-д нь "Ковид 19" илэрлээ
Ховд аймагт тусгаарлалтад байсан хоёр иргэнээс коронавирус илэрчээ
Хөл хорионы дэглэм зөрчиж, цагдаагийн шаардлага биелүүлээгүй иргэнийг 250 мянган төгрөгөөр торгожээ
Энэ долоо хоногийн цаг агаарын мэдээ
Хөвсгөлийн Ханхад 16:45 цаг орчимд болсон 6.3 магнитудын хүчтэй газар хөдлөлт Улаанбаатарт мэдрэгдлээ
Өчигдөр 62.019 иргэнийг вакцинжуулжээ
ЭМЯ: Шинээр 1015 хүнд халдвар илэрч, 7 хүн нас барлаа
Өнөө маргааш нойтон цас орж, цасан шуурга шуурна
Эрүүгийн хэргийн анхан шатны шүүхүүдийн үйл ажиллагааг түр зогсоолоо