Дэлхийн коксжих нүүрсний зах зээлийн 8 хувийг Монгол нийлүүлжээ

2019-06-20

Дэлхийн коксжих нүүрсний зах зээлийн 8 хувийг Монгол нийлүүлжээ

Дэлхийн түүхий эдийн зах зээлд коксжих нүүрсний нийлүүлэлт буюу экспортын хэмжээгээр Австрали, АНУ, Канад, Монгол, ОХУ, Мозамбик улсууд тэргүүлж байна. Австралийн аж үйлдвэрийн тоймд нийтлэгдсэн мэдээллээс харвал дэлхийн коксжих нүүрсний нийлүүлэлтийн нийт 8 хувийг Монгол Улс экспортложээ.

 Харин худалдан авагч, импортлогчийн хувьд Энэтхэг, Хятад, Япон, Өмнөд Солонгос, Европын холбоо, Тайвань тэргүүлдэг.

Дэлхийн коксжих нүүрсний зах зээлийн 8 хувийг Монгол нийлүүлжээ

Нийлүүлж байгаа зах зээл, газар зүйн байршил, зах зээлд эзэлж буй хувь хэмжээний хувьд ОХУ манай улстай тун ойролцоо түвшинд байна. Тодруулбал дэлхийн коксжих нүүрсний зах зээлийн нийт 7 хувийг хойд хөрш хангасан дүн мэдээ байна. Гэсэн ч оны эхний таван сарын байдлаар ОХУ-аас Хятад улсад экспортолсон нүүрсний хэмжээ өнгөрсөн оны мөн үеэс 29%-иар нэмэгджээ. Цаашид дэлхийн болон бүс нутгийн эдийн засгийн төлөв, худалдааны дайн, гангийн эрэлт хэрэгцээ зэрэг олон хүчин зүйлээс хамаарах хэдий ч Хятад улсын зах зээлд эзлэх нүүрсний экспортын төлөө өрсөлдөөн амаргүй болох төлөвтэйг эдийн засагчид онцолжээ.  Дэлхийн банкны эдийн засагчдын гаргасан тайланд Хятадын өсөлтийг 2018 онд 6.6 хувь байсан бол 2019 онд 6.2%, 2020 онд 6.0%-д хүрч саарна гэж таамаглажээ. Урд хөршийн эдийн засаг саарахын хирээр үйлдвэрлэл багасах буюу эрдэсийн бүтээгдэхүүний худалдан авалт багасах уу гэсэн асуулт урган гарч ирж байна. Тэгвэл Дэлхийн гангийн холбооноос гаргасан мэдээлэл бидэнд сайн мэдээ болж ирж байна.

Өнгөрсөн 4-р сарын дүнгээр Хятад улсын импортолсон коксжих нүүрсний биет хэмжээ 7.43 сая тоннд хүрч өмнөх сараас 21%-иар өссөн. Ийнхүү коксжих нүүрсний хэрэглээ өсөж байгаа нэг гол шалтгаан бол гангийн үйлдвэрлэл ажээ. Хятад улсын түүхий гангийн үйлдвэрлэл өнгөрсөн 4-р сард 85.03 сая тоннд хүрч өнгөрсөн жилийн мөн үеийн үйлдвэрлэлээс 12.7%-иар өсчээ. Дэлхийн нийтийн түүхий гангийн үйлдвэрлэл 4-р сард 156.7 сая тн-д хүрч 6.4%-иар өссөн гэдгийг Дэлхийн Гангийн Холбооноос мэдээлжээ.

Өнгөрсөн жилийн хувьд  нийт экспортын 41 хувийг нүүрсний экспорт дангаараа бүрдүүлсэн байна. 2018 онд нийт 2.4 тэрбум ам.долларын 31.3 сая тонн нүүрсийг Монгол Улс экспортолсон талаар Үндэсний статистикийн хороо мэдээлсэн юм. Монгол Улсын зүгээс нүүрсний экспортыг нэмэгдүүлж 42 сая тн хэмээн тооцоолоод төсөвтөө тусгаад буй.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Сонгуулийн тухай хуулийг өргөн барихыг хойшлууллаа
Халаасны хулгайч нартай хамтардаг гар утасны ченжүүдийг илрүүлжээ
Отгонтэнгэр их сургууль Олон улсын стандартын 2 дахь удаагийн баталгаажуулалтыг амжилттай хамгааллаа.
Отгонтэнгэр их сургуулийн багш нарын орчуулсан "Индра Ганди захирах зөн" номын нээлт боллоо
Өнөөдөр Улаанбаатарт 21 хэм дулаан
Ерөнхий сайдын нэрэмжит тэтгэлэгт тэнцсэн 75 оюутанд батламж гардуулав
Улсын хэмжээнд АИ-92 шатахууны 42 хоногийн нөөцтэй байна
“Quad”-ийн удирдагчдын дээд хэмжээний уулзалт эхэллээ
'BAIGALI“ аппликейшнд 3000 зүйлийн амьтан, ургамлын мэдээлэл багтжээ
Хөдөө аж ахуйн ээлжит тооллогод идэвхтэй хамрагдахыг уриалж байна
Замын-Үүдээр задгай вагоны тээврийг нэвтрүүлж эхэллээ
ОТГОНТЭНГЭР ИХ СУРГУУЛЬ “ХҮҮХДИЙН ХӨГЖИЛ, ТӨЛӨВШИЛ” ЭРДЭМ ШИНЖИЛГЭЭНИЙ ХУРЛЫГ 10 ДАХЬ ЖИЛДЭЭ ЗОХИОЖ БАЙНА
Шанхай хотод хатуу хөл хорио тогтоохоор болжээ
Уилл Смит тайзан дээр гаргасан үйлдлийнхээ төлөө Крис Рокоос уучлалт гуйлаа
Cургууль, цэцэрлэг, дотуур байрны нүхэн жорлонг шинэчлэхэд 100 тэрбум төгрөг зарцуулна
Өнөө маргаашдаа нутгийн зүүн хэсгээр салхитай хүйтэн байна
Европын холбооны Erasmus+ төслийн хүрээнд “Ажлын байранд суурилсан сургалт” үндэсний хэлэлцүүлэг болно
Гашуунсухайт боомтоор өдөрт 200 тээврийн хэрэгсэл нэвтэрч буйг ирэх сарын 1-нээс 300 болгоно
Өмнөд Солонгосын шинэ Ерөнхийлөгч Юн Сук Ёл гэж хэн бэ?
Японд барилгын ган арматур сүүлийн 14 жилийн хугацаанд дээд цэгтээ хүртэл өсжээ