Бельги Улсын Брюссель хотын цэцэрлэгт хүрээлэнд өнгөрсөн амралтын өдрүүдээр иргэд хөл хориог эсэргүүцэн жагсаал хийжээ.

Эсэргүүцлийн жагсаалын хоёр дахь өдөр цагдаагийн байгууллагынхан иргэдийн эсрэг усан буу, нулимс асгаруулагч хий ашиглаж, 132 хүнийг баривчилсан байна.

Цагдаа нар болон жагсагчид мөргөлдөхөд 15 орчим хүн шархадсан бөгөөд баривчилсан 132 хүнийг долоо хүртэлх хоногийн хугацаатайгаар хорих тухай тус хотын цагдаагийн газрын хэвлэлийн төлөөлөгч Илсе Ван де Кир мэдээлэв.

Хөл хориог эсэргүүцэж, цэцэрлэгт хүрээлэнд цугласан жагсагчдыг тус улсын эрх баригчид ямар нэгэн намын үйл ажиллагаатай холбоотой байж болзошгүй талаар таамаглаж байгаа юм.

Эх сурвалж: ABC News