Хоёр тэрбум гаруй хэрэглэгчтэй дэлхийн хамгийн алдартай интернэт платформ болох “Фэйсбүүк” компани 533 сая гаруй хэрэглэгчийнхээ хувийн мэдээллийг алдсан талаар “Business Insider” агентлагаас мэдээлэв.

Алдагдсан мэдээлэлд 106 орны 533 сая гаруй хэрэглэгчийн утасны дугаар, төрсөн он, сар, өдөр, намтар, хаяг, байршил, харилцааны байдал зэрэг мэдээлэл байгаа юм.

Эх сурвалжийн мэдээлснээр эхний ээлжид хакерууд фэйсбүүк сүлжээнд халдмагцаа хэрэглэгчдийн хувийн мэдээллийг зарж, дараа нь  кибер гэмт хэргийн анхан шатны суралцагчдад зориулж үнэ төлбөргүйгээр цахим сүлжээгээр тараадаг гэнэ.

Гэвч дээрх мэдээллийн эх сурвалж нь одоогоор зөвхөн “Business Insider” агентлаг бөгөөд “The Washington Post” сониноос бие даан нягтлаагүй тул дээрх мэдээлэлд баталгаа өгөхөөс татгалзсан байна.