2021-03-24
АНУ-ын Колорадо мужийн Боулдер хотод зэвсэгт этгээд дэлгүүрт халдлага үйлдсэн тадаар бид мэдээлсэн. Тэгвэл тус хотын цагдаагийн газрын мэдээлснээр халдлагын улмаас 10 хүн амиа алдсан байна. Хохирогчдын дотор халдлага болоход хамгийн эхэнд очсон цагдаагийн офицер 51 настай Эрик Таллей багтжээ. Цагдаагийн байгууллагаас мөрдөн шалгах ажиллагааг хамгийн багадаа тав хоног явуулах аж.
Боулдер хотын эмнэлэгт нэг хүн сумны шархтай хагалгаанд орсон талаар мэдээллээ.
Амиа алдсан цагдаагийн алба хаагч 2010 оноос эхлэн Боулдер хотын хэв журам сахиулагчаар ажиллаж эхэлсэн баатарлаг гавъяатай нэгэн байсныг цохон тэмдэглэлээ. Мөн Колорадо мужийн захирагч Жаред Полис "Бид өнөөдөр чөтгөрийн царайг харлаа. Уг аймшигт явдлаас болж, гэр бүл, хайртай дотны хүнээ алдсан хүн бүрт чин сэтгэлийн эмгэнэл илэрхийлж байна" гэлээ.
Эх сурвалж: CNN
ЦАГ АГААР
°C/°C
°C/°C
°C/°C
Төстэй мэдээнүүд