Шинэ жилийн баярын ширээн дээр байх ёсгүй, өөрөөр хэлбэл хүний эрүүл мэндэд сөрөг нөлөө үзүүлдэг, эмэгтэйчүүдийг таргалуулж, биеийн галбирыг нь алдагдуулдаг таван хүнсийг оросууд нэрлэжээ. Хойд хөршийн “Тавдугаар суваг” телевиз энэ талаар мэдээллээ.

Жагсаалтыг майонез тэргүүлсэн байна. Майонез нь маш их тослогтой тул оронд нь энгийн болон хольцтой йогурт хэрэглэхийг зөвлөжээ.

Хоёрдугаарт, оргилуун дарс оржээ. Оргилуун дарс нь их хэмжээний сахар агуулдаг. Мөн гэдэс ходоодыг тэлж, өлсөх мэдрэмж төрүүлдэг байна.  

Жагсаалтын гуравдугаарт өөхтэй юм уу тоссонд шарсан мах бичигдсэн байна. Шинэ жилийн баярын ширээг махгүйгээр төсөөлөх аргагүй. Тиймээс үхэр, хонь биш туулайны юм уу шувууны мах сонгохыг эмч зөвлөжээ.

Дээрхээс гадна давсалсан бүтээгдэхүүн идэхгүй байхыг сануулсан байна. Оронд нь шинэ ногоо хэрэглэхийг зөвлөжээ.

Жагсаалтын тавдугаарт, онцгой баярын үеэр л ширээн дээр гарч ирдэг улаан түрсийг нэрлэсэн байна. Энэ хүнс гарч ирэх үед хүмүүс олдсон дээр нь гээд ихээр иддэг, энэ нь витамины илүүдэлд хүргэх аюултай аж. Лента цахим хуудаст энэ талаар мэдээлжээ.  

эх сурвалж eagle.mn