Д.Оюунхорол: Тендерийн хар жагсаалтыг олон нийтэд зарлах хэрэгтэй

2019-03-20

Д.Оюунхорол: Тендерийн хар жагсаалтыг олон нийтэд зарлах хэрэгтэй

УИХ-ын ээлжит бус чуулганы өнөөдрийн хуралдаан эхэллээ. Хуралдааны эхэнд Төрийн болон орон нутгийн өмчийн хөрөнгөөр бараа ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийж байна. 

УИХ-ын гишүүн О.Баасанхүү: Өмнөх хууль дээр хамгийн бага үнийн санал хэлсэн нь ялдаг. Тендерт шалгарангуутаа үнийн дүнг нь нэмээд анхны үнээсээ хэд дахин өндөр болчихдог. Энэ хуульд үүнийг яаж зохицуулсан бэ? Үндэсний бүтээгдэхүүнээ дэмжихэд энэ хуульд зохицуулалт оруулсан уу? 

Сангийн яамны Хууль эрх зүйн газрын дарга З.Энхболд: Одоогийн мөрдөгдөж байгаа хуулийн 27 дугаар зүйлд заасан шаардлагыг хангасан бол 28 зүйлийн дагуу нарийвчилсан үнэлгээ хийдэг заалт байгаа. Шинэ хуульд 27,28 дугаар заалтыг хооронд нь уясан зохицуулалт хийгээд хуульд нэмэлт оруулж байгаа. Хуулийн төсөлд Үндэсний үйлдвэрлэлийг дэмжих чиглэлд нэмэлт өөрчлөлт оруулсан. Тухайлбал, чанар стандартын шаардлага хангасан барааг дотоодод үйлдвэрлэх боломжтой нөхцөлд гадаадын этгээдийг тендерт оролцохыг хориглосон. Дотоодын үйлдвэрлэгчид давуу эрх олгоно гэх мэт заалтууд орсон. 

УИХ-ын гишүүн Ж.Ганбаатар: Хуулийг өөрчлөх болсон гол шалтгаан нь юу юм бэ? Тендерт ялж байгаа компаниуд дандаа шинээр байгуулагдсан байдаг. Учир шалтгаан нь юу вэ? Давуу эрх олгодог уу? Энэ хуульд доод үнийн санал байна уу? ЖДҮ-ийн хуультай яаж уялдуулсан бэ? 

Сангийн яамны Хууль эрх зүйн газрын дарга З.Энхболд: Захиалагч байгууллагууд тендерийн баримт бичигтээ огт шаардлага тавихгүй бол шинэ компани шалгарах боломжтой. Санхүүгийн чадавхтай, ажлын туршлагатай компаниар ажлаа гүйцэтгүүлнэ гэж байгаа бол цоо шинэ компани тендерт шалгарах боломж бага. Дотоодын үйлдвэрлэлийн дэмжих чиглэлд энэ хуулийн төсөлд гурав дөрвөн чиглэлээр нэмэлт өөрчлөлт оруулсан. 

Сангийн сайд Ч.Хүрэлбаатар: Хуулийн төслийг санаачилж оруулж ирэх болсон шалтгаан нь үндэсний үйлдвэрлэгчдээ дэмжих чиглэлд заалтууд оруулах зорилго тавьсан. Мөн тендерийн чанарын асуудалтай холбогдуулан хуульд нэмэлт оруулах шаардлага тулгарсан. 

УИХ-ын гишүүн Д.Оюунхорол: Чанаргүй бараа үйлчилгээ үзүүлчихээд байнга тендер авдаг сүлжээ компаниуд бий болсон. Тендерийн хар жагсаалтыг олон нийтэд зарлах хэрэгтэй.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Энэ сарын 16-нд НӨАТ-ын сугалааны 50 саяын азтаны тохирол явагдана
Ц.Цэрэнболдын тоглосон “THE RISING HAWK” киноны трейлэр цацагджээ
Жигшүүрт гэмт хэрэгтэн эмэгтэйг хатуу шийтгэхийг шаардаж байна
Ерөнхийлөгч төмөр замаа ярьсаар л явна!
Сурвалжлага: Хүмүүжигчдийн сэтгэл тэнийж, хүүхдүүдийнх нь хүсэл биелсэн ӨДӨР
Авлигыг илчилсэн орос сэтгүүлчийн улстөрчдийг давсан ялалт
Хонгконгчуудын эсэргүүцэл: Хятад савраа тат
БНХАУ-ын авлигатай тэмцэх байгууллага Гу Гуо Минийг шалгаж байна
ЗАЛРУУЛГА
Юанийн ханш хурдтай унав
"Нисдэг жаал" Ш.Энхийн-Од
Маргаашийн дотор тээврийн хэрэгслийнхээ татварыг төлөхгүй бол торгууль ногдуулж эхэлнэ
БНХАУ-ын Элчин сайдын яам цаг олгох шинэ журамд шилжинэ
БНСУ-д зорчих иргэдийн анхааралд
Багануурын уурхай тонн нүүрснээс 3000 төгрөг алдаж байна
Дархан чиглэлийн замын ажлын нээлт энэ сарын 17-нд болно
"Өнөр бүл"-ийн галд өртсөн хүүхдийн бие сайжирчээ
С.Жавхлан шинэ намд элсэхээ больсон уу?
Хэрэгтэн шилжүүлэх хуулийг Хонконг эсэргүүцэн жагслаа
Тагнуулчид 6000 гаруй шил архи хууль бусаар нэвтрүүлсэн хятадуудыг илрүүлжээ