Турк улсад буудуулж амиа алдсан эмэгтэйн шарилыг хэзээ авчрах нь тодорхойгүй байна

2019-03-13

Ийм нэгэн харамсалтай мэдээ байна. Эмэгтэйчүүдийн эрхийг хамгаалах өдөр буюу монголчуудын нэрлэж заншсанаар эмэгтэйчүүдийн баярын өдөр  Турк улсад ажиллаж амьдарч байсан  монгол эмэгтэй бусдын гарт харамсалтайгаар амиа  алджээ.  

Одоогоор тодорхой болоод байгаа мэдээллээр  түүнийг хамтран амьдрагч  нь буудаж хөнөөсөн бөгөөд сэжигтэн залууг  Туркийн цагдаагийнхан  баривчилж мөрдөн шалгаж эхэлжээ.  

Талийгч  монгол эмэгтэй хэн болох, сэжигтэн аль улсын харъяат  хэн бэ гэдэг нь одоогоор нэр устай нь мэдээлээгүй  байгаа бөгөөд эмэгтэйн ар гэрийнхэн талийгаачийн талаарх мэдээллийг олон нийтэд тараахгүй байхыг хүсч байгаа аж.

Энэ хэрэг явдлын талаар Гадаад харилцааны яамны Консулын газраас тодруулахад "Турк улсад монгол эмэгтэй амиа алдсан нь үнэн. Талийгаачийн ээжтэй нь холбогдсон. Ар гэрийнхэн нь  энэ мэдээллийг олон нийтэд мэдээлэхгүй байхыг хүссэн учраас дэлгэрэнгүй мэдээлэл өгөх боломжгүй. Нөгөө талаасаа  хувь хүний нууцтай холбоотой асуудал. Хэрэг явдлыг  холбогдох байгууллагууд дөнгөж шалгаж эхэлж байгаа” гэдгийг тодотгов.

Түүнчлэн талийгаачийн шарилыг  эх оронд нь хэзээ авчрах нь мөн тодорхойгүй байгаа аж.  

Хоёр улсын холбогдох байгууллагууд Турк улсын хууль, хяналтын байгууллагатай хамтран ажиллаж байгаа ажээ.

Хэрэг явдлын талаар тодруулж эргэн мэдээлэх болно. 

Дашрамд дурдахад 2017 оны тавдугаар сард Турк улсын Истанбул хотод ажиллаж амьдарч буй Монгол иргэд рүү гудамжинд дайрах, биед нь халдах, эд зүйлсийг нь дээрэмдэх, зодож хүнд бэртээх зэрэг асуудал угарч байсан удаатай.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

"Дотоодын үйлдвэрээс авах боломжтой барааг тусад нь багцалж тендер зарлана"
“Хүнсний 20”-ийн нүхэн гарцыг өнөөдрөөс эхлэн дөрөвдүгээр сарын 25 хүртэл засварлана
Цахимд донтох өвчнөөр 338 хүүхэд эмчлүүлжээ
"ЖДҮХС-гаас зээл авсан таван гишүүнд холбогдох хэргийн мөрдөн байцаалт удахгүй дуусна"
Улсын хэмжээнд 2.4 сая төл бойжиж байна
Зургаан настай хүү золгүй байдлаар амиа алджээ
БНСУ-ын Ерөнхий сайд Ли Наг Ён Монгол Улсад айлчилна
Ц.Цолмон: Хань минь Ухааны найруулагч, хүний хайлан байсан юм
Орос, Хятад хоёр шинэ төмөр замаар холбогдлоо
Хятадын химийн үйлдвэрт гарсан дэлбэрэлтийн улмаас 44 хүний амь үрэгдэж, 640 хүн шархдаад байна
Дэлхий нийт хүүхдийн хүчирхийллийн эсрэг ингэж тэмцдэг
Өнөөдөр Казах түмний Наурызын баярын өдөр
Назарбаев ерөнхийлөгчөөр ажилласан жилүүдэд Казахстан хурдтай хөгжсөнийг илтгэх 5 баримт
2019 онд нээлтээ хийх дэлхийн ТОП-5 бүтээн байгуулалт
Ж.Азжаргал: Хойд эцэгтээ зодуулсан хүү хоёр удаа хагалгаанд орсон
Д.Оюунхорол: Тендерийн хар жагсаалтыг олон нийтэд зарлах хэрэгтэй
Хятадын эрдэмтэд цагдаагийн мөрч нохойг хувилан олшруулжээ
Хүүг зодсон хойд эцэгт найман жил хорих ял оноох хуулийн заалттай
Н.Назарбаевын шийдвэрийг улс орнууд ХЭРХЭН хүлээж авав!
“Х” тайланг “УСТГАХ” шинэ хууль