Г.ЭРДЭНЭТӨГС: УБТЗ-д хоёр жилийн хугацаанд 62 осол гарсан

2019-03-11

Г.Эрдэнэтөгс: УБТЗ-д хоёр жилийн хугацаанд 62 осол гарсан

Мэргэжлийн хяналтын ерөнхий газраас УБТЗ-ийн ХНН-т гэнэтийн шалгалт оруулсан талаар мэдээлсэн билээ.
Тэгвэл шалгалттай холбогдуулан МХЕГ-ын Хөдөлмөрийн хяналтын хэлтсийн дарга Г.Эрдэнэтөгсөөс тодрууллаа.

 
-УБТЗ ХНН-ийг шалгаж эхэллээ. Яагаад шалгах болов?
 
-МХЕГ-аас УБТЗ-ын нийгэмлэгт төлөвлөгөөт шалгалт хийх гэж байна. Өнгөрсөн оны 12 дугаар сард шалгалтыг төлөвлөдөг. Хэд хэдэн хүчин зүйлээс шалтгаалж, шалгалтыг төлөвлөдөг. Тухайн байгууллагын шалгалтанд хамрагдсан хугацаа. УБТЗ ХНН гэхэд сүүлийн таван жил шалгагдаагүй. Мөн сүүлийн хоёр жил ихээхэн хэмжээний осол аваар гарсан. Энэ осол аваар эрсдэл нь асар өндөр гэдгийг харуулж байгаа юм. Өнгөрсөн хоёр жилийн хугацаанд 62 осол аваар гарчээ.
22 ослыг нь үйлдвэрийн осол гэж үзсэн. 40-ыг нь үйлдвэрийн бус осол гэж тооцсон байгаа юм. Үүний цаана 40 хүний ажил, амьдрал байгаа. Томилолтоор явж байсан хүмүүсийн ослыг авто осол гэж үзсэн. Тиймээс бид өнгөрсөн онд энэ байгууллагад шалгалт оруулахаар шийдсэн. Тэгтэл энэ нийгэмлэгийн дарга шалгалт оруулахгүй гэсэн бичгийг бидэнд хоёр удаа ирүүлсэн. Хөдөлмөр нийгмийн хамгааллын хяналт үүсээд 75 жил болж байна. Энэ түүхэн хугацаанд бид анх удаа шалгалт оруулахаас татгалзсан хариулт авсан.
 
-Дээрх ослоос хэдэн хүн амиа алдаж, хэд нь хөдөлмөрийн чадвараа алдсан юм бэ? 
 
-Дөрвөн хүн нас барсан. Хүнд гэмтэл авсан 28 хүн байгаа.
 
-Нийгэмлэгийн дарга шалгалт оруулахгүй гэсэн байна? 
 
-Тийм. Шалгалт оруулахгүй гэж байна. Бид төрийн байгууллагын хууль дүрмийг хангуулахыг биелүүлэхийг шаарддаг байгууллага. Төрийн нэрийн өмнөөс шалгалт хийж байна. Гэтэл хоёр удаагийн тайлбартаа Монгол-Оросын хувь нийлүүлсэн байгууллага учраас Оросын талаас зөвшөөрөл ав гэх юм. Тэгэхээр яаманд хандаж зөвшөөрөл авлаа. Шалгахаар боллоо. Гэхдээ Жигжиднямаа дарга санхүүгээ шалгуулахаас татгалзлаа. Үүнийг би ойлгохгүй байна.
 
-Санхүүгээ шалгуулахгүй байх үндэслэлээ тайлбарласан уу?
 
-Орос-Монголын хамтарсан хувь нийлүүлсэн нийгэмлэг учраас заавал хоёр тал хамтарч шалгах ёстой гэсэн тайлбар хэлж байна. Хамтарсан шалгалт энэ байгууллагын дотоод асуудал. 1949 оны гэрээ яриад байна. Энэ гэрээнд Монголын хууль тогтоомжийг адил хэмжээнд мөрдөнө гэсэн заалт бий. Монголын хууль илүү зүйл шаардаагүй. Цалин, нийгмийн даатгалын шимтгэл төлөлт, нөхөн олговор, илүү цаг гэх мэт зүйлсээ шалгуулахгүй бололтой.
 
-Дарга нь зөвшөөрөөгүй учраас санхүүг нь шалгахгүй гэсэн үг үү?
 
-Бид чадах ядахаараа л ажиллана. Төрийн хяналт шалгалтын тухай хуулийн дагуу шалгана. Гэхдээ санхүүгээс бусад зүйлсийг үзүүлэхгүй гээд байна.
 
-Хувь нийлүүлсэн байгууллагууд ийм шалтгаанаар шалгуулахгүй байх нь зөв үндэслэл мөн үү? Бусад байгууллага ингэж татгалздаг уу?
 
-Үгүй. Оюутолгой, “Эрдэнэт” үйлдвэрийг шалгаж байсан. “Эрдэнэт”-ийг гэхэд бид жил болгон шалгадаг байсан. Оросын талаас янз бүрийн юм ярьж байгаагүй.
 
-Монголын нутаг дэвсгэрт үйл ажиллагаа явуулж байгаа учраас Монголын хууль үйлчлэх ёстой биш үү?
 
-Гарцаагүй. Монголын нутаг дэвсгэрт үйл ажиллагаа явуулж байгаа гадаадын хөрөнгө оруулалттай бүр 100 хувийн хөрөнгө оруулалттай аж ахуйн нэгж Монгол  Улсын хуулийн дагаж мөрдөнө. Харин УИХ-аас баталсан олон улсын гэрээтэй зөрчилдөх юм бол гэрээг баримтална гэсэн заалт бий.
 
-Шалгалт хэдий хэр хугацаанд үргэлжлэх вэ?
 
-Өнөөдрөөс эхлээд ирэх дөрөвдүгээр сарын 11 хүртэл үргэлжилнэ. Явцын талаар хэвлэл мэдээллийн хэрэгсэлийнхэнд эргээд мэдээлнэ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

"Дотоодын үйлдвэрээс авах боломжтой барааг тусад нь багцалж тендер зарлана"
“Хүнсний 20”-ийн нүхэн гарцыг өнөөдрөөс эхлэн дөрөвдүгээр сарын 25 хүртэл засварлана
Цахимд донтох өвчнөөр 338 хүүхэд эмчлүүлжээ
"ЖДҮХС-гаас зээл авсан таван гишүүнд холбогдох хэргийн мөрдөн байцаалт удахгүй дуусна"
Улсын хэмжээнд 2.4 сая төл бойжиж байна
Зургаан настай хүү золгүй байдлаар амиа алджээ
БНСУ-ын Ерөнхий сайд Ли Наг Ён Монгол Улсад айлчилна
Ц.Цолмон: Хань минь Ухааны найруулагч, хүний хайлан байсан юм
Орос, Хятад хоёр шинэ төмөр замаар холбогдлоо
Хятадын химийн үйлдвэрт гарсан дэлбэрэлтийн улмаас 44 хүний амь үрэгдэж, 640 хүн шархдаад байна
Дэлхий нийт хүүхдийн хүчирхийллийн эсрэг ингэж тэмцдэг
Өнөөдөр Казах түмний Наурызын баярын өдөр
Назарбаев ерөнхийлөгчөөр ажилласан жилүүдэд Казахстан хурдтай хөгжсөнийг илтгэх 5 баримт
2019 онд нээлтээ хийх дэлхийн ТОП-5 бүтээн байгуулалт
Ж.Азжаргал: Хойд эцэгтээ зодуулсан хүү хоёр удаа хагалгаанд орсон
Д.Оюунхорол: Тендерийн хар жагсаалтыг олон нийтэд зарлах хэрэгтэй
Хятадын эрдэмтэд цагдаагийн мөрч нохойг хувилан олшруулжээ
Хүүг зодсон хойд эцэгт найман жил хорих ял оноох хуулийн заалттай
Н.Назарбаевын шийдвэрийг улс орнууд ХЭРХЭН хүлээж авав!
“Х” тайланг “УСТГАХ” шинэ хууль