2019-03-07
Төв аймгийн Заамар сумын уурхайн ослоос амьд үлдсэн хоёр иргэнд туслах хандивын аяныг эхлүүлжээ.
Ослоос амьд гарсан хоёр иргэний хувьд эрүүл мэндээрээ хохирсон бөгөөд дөрвөн иргэн амиа алдсан байгаа юм.
Тиймээс талийгаачийн ар гэрийнхэн болон нурангиас амьд үлдсэн хоёр ажилчинд сэтгэл санааны болон эд материалын тусламж үзүүлэхээр болжээ.
Амьд үлдсэн хоёрын биеийн байдал хүнд, сэтгэл санааны гүн хямралд орсон бөгөөд Улаанбаатарт эрчимт эмчилгээний тасагт хэвтэн эмчлүүлж байгаа юм. Нэг нь “Сонгдо” эмнэлэгт эмчийн хяналтанд эмчилгээ хийлгэж байна. Осолдсон уурхайчид 35-53 настай, 2-5 хүүхэдтэй, нярай болон жирэмсэн эхчүүд, хүүхдүүд нь өнчирч хоцорсон. Уурхайн нурангиас одоо нэг хүнийг эрэн хайсаар байна.
Хэсэг залуус хандивын аяныг 60 сая төгрөгийг хоёр хоногт босгоод 6 гэр бүлд өгье гэсэн уриалга гаргажээ. Нэгдэж, нийлээд тусламжийн хүчээ харуулъя. Өнчирч үлдэж буй үр хүүхдүүдэд нь, нялх биетэй гэргийд нь, аав ээжид нь, ах дүү нарт нь сэтгэлийн дэм өгцгөөхөөр хандивын данс нээжээ.
Хандив өгөх заавар:
Данс: Хаанбанк, төгрөгийн 5115060168
Данс эзэмшигчийн нэр: Л.Наранбаатар
Гүйлгээний утга: Уурхайчдад туслах хандив.....гээд нэрээ бичих.
Гүйлгээний дүн:.......(бичих) гээд хийх юм байна.
ЦАГ АГААР
°C/°C
°C/°C
°C/°C
Төстэй мэдээнүүд