Монгол жуулчид хүлээн авахад бэлэн үү?

2019-03-04

Монгол жуулчид хүлээн авахад бэлэн үү?

Дэлхий даяаршиж, соёл нь бүдгэрэх тусам Монголд аялал жуулчлал хөгжих таатай орчин бүрдэж байна.

Хэдийгээр Монгол Улсыг бусад орнуудтай харьцуулахад жуулчны нүдийг хужирлах юм багатай гэсэн шүүмжлэл дагадаг ч Монгол ахуй бол дэлхийн хаанаас ч эрээд олохгүй эвент билээ.

Хоёр жилийн өмнө Монголд ирсэн Америкийн нэгэн жуулчин “Улаанбаатар хотоос гараад эзгүй газраар 100 гаруй км яваад малчны хотонд ирэх тэр мэдрэмж үгээр илэрхийлэхийн аргагүй гайхалтай байсан. Морь унах, мал хариулахыг гэрийн эзнээр заалгаж, хоолоо хамтдаа хийн гэрийн гадаа сүүтэй цай уух ямар байсан гээч… Монгол ахуйтай танилцсан тэр аяллыг би хэзээ ч мөнгөөр үнэлэхгүй” хэмээн дурссан байдаг.  Тодруулж хэлбэл, нүүдэлчний ахуй соёл аялал жуулчлалыг татах бэлэн дэд бүтэц болохыг эндээс харж болно.

Нөгөө талаас жуулчдын сонирхол ч өөрчлөгдөж байна. Автобусанд суугаад музей үзээд явахаас илүүтэй байгальтай, хүнтэй илүү ойр байж, ахуйтай танилцахыг чухалчлах болов.

Бид л тоодоггүйгээс биш морь сургах, хонио хяргах, малаа маллах, гүүгээ барих малчдын өдөр тутмын амьдралынх нь энэ хэв маяг олон улсын жуулчдын хувьд хэзээ ч харж байгаагүй сонирхолтой эвент болж, түгэж байна.

Иймээс төр засгаас энэ чиглэлд анхаарч, аялал жуулчлалыг хөгжүүлэх бодлого барьж ажиллах нь дэлхийн жуулчдыг татах өвөрмөц нэг шийдэл болох нь.

Дэлхийн аялал жуулчлалын байгууллагаас гаргасан судалгаагаар 2020 он гэхэд нийт жуулчны тоо 1.4 тэрбум, 2030 онд 1.8 тэрбумд хүрэх таамаг байна. Ингэхдээ жуулчид Ази, Латин Америк, Төв болон зүүн Европ, Ойрхи Дорнод мөн Африкийн орнуудаар аялах сонирхол нэмэгдэнэ. Энэ нь өндөр хөгжилтэй орноор аялах жуулчдын өсөлтийн хувиас хоёр дахин их буюу 2030 он гэхэд 4.4 хувьд хүрэх хандлага ажиглагджээ. Өөрөөр хэлбэл, 2030 он гэхэд нийт аялагчдын 57 хувь нь хөгжиж буй орнуудыг, 43 хувь нь өндөр хөгжсөн орнуудаар аялах дүр зураг гарсан байна.

Монгол Улсын хувьд 2020 онд нэг сая жуулчин хүлээн авах зорилт тавьсан бөгөөд энэ зорилтдоо хүрэхийн тулд хил орчмын аялал жуулчлалыг хөгжүүлэх бодлогыг салбар яамнаас барьж ажиллаж байна. Хэдийгээр жуулчны тоо хурдацтай өсөж чадаагүй ч өнгөрсөн 2018 онд 529370 жуулчин ирсэн нь өмнөх оныхоос 50 мянга гаруйгаар өсчээ.  Тодруулбал, Монгол Улс 2017 онд 470 гаруй мянган гадаад жуулчин хүлээн авч, дотоодын эдийн засагт 400 орчим сая ам.доллар буюу 1 их наяд төгрөгийн орлогыг төвлөрүүлж чадсан байна.

Хэрэв тавьсан зорилтдоо хүрч, жил бүр тогтмол 1 сая жуулчин хүлээн авдаг болж чадвал 2 тэрбум төгрөгийн орлого олох боломж харагдаж буй.

Статистик мэдээллээр бүртгэлтэй 270 орчим тур оператор компани, 460 гаруй зочид буудал, 400 гаруй жуулчны бааз үйл ажиллагаа явуулдаг бөгөөд 34 мянга орчим ажлын байрыг бий болгожээ. Өөрөөр хэлбэл, аялал жуулчлал хөгжихийн хэрээр ажлын байр нэмэгдэх боломж ч байна гэсэн үг юм.

 

 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

"Дотоодын үйлдвэрээс авах боломжтой барааг тусад нь багцалж тендер зарлана"
“Хүнсний 20”-ийн нүхэн гарцыг өнөөдрөөс эхлэн дөрөвдүгээр сарын 25 хүртэл засварлана
Цахимд донтох өвчнөөр 338 хүүхэд эмчлүүлжээ
"ЖДҮХС-гаас зээл авсан таван гишүүнд холбогдох хэргийн мөрдөн байцаалт удахгүй дуусна"
Улсын хэмжээнд 2.4 сая төл бойжиж байна
Зургаан настай хүү золгүй байдлаар амиа алджээ
БНСУ-ын Ерөнхий сайд Ли Наг Ён Монгол Улсад айлчилна
Ц.Цолмон: Хань минь Ухааны найруулагч, хүний хайлан байсан юм
Орос, Хятад хоёр шинэ төмөр замаар холбогдлоо
Хятадын химийн үйлдвэрт гарсан дэлбэрэлтийн улмаас 44 хүний амь үрэгдэж, 640 хүн шархдаад байна
Дэлхий нийт хүүхдийн хүчирхийллийн эсрэг ингэж тэмцдэг
Өнөөдөр Казах түмний Наурызын баярын өдөр
Назарбаев ерөнхийлөгчөөр ажилласан жилүүдэд Казахстан хурдтай хөгжсөнийг илтгэх 5 баримт
2019 онд нээлтээ хийх дэлхийн ТОП-5 бүтээн байгуулалт
Ж.Азжаргал: Хойд эцэгтээ зодуулсан хүү хоёр удаа хагалгаанд орсон
Д.Оюунхорол: Тендерийн хар жагсаалтыг олон нийтэд зарлах хэрэгтэй
Хятадын эрдэмтэд цагдаагийн мөрч нохойг хувилан олшруулжээ
Хүүг зодсон хойд эцэгт найман жил хорих ял оноох хуулийн заалттай
Н.Назарбаевын шийдвэрийг улс орнууд ХЭРХЭН хүлээж авав!
“Х” тайланг “УСТГАХ” шинэ хууль