"Сар шинийн баяраар ЭМНЭЛГҮҮДИЙН ачаалал эрс нэмэгддэг"

2019-01-30

Монгол түмний уламжлалт баяр болоход 10 хүрэхгүй хоног үлдлээ. Сар шинийн баярын өдрүүдэд томуу, томуу төст өвчин, хоол болон архины хордлого, гэдэсний халдварт өвчин зэрэг өвчлөлүүд эрс нэмэгддэг. 

Тиймээс бид эмнэлгүүдийн ачаалал болон цагаан сарын үеэр ажиллах цагийн хуваарийн талаар тодрууллаа.

 САР ШИНИЙН БАЯРААР ХАЙР ХҮНДЛЭЛЭЭ ИЛЭРХИЙЛЖ ЗОЛГОХДОО НЭГНИЙГЭЭ ҮНСЭХГҮЙ БАЙХЫГ УРИАЛЖ БАЙНА

ЭХЭМҮТ-ийн хүүхдийн эмнэлгийн тусламж үйлчилгээний зохицуулагч эмч Б.Бат-Амгалан

-Одоогийн байдлаар танай эмнэлгийн ачаалал хэр байна вэ?

-Ажлын өдөр 150-200 хүүхэд, амралтын өдөр 250-280 хүүхэд үйлчлүүлж байна. Эдгээрийн ихэнх хүүхдүүд нь амьсгалын замын халдвартай, өндөр халуурсан хүүхдүүд хандаж байна.

-Удахгүй сар шинийн баяр болох гэж байна. Сар шинийн баяртай холбоотойгоор ямар өвчлөлүүд нэмэгддэг талаар мэдээлэл өгөхгүй юу?

-Сар шинийн баяр болж байгаатай холбогдуулан, хүмүүсийн хөл хөдөлгөөн ихэсдэг учраас амьсгалын замын халдвар болон хоол боловсруулах замын хямралууд ихсэх хандлагатай байдаг. Мөн эцэг эхчүүдийн хараа хяналт суларснаас хүүхдүүд эм, химийн бодис, ахуйн хэрэглээний зүйлс уух, гадны биет залгих гэх мэт эрсдлүүд маш ихээр гардаг. Тийм учраас сар шинийн баяраар эцэг эхчүүд хүүхэддээ тавих хяналтаа сайжруулж, хүүхэд өвдсөн тохиолдолд дур мэдэн эм уух биш эмнэлэгийн байгууллагад хандахыг зөвлөж байна. Түүнчлэн уламжлалт баяраар бид бүхэн хайр хүндлэлээ илэрхийлэхдээ золгож нэгнийгээ үнсдэг уламжлалтай. Сар шинийн баярын үеэр агаар дуслын болон амьсгалын замын халдвар ихсэх хандлагатай байгаа учир дээрх зан үйлдээ анхааралтай хандах шаардлагатай байгааг бас онцолмоор байна. 

-Баярын өдрүүдэд танайх хэвийн ажиллах уу?

-Сар шинийн баярын өдрүүдэд манай эмнэлэгийн яаралтай тусламжийн тасаг 24 цагаар ажиллана.  Мөн нэмэлтээр төрөлжсөн нарийн мэргэжлийн эмч нарыг ажиллуулна.

-Яаж урьдчилан сэргийлэх ёстой юм бол?

-Нэн түрүүнд гадуур бага явах, гадуур гарсан тохиолдолд байнга маск зүүх хэрэгтэй. Мөн гар ариутгах уусмалыг хоёр цаг тутам хэрэглэх, гэрийнхээ агаарыг байнга цэвэршүүлж, чийгшүүлэх /чийгтэй цэвэрлэгээ хийх/, хоол хүнсэндээ онцгой анхаарах, хоёр процентын содын уусмалаар ам амны хөндийг байнга зайлж цэвэршүүлж байх хэрэгтэй.

-Хоёр процентын содын уусмалыг гэрийн нөхцөлд яаж бэлддэг юм бол?

-200 мл буцалсан бүлээн усанд жижиг амны халбага сода хийгээд л хоёр процентын содын уусмал болчихно.

-Сар шинийн баярын өдрүүдэд танай эмнэлгийн ачаалал хэр нэмэгддэг вэ?

-Энгийн үеэ бодвол нэмэгдэх хандлагатай байдаг. Тэр ч утгаараа манайх одооноос эхлээд томуугийн өндөржүүлсэн бэлэн байдалд ажиллаж байна. 

Харин дараа нь бид ГССҮТ-ийн ЯТТ-ын тасгийн эрхлэгч П.Баярсайхантай уулзаж зарим зүйлийг тодруулсан юм. 

САР ШИНЭЭР АЙЛЧИН ХИЙЖ БАЙГААД НОХОЙНД ХАЗУУЛСАН ХҮМҮҮС ИХ ИРДЭГ

ГССҮТ-ийн ЯТТ-ын тасгийн эрхлэгч П.Баярсайхан

-Танай эмнэлгийн ачаалал хэр байна вэ?

-Сар шинийн баяр дөхсөн эдгээр өдрүүдэд манай эмнэлгийн ачаалал нэмэгддэг. Тухайлбал, бага насны хүүхдүүд хөлдөх, халуун тос, буцалсан усанд түлэгдэх тохиолдлууд эрс нэмэгддэг. Мөн ах дүүсээрээ нийлж нэг машинд даац хэтрүүлж сууснаас үүдэж, гэр бүлээрээ гэмтэж бэртэх, амь насаа алдах, архидан согтуурснаас үүдэж гэмтэж бэртэх, хөлдөх гэх мэт тохиолдлууд гарч байна. Мөн жолооч нар маань техник хэрэгслийнхээ бүрэн бүтэн байдлыг хангаж хөдөлгөөнд оролцохгүй бол хол замд машин эвдэрснээс үүдэн хөлдөх тохиолдлууд их ирдэг. Тиймээс нийт иргэддээ анхаарал болгомжтой байхыг уриалж байна. 

-Сар шинийн баярын өдрүүдэд танай эмнэлгийн ачаалал нэмэгддэг үү?

-Битүүнээс шинийн 5-ны хооронд 2017 онд 12300, 2018 онд 13400 орчим хүн манай эмнэлгийн хүлээн авах тасгаар үйлчлүүлсэн. Жил бүрийн үзлэгийн тоог харьцуулахаар жилээс жилд өссөн үзүүлэлттэй гарч байгаа. Тэр дундаа ахуйн осол, авто осол, нохойнд хазуулах, осгох гэх мэт тохиолдлууд нэмэгддэг. 

-Жил ирэх тусам өсч байгаа шалтгааныг та яаж харж байна вэ?

-Нийслэлд ирж суурьшиж байгаа хүмүүсийн тоо, санамсар болгоомжгүйгээс үүдсэн ахуйн осол, архидалт гэх мэт хүчин зүйлүүд голчлон нөлөөлж байна.

-Баярын өдрүүдэд танайх яаж ажиллах вэ?

-Манайх бүх баяраар бүрэн бүрэлдэхүүнээрээ ажилладаг. Хүлээн авах, эхо, дүрс оношилгоо бүгд 24 цагаар ажилладаг.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

1-5 дугаар ангийн сурагчдад Монгол ёс, хүмүүжлийн хичээл орно
Франц улс юу хүлээж байна вэ?
Тарваган тахлын эсрэг дархлаажуулалт ирэх долоо хоногт орон даяар эхэлнэ
ЗГ: Хөх хот дахь Ерөнхий консулыг эгүүлэн татлаа
NASA-гийн судлах дараагийн сансрын биет нь Санчир гарагийн дагуул Титан байна
“Их 20”-ийн уулзалтын гол дүрүүд
Хөшигийн хөндийн нисэх буудлын менежментийн төслийг Монгол, Японы хамтарсан компани концессоор хэрэгжүүлэхээр боллоо
З.Орхонсүрэн: Цаг алдсаны улмаас хутгалуулсан иргэн цус алдаж, ухаан балартсан байсан
Хүүхдэд өгч болохгүй хориотой эмийн жагсаалт
Залуусыг буруу зүйлд уриалж буй шинэ цагийн ХИП ХОП
Үсчин, гоо сайхны газрууд хэрэглэсэн багажаа халдваргүйжүүлдэггүй зөрчил нийтлэг илэрчээ
Мадурогийн амийг хорлох хуйвалдааныг илрүүлснээ Венесуэлийн засгийн газар зарлажээ
Европ тивд хагас тонн жинтэй шувуу хүмүүстэй зэрэгцэн амьдарч байсныг эрдэмтэд баталжээ
Ж.Ганхуяг: Гарцын тэмдэглэгээг тодотгохын тулд шар хаалгануудыг байрлуулсан
Монголд хар тамхи байнга хэрэглэдэг 708 хүн байна
Наадмын түүхийг гажуудуулсан алдас буюу баримтат үнэн оршвой
Азийн улс төрийн намуудын олон улсын бага хурлыг Монгол улсад зохион байгуулахаар болов
Европын амьтны хүрээлэнгүүдэд төрсөн хирснүүдийг Руанда руу шилжүүлжээ
Виктория Бекхэм нууцаа ”задаллаа”
"Ираны эсрэг АНУ-ын хоригууд бол эдийн засгийн терроризм"