БНСУ-ын эмэгтэй тамирчин тэшүүрийн спорт дахь бэлгийн дарамтын талаар ярьжээ

2019-01-21

СӨҮЛ. /CNN/. 18 настай охин хумсаа мэрэн сууна. Тэрбээр БНСУ-ын хамгийн алдартай спортын төрөл болох тэшүүрийн спортын эмэгтэй тамирчдын дундаас бие махбодын хүчирхийлэл болон бэлгийн дарамтад өртсөн олон эмэгтэйчүүдийн нэг ажээ.

“Би нэгэн удаа дасгалжуулагчийнхаа өрөөнд дуудагдан очтол тэшүүрийн ирний хамгаалалтаар намайг 10-20 удаа цохисон. Миний булчин тасарч, бие хөхөрч, арьс урагдсан. Тухайн үед ах маань гольфын клубын тамирчидтай зодолдсон байсан” гэж тамирчин А хэлжээ.

Тамирчин А-гийн “CNN” сувагт мэдээлснээр, тэрбээр энэ тухайгаа бусдад мэдэгдэхээс маш их айсан боловч дахин чимээгүй явахыг хүсээгүй аж. А дөнгөж 11 настайгаасаа эхлэн хүчирхийлэлд өртөж эхэлжээ. Тэрбээр тэшүүрийн багаа хэд хэдэн удаа орхихыг оролдсон боловч түүнийг асар их нөөц бололцоотой хэмээн ятгасан учир эргэн ирсэн байна. Түүний ээж нь охиныхоо эмчилгээний талаар орон нутгийн удирдлагуудад гомдол мэдүүлж, бусад хүүхдүүдийн эцэг эхтэй нэгдэхийг хүссэн хэдий ч түүний оролдлого амжилтад хүрээгүй байна.

“Хэрэв би дасгалжуулагчаа шүүмжилвэл миний тэшүүрчний карьер дуусна. Хэрэв би дасгалжуулагчаа гэмт хэрэгт буруутгавал их сургууль эсвэл мэргэжлийн багт элсэж чадахгүйд хүрнэ” гэж А хэлжээ.

Тэрбээр 15 настайгаасаа эхлэн бэлгийн дарамтад өртөж эхэлсэн бөгөөд шинэ эрэгтэй дасгалжуулагч нь түүний уруулын ойролцоо үнсэж, дахин дахин тэвэрч эхэлсэн ба үүнээс хойш хоёр жилийн турш түүнд хайр сэтгэлээ илэрхийлэх болсон байна. “Энэ нь надад маш заваан санагдсан бөгөөд би тэгэхэд жаахан байсан. Би үүнийг буруу бас ноцтой гэдгийг мэдэж байсан бол зөвхөн өөртөө хадгалахын оронд ээждээ хэлэх байсан” гэж А хэлээд, “Энэ талаар хэнд ч хэлж чадахгүй байсан нь намайг улам хэцүү байдалд оруулж байсан” гэжээ.

Харин Олимпын хошой аварга, тэшүүрийн тамирчин Шим Сук Хи бэлгийн дарамтад өртдөг байсан талаараа өнгөрсөн онд олон нийтэд мэдээлж, дэлхий нийтийг шуугиулсан нь өөрт тохиолдсон явдлынхаа талаар бусдад мэдэгдэх урам зоригийг тамирчин А-д өгчээ.

“Спортын салбар дахь хүчирхийлэл болон бэлгийн дарамтын талаархи хохирогчдын цуврал мэдүүлэг нь энэ салбарт тэргүүлэгч орны нэрэн дор нуугдсан гутамшигт явдлыг харуулж байна” гэж БНСУ-ын Ерөнхийлөгч Мүн Жэ Ин өнгөрсөн долоо хоногт өндөр албаны төлөөлөгчидтэй уулзах үеэрээ хэлсэн байна.

Тэшүүрийн тамирчин байсан дасгалжуулагч Ёо Жун Хюн залуу тэшүүрчдийг дэмжих бүлэг байгуулсан бөгөөд түүний эгч 14 жилийн өмнө мөн бие махбодын хүчирхийлэлд өртөж байжээ.   

Өнгөрсөн долоо хоногт Солонгосын Спорт, Олимпын хорооны тэргүүн Ли Ки Хьюн тамирчид, олон нийт болон спортын салбарыг дэмжигч бизнес эрхлэгчдээс уучлалт хүссэн билээ. Тэрбээр хэлэхдээ, бид цаашид хүчирхийллийг таслан зогсооход гол анхаарлаа хандуулан ажиллах болно гэжээ.

Хүмүүс хүчирхийллийг “байдаг л зүйл” гэж боддог

БНСУ-ын эцгийн эрхт, хуучинсаг ёсыг өөрчлөхийг шаардсан эмэгтэйчүүдийн хөдөлгөөн сэргэх үед тамирчин Шим Сук Хи болон бусад тэшүүрчид дээрх мэдэгдлүүдийг хийсэн байна.

Өнгөрсөн онд олон арван мянган Солонгос эмэгтэй зөвшөөрөлгүйгээр банзал сөхөх болон нууцаар бичлэг хийхийг эсэргүүцэж, гудамжинд жагссан билээ. Тухай үед залуу бүсгүйчүүд гоо үзэсгэлэнгийн хатуу стандартыг мөн эсэргүүцэж байсан юм.

“Спортын ертөнцөд хүчирхийлэл болон хэл амаар доромжлох явдлыг хүмүүс байдаг л зүйл гэж боддог, тамирчид ч мөн ялгаагүй. Энэ нь тэднийг шархалуулж, хүнд байдалд оруулдаг ч тэд энэ талаараа бусдад хэлдэггүй” гэж А нэмж хэлжээ. 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Тарваган тахлын эсрэг дархлаажуулалт ирэх долоо хоногт орон даяар эхэлнэ
ЗГ: Хөх хот дахь Ерөнхий консулыг эгүүлэн татлаа
NASA-гийн судлах дараагийн сансрын биет нь Санчир гарагийн дагуул Титан байна
“Их 20”-ийн уулзалтын гол дүрүүд
Хөшигийн хөндийн нисэх буудлын менежментийн төслийг Монгол, Японы хамтарсан компани концессоор хэрэгжүүлэхээр боллоо
З.Орхонсүрэн: Цаг алдсаны улмаас хутгалуулсан иргэн цус алдаж, ухаан балартсан байсан
Хүүхдэд өгч болохгүй хориотой эмийн жагсаалт
Залуусыг буруу зүйлд уриалж буй шинэ цагийн ХИП ХОП
Үсчин, гоо сайхны газрууд хэрэглэсэн багажаа халдваргүйжүүлдэггүй зөрчил нийтлэг илэрчээ
Мадурогийн амийг хорлох хуйвалдааныг илрүүлснээ Венесуэлийн засгийн газар зарлажээ
Европ тивд хагас тонн жинтэй шувуу хүмүүстэй зэрэгцэн амьдарч байсныг эрдэмтэд баталжээ
Ж.Ганхуяг: Гарцын тэмдэглэгээг тодотгохын тулд шар хаалгануудыг байрлуулсан
Монголд хар тамхи байнга хэрэглэдэг 708 хүн байна
Наадмын түүхийг гажуудуулсан алдас буюу баримтат үнэн оршвой
Азийн улс төрийн намуудын олон улсын бага хурлыг Монгол улсад зохион байгуулахаар болов
Европын амьтны хүрээлэнгүүдэд төрсөн хирснүүдийг Руанда руу шилжүүлжээ
Виктория Бекхэм нууцаа ”задаллаа”
"Ираны эсрэг АНУ-ын хоригууд бол эдийн засгийн терроризм"
Улсын төсвийн 1.8 тэрбумын хөрөнгө оруулалтаар баригдсан цэцэрлэг ашиглалтад орж амжаагүй байхдаа НУРЖЭЭ
Зимбабве улс зэрлэг заан экспортлох хүсэлтэй байна