2019-01-18
“Netflix”-ийн борлуулалтын орлого IV улиралд 27 хувиар өсөж, 4.1 тэрбум ам.долларт хүрсэн байна. Энэ нь “Wall Street”-ийн шинжээчдийн таамгаас доогуур дүн болсон төдийгүй орлогын төлөв нь шинжээчдийн таамагт хүрээгүй байна. Үүний нөлөөгөөр сүүлийн нэг сард 50 хувиар өсөөд байсан хувьцааны ханш нь 5.3 хувиар уналаа.
Хэдий тийм боловч "Bird Box" аймшгийн кино болон бусад шинэ бүтээлүүдийн нөлөөгөөр “Netflix”-ийн төлбөртэй хэрэглэгчдийн тоо өнгөрсөн улиралд есөн саяар нэмэгджээ. Олон улсад нийт хэрэглэгчдийнх нь тоо 139 саяар хэмжигдэж байна. Тус компани үүнээс өмнө сар тутмын гишүүнчлэлийн эрхийн хураамжаа сарын 1-2 ам.доллароор нэмэгдүүлэхээр болсноо зарласан юм.
Энэ нь контентын санхүүжилтээ нэмэгдүүлэхэд дэмжлэг болно гэж удирдлага нь тайлбарлажээ. Түүнчлэн стриминг үйлчилгээний зах зээлд “Apple”, “Disney” болон “CNN”-ийн толгой компани болох “Warner Media” компани шинэ үйлчилгээ танилцуулж, салбарын өрсөлдөөн нэмэгдэх төлөвтэй байна. Одоогоор энэ салбарт “Amazon”, “Hulu”, “Google”-ийн “Youtube” тэргүүлж байгаа юм.
ЦАГ АГААР
°C/°C
°C/°C
°C/°C
Төстэй мэдээнүүд