Кисэносато: Монгол сүмочдод баярлаж явдаг

2019-01-17

Мэргэжлийн сүмо бөхийн 72 дахь ёкозүна Кисэносато өнөөдөр Кокүгикан ордонд хэвлэлийн бага хурал хийлгэж, зодог тайлж байгаагаа албан ёсоор зарлалаа. Кисэносато Тагоноүра дэвжээндээ Араисо нэрээр туслах ояката болох юм.

- Танд одоо юу бодогдож байна вэ?
- Ёкозүна хүний хувьд хүмүүсийн тавьж байсан итгэл найдварыг хөсөрдүүлсэндээ харамсаж байгаа ч сүмо бөхийн нийт амьдралаа бодоод үзэхэд харамсах зүйл огт байхгүй. Өдий хүртэл туслаж, дэмжиж ирсэн бүх хүмүүст талархах сэтгэлээр дүүрэн байна.
- 17 жил барилдлаа.
- Хөгжөөн дэмжигчид байгаагүй бол би ганцаараа өдий хүртэл ирж чадахгүй байсан. Талархал, талархал, талархал.
- Сэтгэлд хамгийн үлдсэн зүйл юу вэ?
- Маш олон байгаа болохоор одоо нэгийг хэлэхэд хэцүү байна. Бэлтгэлийн танхим маань надад хүч чадал өгсөн л гэж хэлье.
- Өнгөрсөн 11 дүгээр сарын тэмцээний дараа Ёкозүнагийн зөвлөлөөс  ирэх башёд зодоглож, барилдахгүй бол зодог тайлахыг сануулна гэсэн шийдвэр гаргасан. Энэ тэмцээнд юу бодон зодоглосон бэ?
- Зодог тайлж ч магадгүй гэдгээ ухааран, тэмцээний өмнө маш их бэлтгэл хийсэн. Бэлтгэл ханалаа гэж бодож байсан ч эхний 3 өдөр дараалан уналаа.

- Биеийн байдал, гэмтэл бэртэл ямар байв?
- Ямар ч өвдөж зовоох зүйлгүй байсан тул маш итгэлтэй тэмцээнд орсон.
- Цээжний гэмтэл эдгэсэн үү?
- Гэмтэхээс өмнөх үеийнх шиг эдгээгүй байгаа нь барилдаанд нөлөөлж байлаа.
- Монгол бөхчүүдийн талаар.
- Намайг хурцалж, хөгжүүлж өгсөн зүйл бол ёкозүна Асашёорюү тэргүүтэй монгол аваргууд гэж бодож явдаг. Тэдний бэлтгэл, барилдааныг харж, гүйцэж түрүүлэх сэн гэж хичээж байсан. Дараалан ялагдаж, хүнд хэцүү байх үед ёкозүна Харүмафүжи үнэтэй зөвлөгөө харамгүй өгдөг байлаа. Их баярлаж явдаг.
- Сэтгэлд үлдсэн барилдаан?
- 2017 оны Хацү башёд ёкозүна Хакүхог ялсан барилдаан.
- Ёкозүна гэдэг цолны талаар.
- Намайг өөрчилж өгсөн цол байлаа. Озэки, сэкивакэ, комүсүби цолноос огт өөр.
- Дохёноос сурсан зүйл?
- Яасан ч зугтахгүй, шантрахгүй гэх сэтгэл.
- Цаашдын зорилго?
- Сайн шавь төрүүлэхийн төлөө хичээнэ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Өрхийн сарын дундаж орлого 77.7 мянган төгрөгөөр өсчээ
Архи борлуулдаг 100 аж ахуйн нэгжийн зөвшөөрлийг цуцаллаа
Дэлхий нийтийн махны хэрэглээ сүүлийн 50 жилд ГУРАВ дахин нэмэгджээ
С.Мөнхчулуун Ерөнхий сайдын босгыг давсангүй, одоо хэн бэ?
Албаны машинаар зорчигч, ачаа тээвэрлэж байгааг зогсоох үүрэг өгөв
Энэтхэгийн анхны хурдан галт тэрэг эхний аяллынхаа замд эвдэрчээ
“KFC” түргэн хоолны газрын бүх салбарыг хаана
Гол мөрний мөсөн дээгүүр зорчихгүй байхыг анхааруулж байна
Согтуу эмэгтэй нөхөр, дүү хоёроо хөнөөжээ
Болздоггүй хүндээ Валентины баяраар ил захидал зэргийг илгээх нь хүчирхийллийн нэг хэлбэр
О.Пүрэв дэлхийн аваргад өрсөлдөхөөр хүлгийн жолоо залжээ
АНУ-ын ерөнхийлөгч Дональд Трамп албан ёсоор “тарган” ангилалд багтах болжээ
Хар тамхи борлуулагчдын арга нарийсчээ
Шүүхийн ажилтан эд мөрийн баримтаар хураагдсан хар тамхийг худалдаалж байсан нь тогтоогджээ
Г.Марал-Эрдэнэ Монгол Улсаас анх удаа уран гулгалтын төрлөөр дэлхийн томоохон тэмцээнд оролцоно
Экс ерөнхийлөгч юуны учир яаран гарч ирэв?
Христийн шашин сурталчлах үйл ажиллагаа явуулсан төрийн бус байгууллагын зөвшөөрлийг цуцаллаа
Хөдөлмөрийн хөлсний доод хэмжээг 420 мянга болгоно
Цахилгаан менингит өвчнөөр таван хүүхэд өвчилжээ
Мал усгүйдэж, малчид малаа 3-5 км газар тууж худгаас усалж байна