2019-01-14
Өчигдөр болсон Үндсэн хуулийн 27 жилийн ойн баярт зориулсан улс аймгийн алдар цолтой хүчит 256 бөхийн барилдааны дөрвийн даваанд Улсын аварга Н.Батсуурь аймгийн арслан Б.Лхагвадоржтой оноолт таарч, ар нуруунаас нь өргөж, унагаж давсан. Гэхдээ энэ мэхээ ширүүн хийж, учраа бөхөө нугасаар нь унагасанд олон нийт дургүйцээд байгаа. Түүнчлэн барилдах эрхийг нь хасч, унагасан бөхөөсөө уучлалт гуйхыг шаардаж буй.
Харин өчигдрийн барилдааны талаар аварга Н.Батсуурь байр сууриа илэрхийлжээ. Тэрбээр "Барилдааны явц, давахад л тийм зүйл болсон. Би санаатай тийм зүйл хийгээгүй. Учраа бөх унахдаа биеэ хэт сулласан юм билээ. Дараа нь зүгээр босоод тахимаа өгсөн. Барилдааны үйл явц, хөндлөнгөөс харах хоёр чинь тэс өөр зүйл. Бэртээж, гэмтээхээр чанга унагаагүй. Зүгээр байсан. Юу боллоо гэж түүнийг албаар тэгж унагах вэ дээ. Ёс зүйгүй үйлдэл гаргасан гэж бодохгүй байна. Би уучлал гуйхгүй. Бие зүгээр байгаа. Тэглээ ч унагасан бөхөөсөө уучлал гуйгаад явна гэж юу байх вэ дээ" гэжээ
ЦАГ АГААР
°C/°C
°C/°C
°C/°C
Төстэй мэдээнүүд