Г.Угалзцэцэгийг хятадууд “худалдаж” авахыг хүсчээ

2019-01-07

Г.Угалзцэцэгийг хятадууд “худалдаж” авахыг хүсчээ

Хэдхэн хоногийн өмнө БНХАУ-д зохион байгуулагдсан “Бодибилдинг, фитнессийн олон улсын аварга шалгаруулах тэмцээн”-д дэлхийн гурван удаагийн аварга, Азийн аварга шалгаруулах тэмцээний хошой алтан медальт тамирчин Г.Угалзцэцэг түрүүлж, охин М.Мойлоо нь “Бикини модель” төрөлд хүрэл медаль хүртсэн билээ.

Баргийн хүний сонирхож хичээллээд байдаггүй бодибилдинг, фитнессийн спортод сэтгэл зүтгэлээ зориулан хөдөлмөрлөж яваа, ердөө л 30 гаруйхан настай мэт харагдах энэ булчинлаг эмэгтэй хэдийнэ дөчин насны босго давсан гэхэд та итгэх үү. Эрүүл чийрэг, эрч хүчтэй, басхүү гоо үзэсгэлэнтэй харагдуулж чаддаг энэ спортод охиноо хүртэл уруу татсан тэрбээр саяхан нэгэн нууцыг задаллаа. Энэ талаараа Г.Угалзцэцэг “Хятадад болсон олон улсын тэмцээнд оролцоод гэртээ ирлээ. Хятад улсад дэлхийн тал хүн ам амьдарч байна. Сүүлийн үед хүн амын 70 хувь нь фитнессээр хичээллэх болсон, дээр нь дэлхийн баячууд Хятадаас төрөх болсон бөгөөд зөвхөн баян байх биш эрүүл бас сайхан бие хаатай байхыг илүүд үзэх болсон. Гэвч Хятадын дасгалжуулагч, тамирчдын увьд түвшин доор байгаатай холбогдуулан Монгол Улсаас тамирчин, дасгалжуулагч авах хүсэлтэй байгаагаа удаа дараа мэдэгдэж байгаа билээ.

Хятадын зүгээс Монгол багш нарт эхний жилд сарын гурван сая, цаашлаад 15 хүртэлх сая төгрөгийн цалин өгөх боломжтой хэмээн мэдэгдэж байгаа. Гэвч бас нөгөө талаас, багш нар маань тэмцээн уралдаанд зөвхөн Хятадын нэр дээр оролцох шаардлага тавьж байгаа. Хэрвээ тохиролцоонд хүрвэл өнөөдөр ч гэрээ хийх, багш авах хүсэлтээ илгээгээд байна. Гэвч бидэнд үүнийг бодож үзэх, хэлэлцэх, гэрээнд нэмэлт өөрчлөлт оруулахыг хүсэж байгаа юм. Ингээд бодохоор манай тамирчид, багш нарын түвшин дэлхийн түвшинд дээгүүрт ордог. Манай улсад л энэ спортыг үл тоож байхад өндөр хөгжилтэй орнуудад хамгийн өндөр цалин хангамжийг амлаж байх юм. Миний зүгээс удахгүй Японы талтай хамтарч ажиллахаар төлөвлөж байна. Үүнтэй холбогдуулан Монголын бодибилдинг, фитнессийн холбооны тамирчдаа өндөр цалинтай дасгалжуулагчийн ажилд өөр бусад өндөр хөгжилтэй орнууд руу зуучилж эхлэх суурь тавигдаж байгаа юм” хэмээн бичиглэжээ.

Эх орныхоо нэрийг дэлхийн тавцанд дуурсгаж яваа эрхэм тамирчныг маань хятадууд “худалдаж” авахыг санаархсан ч, тэрбээр Хятад улсын нэрийн өмнөөс тэмцээн уралдаанд орохгүй гэдгээ ийнхүү илэрхийлжээ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

"Дотоодын үйлдвэрээс авах боломжтой барааг тусад нь багцалж тендер зарлана"
“Хүнсний 20”-ийн нүхэн гарцыг өнөөдрөөс эхлэн дөрөвдүгээр сарын 25 хүртэл засварлана
Цахимд донтох өвчнөөр 338 хүүхэд эмчлүүлжээ
"ЖДҮХС-гаас зээл авсан таван гишүүнд холбогдох хэргийн мөрдөн байцаалт удахгүй дуусна"
Улсын хэмжээнд 2.4 сая төл бойжиж байна
Зургаан настай хүү золгүй байдлаар амиа алджээ
БНСУ-ын Ерөнхий сайд Ли Наг Ён Монгол Улсад айлчилна
Ц.Цолмон: Хань минь Ухааны найруулагч, хүний хайлан байсан юм
Орос, Хятад хоёр шинэ төмөр замаар холбогдлоо
Хятадын химийн үйлдвэрт гарсан дэлбэрэлтийн улмаас 44 хүний амь үрэгдэж, 640 хүн шархдаад байна
Дэлхий нийт хүүхдийн хүчирхийллийн эсрэг ингэж тэмцдэг
Өнөөдөр Казах түмний Наурызын баярын өдөр
Назарбаев ерөнхийлөгчөөр ажилласан жилүүдэд Казахстан хурдтай хөгжсөнийг илтгэх 5 баримт
2019 онд нээлтээ хийх дэлхийн ТОП-5 бүтээн байгуулалт
Ж.Азжаргал: Хойд эцэгтээ зодуулсан хүү хоёр удаа хагалгаанд орсон
Д.Оюунхорол: Тендерийн хар жагсаалтыг олон нийтэд зарлах хэрэгтэй
Хятадын эрдэмтэд цагдаагийн мөрч нохойг хувилан олшруулжээ
Хүүг зодсон хойд эцэгт найман жил хорих ял оноох хуулийн заалттай
Н.Назарбаевын шийдвэрийг улс орнууд ХЭРХЭН хүлээж авав!
“Х” тайланг “УСТГАХ” шинэ хууль