Индонез улсын Сунда хойг орчимд цунами болж 222 хүн амиа алдаж, 800 гаруй хүн гэмтэж бэртжээ. Далайн хар шуурга бямба гаригт эхэлсэн бөгөөд Сумарта, Жава арлуудын орчимд их хэмжээний хохирол учруулсан байна. Цунами үүссэн шалтгааныг эрдэмтэд далай доторх усны эргүүлэг хэт идэвхжиж, Кракатоа галт уул дэлбэрснээс үүджээ. Далай доторх хөрсний нуралтаас үүдэн олон төрлийн чулуулаг гадарга руу түлхэгдэн шуурга үүсэх үндэс болсон аж. Кракатоа галт уул нь Сумарта, Жава хоёр арлын голд оршдог  Тус галт уул нь дэлхийн түүхэн дэх хамгийн өндөр хохирол учруулж байсан сүйрлийн эзэн бөгөөд 1883 онд идэвхжин 36000 орчим хүн амыг хоёр хоттой устгаж байжээ.

АНУ-ын Геологийн Судалгааны Төвөөс галт уулын идэвхжилт хараахан буураагүй байгаа учир ахин гамшиг болж болзошгүйг анхааруулаад байгаа юм. Гамшигт өртсөн хотууд аялал жуулчлалын томоохон төв байсан бөгөөд нийт 558 байшин, 9 зочид буудал, 60 гаруй зоогийн газар, 350 завь эвдэрч сүйдсэн байна.

Мөн цунами болох үеэр Сумарта арал дээр амьд хөгжмийн хамтлаг  тоглолтоо хийж байсан бөгөөд 30 гаруй фен, хамтлагийн басс гитарчин, менежер нар амиа алджээ.

Одоогоор иргэд жуулчдыг нүүлгэн шилжүүлэх ажил үргэлжилж байгаа бөгөөд Сумарта арлын албаныхны мэдээлснээр гадаадын иргэд амь насаа алдсан тохиолдол бүртгэгдээгүй байгаа аж.

Индонез улсын газарт нутагт 140 орчим галт  уул оршдог бөгөөд газар хөдлөлтийн идэвхтэй бүсэд хамаардаг юм. Индонезид 2004 оноос хойш нийт 10 орчим удаа газар хөдлөлт, цунами, галт уулын дэлбэрэлт зэрэг байгалийн гамшиг нүүрлэж, 180,000 орчим хүний амь үрэгдээд байна.

 Эх сурвалж: CNN