Туслахаа зодсон ёкозуна шууд зодог тайлдаг болно

2018-12-20

Японы Сүмогийн Холбооны ерөнхийлөгч Хаккакү бөхчүүдийн хамт үзэгчдээс уучлал гуйж байгаа нь

Японы Сүмогийн Холбооны удирдах зөвлөл өчигдөр хуралдаж, бөхчүүдийн дунд гардаг зодооны хэргийн буруутанд хатуу шийтгэл оноох журмын төсөл танилцуулжээ.

Шинэ журмын дагуу доод эрэмбийн бөхийг буюу туслахаа зодсон ёкозуна цолтон ямар ч өчиггүйгээр зодог тайлахаар болсон байна. Харин озеки болон түүнээс доош цолтой дээд зиндааны бөхчүүд бусдын эсрэг хүч хэрэглэвэл доод тал нь нэг тэмцээн өнжих шийтгэл хүртэх ажээ.

Гэхдээ ердийн сахилгын арга хэмжээ, бэлтгэл сургуулилалтын үеэр хүч хэрэглэх тохиолдлуудыг нарийвчлан ялгаж салгахаар болсон байна. Бас үйлдсэн хэргээ түрүүлж мэдэгдэн буруугаа хүлээсэн тохиолдолд дээрх шийтгэлээс чөлөөлж байхаар журамд тусгажээ.

Өчигдөр бас Сүмогийн Холбоо “цукибито” гэгддэг туслахуудтайгаа хэрхэн зөв харилцах, тэдэнд хэрхэн анхаарал халамж тавих тухай сургалтыг нийт бөхчүүдэд зориулж зохион байгуулсан байна.

Сургалтыг зохион байгуулахад оролцсон бөхчүүдийн тэргүүн, ёкозуна Какурю туслахуудаа дэвжээний эзнээс “зээлж” авсан хүмүүс мэтээр төсөөлж, хүндэтгэлтэй харьцах, бусдын адил хүн учраас алдаж, эндэхийг нь өршөөн хэлтрүүлдэг байхыг бөхчүүдэд уриалжээ.

Сүүлийн жил гаруй хугацаанд Монголоос ирсэн бөхчүүдийн өдүүлсэн цуврал хэргүүд сүмогийн ертөнцөд дуулиан тарьж, Сүмогийн Холбооны нэр хүндийг унагаад байгаа.

Хамгийн сүүлд Монголын сүмоч Таканоива туслахаа зодсон хэрэгт холбогдож, зодог тайлахаар болсон. Өнгөрсөн оны аравдугаар сард тэр нутаг нэгт Харумафүжид зодуулж бэртсэн бөгөөд үүний улмаас Монголоос төрсөн гурав дахь ёкозуна зодог тайлахад хүрсэн юм.

Эх сурвалж: Kyodo News

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

БНСУ-ын эмэгтэй тамирчин тэшүүрийн спорт дахь бэлгийн дарамтын талаар ярьжээ
Газар дундын тэнгист 170 цагаач сураг алдрав
Дэлхийн хамгийн өндөр настан таалал төгслөө
Онцгой гавьяа байгуулсан ГУРВАН АЛБА ХААГЧИД 16 сая төгрөг олголоо
Арктик дахь Луугийн сонирхол буюу Хойд туйлыг дамнасан шинэ Торгоны зам
Баянгол дүүргийн настан 225 сая төгрөгийн азтанаар тодорчээ
“Насны хишиг”-ийг өнөөдрөөс эхлэн олгож эхэллээ
Б.Анужин: Намайг дэмжсэн Монголынхоо ард түмэнд баярлалаа
Төрийн ордны авто зогсоолд тээврийн хэрэгсэл байрлуулахыг хориглолоо
Македон улсын нэрний өөрчлөлтийг эсэргүүцэж, олон мянган Грекчүүд жагслаа
Удаан хүлээгдсэн Улаанбаатар-Сөүл-Улаанбаатар нислэгийн тийзний үнийг бууруулах тухай хэлэлцээр хийгдэж байна
Гахайн мялзан өвчнөөс сэргийлэх зөвлөмжийг хүргүүллээ
НҮБ-ын гурван ажилтан тутмын нэг нь бэлгийн дарамтад өртөж байсан гэжээ
БОКС: Канело Алварес – Даниель Жэкобс нар тулна
Фэйсбүүк Оростой холбоотой 500 гаруй хаягийг хаажээ
Сандра Буллокийн гол дүрд нь тоглосон "Bird Box" кино ч "Netflix"-ийн орлогыг таамагласан хэмжээгээр өсгөж чадсангүй
2018 онд замын хөдөлгөөний аюулгүй байдлын зөрчил хамгийн их гарчээ
Тэтгэврийн зээлийн хүүг 10 хувь болгон буурууллаа
“Good Price", "Номин" супермаркетууд хугацаа хэтэрсэн бүтээгдэхүүн борлуулж байжээ
Алхалт нь илүүдэл жингээс сэргийлж чадна