Ц.Цогзолмаа: Ерөнхий сайдыг шийдвэрээ гаргаад ажлаа авахад ёсзүйн хувьд надад ямар ч асуудал байхгүй

2018-12-03

УИХ-ын гишүүн Боловчрол, соёл, шинжлэх ухааны сайд Ц.Цогзолмаагаас зарим зүйлийг тодрууллаа. 

-Та өөрөө сайдаар ажиллаж байж яагаад Засгийн газрыг огруулах гарын үсэг зурсан юм бэ? 

-Улс төр гэдэг бол улстөрийг ёс зүйтэй байхыг шаарддаг. Өнөөдөр хэн нэгэн хүний дохио зангаагаар хөдөлсөн гэхээс илүү би хувь улстөрчийнхөө хувиар шийдвэрээ гаргасан. Үүнээс ямар нэгэн байдлаар буцах булзах шаардлага надад байхгүй. Тийм учраас би гарын үсгээ баталгаажуулж кноп дарсан. 

Ерөнхий сайдыг шийдвэрээ гаргаад ажлаа авахад би ямар ч асуудалгүй гэдгээ сая хэлчихээд гараад ирлээ. 

-Засгийн газрын гишүүн танхимынхаа эсрэг гарын үсэг зурах нь ёс зүйтэй асуудал мөн үү?

-Ийм зүйл байдаг. Ерөнхий сайд өөрөө Шадар сайд байхдаа өөрийнхөө танхимын эсрэг гарын үсэг зурж л байсан. Ерөнхийлөгч Х.Баттулга хүртэл Хөдөө аж ахуйн сайдаасаа болилоо гээд гарын үсэг зурж л байсан. Энэ бол улс төрд байдаг процесс. 

Би хувь хүнийхээ хувьд ч, улстөрчийнхөө хувьд ч засаг чинь үлдчихлээ намайг аваад үлдээч гэхгүй. 

-Таныг өргөдлөө өгсөн гэж ойлгож болох уу? 

-Би өргөдөл өгөх шаардлагагүй. Танхим шийдвэрээ гаргаад л явна. 

-Та хариуцсан салбараа бодсонгүй юу. Одоо бас л нэг сайд шинээр очно? 

-Боловсролын салбарын шинэчлэлийн төлөө би нэг жилийн хугацаанд нойр хоолгүй ажилласан. Гаргасан шийдвэр, хийсэн ажил маань цаг хугацааны дараа зөв буруу нь тодорхой харагдаад явна.

-Таныг дараагийн Засгийн газарт сайдаар үлдээнэ гэсэн учраас гарын үсэг зурсан гэсэн. Энэ үнэн юм уу? 

-Ямар нэгэн тийм зүйл байхгүй. 

-Намаас хөөх шийдвэр гаргасан гэх мэдээлэл байгаа. Та энэ шийдвэрийг хэрхэн хүлээж авсан бэ? 

-Би энэ намд 30 жилийн өмнө гишүүнээр элсэж байсан. Нам төвөлшиж байж, улс төр төлөвшдөг. Улс төрчдийн төлөвшлөөс парламентийн төлөвшил тогтдог. Тийм учраас УИХ-ын гишүүн болох хүмүүст насны босго тавиач, ажил мэргэжлийн хувьд туршлагатай байх шаардлага тавих ёстой. 

-Таныг сайдаасаа  чөлөөлөгдвөл нөхөр, хүүхдүүдийн тань асуудал бас хөндөгдөөд байгаа? 

-Миний бага хүү далайн мэргэжлээр төгссөн гуравхан хүний нэг. Ийм мэргэжил эзэмшсэн нь миний хүүгийн буруу юу. Тэгээд ч манай биш АН-ын Засгийн үед мэргэжлээрээ ажиллаж эхэлсэн. Сингапурт төлөөлөгчийн газар ажиллаж байсан. 

Миний охин Хүмүүнлэгийн их сургууль Аялал жуулчлалын анги төгсөөд Англид мастер хийгээд намайг УИХ, Засгийн газрын гишүүн болохоос өмнө  мэргэжилтнээс эхлээд бүх шатанд нь ажилласан. 

Би харин хүүхдүүдийнхээ ирээдүйн төлөө өөрөө зайгаа тавьж өгөх ёстой. 

Миний нөхрийн хувьд эрчим хүчний салбарынхан бүгд мэднэ. Миний нөхөр болсноороо тэр хүн мэргэжлээрээ ажиллах ёсгүй юу.  

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Шалгуулах нь шалгуулаад цагаадах нь цагаадаад нэг талдаа гаръя
Албан тушаалтнуудын ХОМ-ийг бүртгэх бэлтгэл ажил эхэллээ
“Зайсан хилл”-д шинэ жилээ тэмдэглэсэн "НВЦ" компанийн 100 гаруй ажилчин хорджээ
Сэргээш хэрэглэсэн нь тогтоогдсон бөхчүүдийн улсын наадамд барилдах эрхийг хоёр жилээр хаслаа
Газрын тос боловсруулах үйлдвэрийн төмөр замыг хугацаанд нь барихаар УБТЗ шамдаж байна
Францын Страсбург хотод зэвсэгт халдлага гарч дөрвөн хүн амиа алдлаа
Энэ долоо хоногт гурван хүнд элэг шилжүүлэн суулгана
Г.Ууганбаатар: Монголынхоо нэрийг дэлхийд гаргасан “алгын чинээхэн” охиноороо бахархаж байна
Эмчээс ёс суртахуун нэхдэг мөртлөө үнэндээ таны ёс зүй, хүн чанар, хүнлэг байдал хаана байна?
ОПЕК: Газрын тосны гарцыг өдрийн 1.2 сая баррелиар танана
Отгонтэнгэр их сургууль Үндэсний хэмжээний илтгэлийн тэмцээнийг амжилттай зохион байгууллаа
Өмнөд Солонгост таксины шинэ үйлчилгээг эсэргүүцсэн жолооч өөрийгөө шатаажээ
Талууд хамтран ажиллах санал солилцов
“Huawei”-ийн захирал 30 жилийн ял авч магадгүй
Хаалгаа цоожилж, гэр бүлийн хүчирхийлэл үйлджээ
УБЦТС-ын захирал Д.Баярсайхантай хэзээ хариуцлага тооцох вэ?
Саудын Араб сэтгүүлчийн аллагын аудио бичлэгт хөрөөний дуу сонсогдож байгааг CNN мэдээлжээ
“Сансарын “KFC” хоолны газар буу гаргаж танхайрсан этгээдийг шалгаж байна
ЕБС-ийн ахлах ангийн сурагчдын дунд хамгийн өндөр шагналтай үндэсний илтгэлийн тэмцээн эхэллээ
Шар тайлах “шидэт” бэлдмэл хайж, 10 жил уусан профессорийн зөвлөгөө