Энэтхэгийн Шинэ Дели хотноо энэ сарын 15-24-ний өдрүүдэд боксын эмэгтэйчүүдийн Дэлхийн аварга шалгаруулах тэмцээн болж байна. 10 дахь удаагийн тэмцээний 54 кг-ийн жинд өрсөлдсөн Монголын тамирчин, Азийн наадмын хүрэл медальт М.Нандинцэцэг хүрэл медаль хүртжээ.

Тэрбээр Унгарын Сабина Сючи, Хорватын Зелина Питеса, Мароккогийн  Захраоюү Зохра нарыг дараалан ялж, мөнгөн медалийн төлөө өрсөлдөх эрхтэй болсон. Улмаар мөнгөн медалийн төлөө Болгарын Стойка Петроватай тулалдсан ч 5:0-аар ялагдал хүлээжээ. Ингэснээр М.Нандинцэцэг энэ жилийн ДАШТ-ийг хүрэл медальтайгаар өндөрлүүлж байна.