2018-11-13
Арваннэгдүгээр сарын 12-ны өдрийн 20:39 цагт Онцгой байдлын газарт Нийслэлийн Сонгинохайрхан дүүргийн 3 дугаар хороо, 65 дугаар сургуулийн урд авто замын зорчих хэсэгт иргэн Х-ын “Соната-6” загварын автомашин шатаж байна гэсэн дуудлага иржээ. Тус дуудлагын дагуу Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 алба хаагч, 2 автомашинтайгаар 3 км зам туулан 20:45 цагт очиж, 10 минут ажиллаж унтраасан байна.
Сүүлийн үед нийслэлд гал түймрийн дуудлага цөөнгүй ирж байгаа аж. Тухайлбал, арваннэгдүгээр сарын 12-ны өдрийн 10:23 цагт Нийслэлийн Баянзүрх дүүргийн 23 дугаар хороо, Баатархайрханы 2 дугаар хэсгийн 496 тоотод Иргэн О-ийн байшин шатаж байна гэсэн дуудлага хүлээн авчээ. Тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн 7 алба хаагч, 2 автомашинтайгаар 10 км зам туулан 10:35 цагт очиж, 40 минут ажиллаж унтраасан байна.
Мөн өдрийн 13:33 цагт Нийслэлийн Сүхбаатар дүүргийн 14 дүгээр хороо, Хандгайтын 28 дугаар гудамжинд иргэн Д-ийн байшин шатаж байна гэсэн дуудлага хүлээн авчээ. Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 7 алба хаагч, 2 автомашинтайгаар 5.5 км зам туулан 13:41 цагт очиж, 10 минут ажиллаж унтраасан байна.
ЦАГ АГААР
°C/°C
°C/°C
°C/°C
Төстэй мэдээнүүд