Дэлхийн бөхийн нэгдсэн холбооноос Будапештийн ДАШТ-ий үр дүнг харгалзан дэлхийн чансааг албан ёсоор гаргажээ. Будапештийн дэвжээнд үзүүрлэж, ДАШТ-ээс дөрөв дэх медалиа хүртсэн, Монгол Улсын гавьяат тамирчин Очирбатын Насанбурмаа эмэгтэйчүүдийн 72 кг-ын жинд 53 оноогоор дэлхийн чансааг тэргүүлж байна.

О.Насанбурмаа гавьяатаас гадна манай эмэгтэй бөхчүүдээс дэлхийн чансааны айргын тавд дөрөв, эхний 20-д найман хүн багтав.  Тодруулбал,
 

• 50 кг-ын жинд Э.Нарангэрэл 51 оноогоор тав,
• 53 кг-д ОУХМ Э.Сумъяа 53 оноогоор гурав,
• 55 кг-д ОУХМ Э.Даваачимэг 54 оноогоор гурав,
• 57 кг-д ОУХМ А.Батцэцэг 27 оноогоор 14,
• 59 кг-д ОУХМ Б.Шоовдор 65 оноогоор гурав,
• 62 кг-д гавьяат тамирчин П.Орхон, ОУХМ Э.Гантуяа нар 33 оноогоор 11, 12,
• 65 кг-д ОУХМ Х.Болортуяа 34 оноогоор ес,
• 65 кг-д ОУХМ Э.Цэвэгмид 18 оноогоор 17,
• 68 кг-д хөдөлмөрийн баатар, гавьяат тамирчин С.Батцэцэг 34 оноогоор найм,
• 68 кг-д ОУХМ Ш.Түмэнцэцэг 30 оноогоор 11,
• 76 кг-д ОУХМ Г.Наранчимэг 30 оноогоор 11 дүгээр байрт тус тус бичигджээ.