Ерөнхийлөгч өө, оффшор бүсээс хөрөнгө татахаа мартчихсан уу?

2018-11-07

Ерөнхийлөгч өө, оффшор бүсээс хөрөнгө татахаа мартчихсан уу

Манай эрхэм Ерөнхийлөгч сүржин мэдэгдэл хийх хоббитой юм дагуу даа. Хамгийн сүүлд “өлсгөлөн зарлана” гэсэн сүржин мэдэгдэл хийнэ лээ. Монголчуудыг гадныхан Чингис хаанаар нь мэддэг бол одоо өлсгөлөн зарласан Ерөнхийлөгчөөр нь таних нь л дээ. 

Ерөнхийлөгч өө, та бол төрийн тэргүүн. Та өлсгөлөн зарлахаар ард түмэн яах билээ. Та энэ талаар бодож үзсэн үү? Хүүхдүүд нь үгэнд орохгүй байна гээд өлсгөлөн зарладаг өрхийн тэргүүний тухай би сонсож байгаагүй. Аав хүний холч ухаан гэж нэг юм байдаг даа. Та энэ эрдэмд суралцаагүй бололтой. Биеэ засаад гэрээ зас, гэрээ засаад, төрөө зас гэдэг хэлц их өргөн утга агуулгатай. Та л олон нийтэд мэдэгдэл хийж өлсөх тухай ярьж суугаа болохоос ард түмэн хоногийн хоолоо арайхийн залгуулж байна. 

Уг нь та Ерөнхийлөгчийн санал хураахаас хэдхэн хоногийн өмнө ард түмний авралын бурхан шиг л аашилсан. Өрийг нь дарж нурууг нь тэнийлгэнэ гэсэн. Энэ тухай ард түмэн дурсамж болгон ярьж, та мартсан бололтой. 

Таны дараагийн таг мартсан нэгэн зүйлийг эргэн сануулъя !!!

Жил гаруй хугацааны өмнө та улстөрчид, төрийн албан хаагчид, тэдний хамаарал бүхий этгээдүүдэд хандан оффшор данстай холбоотой асуудлаар уриалга гэгчийг гаргаж байв. 

 Тодруулбал, оффшор бүсэд данстай улстөрчид, төрийн албан хаагчид, тэдний хамаарал бүхий этгээдүүдэд хандан 2017 оны долдугаар сарын 24-ний өдрөөс хойш 49 хоногийн дотор оффшор дансаа хааж, тэнд байршуулсан мөнгөн хөрөнгөө Монголын банкинд оруулж ирэхийг уриалсан. Заасан хугацаанд Монголын банкууд руу татагдаагүй мөнгөн хөрөнгө, түүнийг эзэмшигчдийн асуудлыг холбогдох хуулийн дагуу илрүүлэн илчилж, зохих хариуцлага хүлээлгэх нь шударга ёсонд нийцнэ  хэмээн итгэлтэйгээр мэдэгдэл хийсэн. 

Ийнхүү таны ээлжит шоу үлгэр адил жаргасан байна. Үүнтэй зэрэгцэн ард түмний танд итгэх итгэл буурч эхэллээ. Эхнээсээ та далайн эргээс шуудай шуудайгаар доллар авчирч ард түмний өрийг дарах тэнэг Иваны үлгэрийг зохиосон. Үүний оронд та зээлийн хүүг бууруулах акц эхлүүлсэн бол арай илүү үнэмшилтэй байх байлаа. Гэвч эхлүүлсэн уриалсан уухайлсан бүхнээ мартаж, дахин дахин шоудсаар...

Монгол Улсын Үндсэн хуулийн гучдугаар зүйлийн нэг дэх хэсэгт “Монгол Улсын Ерөнхийлөгч бол төрийн тэргүүн, Монголын ард түмний эв нэгдлийг илэрхийлэгч мөн” гэж заажээ. Мөн Монгол Улсын Үндсэн хуулийн гучинхоёрдугаар зүйлийн хоёр дахь хэсэгт “Ерөнхийлөгч сонгогдсоноосоо хойш гуч хоногийн дотор “Монгол Улсын тусгаар тогтнол, бүрэн эрхт байдал, ард түмнийхээ эрх чөлөө, үндэсний эв нэгдлийг эрхэмлэн хамгаалж, Үндсэн хуулийг дээдлэн сахиж, ерөнхийлөгчийн  үүргийг шударгаар биелүүлэхээ батлан тангараглая” хэмээн Улсын Их Хуралд тангараг өргөнө” гэжээ. 

Ерөнхийлөгч таны үйл хөдлөл, үг яриа Үндсэн хуулийн дээрх заалтуудтай хэр нийцэж байгаад дүгнэлт хийхэд илүүдэхгүй биз. 

Сэтгэгдэл үлдээх

Ачу:2018-11-07 12:28:32
Та нар жаахан хүлээчээч. Хулгайлагдаад гадаадруу алдсан мөнгөө байтугай дөнгөж сая хулгайлагдсан мөнгөө олж авах гээд алалцаад байгааг харсаар байгаан бишүү эргүү минь. Юманд жаахан нүдтэй үнэнд жаахан нухацтай хандаж бие биенээ хүндлээч!!!

ЦАГ АГААР

  • Даваа
    °C/°C
  • Мягмар
    °C/°C
  • Лхагва
    °C/°C

Төстэй мэдээнүүд



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

1-5 дугаар ангийн сурагчдад Монгол ёс, хүмүүжлийн хичээл орно
Франц улс юу хүлээж байна вэ?
Тарваган тахлын эсрэг дархлаажуулалт ирэх долоо хоногт орон даяар эхэлнэ
ЗГ: Хөх хот дахь Ерөнхий консулыг эгүүлэн татлаа
NASA-гийн судлах дараагийн сансрын биет нь Санчир гарагийн дагуул Титан байна
“Их 20”-ийн уулзалтын гол дүрүүд
Хөшигийн хөндийн нисэх буудлын менежментийн төслийг Монгол, Японы хамтарсан компани концессоор хэрэгжүүлэхээр боллоо
З.Орхонсүрэн: Цаг алдсаны улмаас хутгалуулсан иргэн цус алдаж, ухаан балартсан байсан
Хүүхдэд өгч болохгүй хориотой эмийн жагсаалт
Залуусыг буруу зүйлд уриалж буй шинэ цагийн ХИП ХОП
Үсчин, гоо сайхны газрууд хэрэглэсэн багажаа халдваргүйжүүлдэггүй зөрчил нийтлэг илэрчээ
Мадурогийн амийг хорлох хуйвалдааныг илрүүлснээ Венесуэлийн засгийн газар зарлажээ
Европ тивд хагас тонн жинтэй шувуу хүмүүстэй зэрэгцэн амьдарч байсныг эрдэмтэд баталжээ
Ж.Ганхуяг: Гарцын тэмдэглэгээг тодотгохын тулд шар хаалгануудыг байрлуулсан
Монголд хар тамхи байнга хэрэглэдэг 708 хүн байна
Наадмын түүхийг гажуудуулсан алдас буюу баримтат үнэн оршвой
Азийн улс төрийн намуудын олон улсын бага хурлыг Монгол улсад зохион байгуулахаар болов
Европын амьтны хүрээлэнгүүдэд төрсөн хирснүүдийг Руанда руу шилжүүлжээ
Виктория Бекхэм нууцаа ”задаллаа”
"Ираны эсрэг АНУ-ын хоригууд бол эдийн засгийн терроризм"