2018-11-06
ОХУ-ын Калининград хотын Верхний нуураас эрэгтэй хүний цогцос олдсон тухай Вести агентлаг ням гаригт /2018.11.04/ мэдээлжээ.
Калининград мужийн мөрдөн байцаах газрын даргын ахлах туслах Наталья Гацко хэлж буйгаар, “Цогцсыг шинжилж үзэхэд хүч хэрэглэсэн зүйл байхгүй байсан. 25-30 насны залуу эрэгтэй байсан” гэжээ.
Манай агентлагт ирсэн мэдээллээр, амиа алдсан залуу цэргийн сургуулийн төгсөх курсын Монгол оюутан байсан. Хоёр найзтайгаа сургуулиасаа чөлөө аваад явсан. Гэтэл хоёр найз нь буцаж ирээд, амиа алдсан залуу ирээгүй. Хожим нь, Верхний нуураас хүний цогцос олдлоо гэсэн мэдээллийг хараад сургуулийнх нь мэдсэн" гэсэн мэдээлэл ирсэн юм.
Бид энэ талаар Монгол Улсаас ОХУ-д суугаа Элчин сайдын яамнаас тодруулахад, "Монгол оюутан амиа алдсан гэдэг нь үнэн. Харин хоёр найзтайгаа явсан эсэхийг мэдэхгүй байна. Бидэнд ирсэн мэдээллээр ганцаараа явсан гэсэн. Өнөөдөр /2018.11.06/ Элчин сайдын яамны дэд консул болон хилийн төлөөлөгч Калининград явсан" гэв.
Одоогоор хэргийг мужийн мөрдөн байцаах газар шалгаж байгаа аж. Хүү чухам юунаас болж амиа алдсан нь мөрдөн байцаалтын шалгалтын дүнд ил болох ажээ.
ЦАГ АГААР
°C/°C
°C/°C
°C/°C
Төстэй мэдээнүүд