2018-10-12
Энэ сарын 10-ны өдөр Улаанбаатар-Сөүлийн чиглэлийн нислэгээр зорчихоор ирсэн гадаадын иргэн их хэмжээний валют, эд зүйлсээ хаясан хэрэг гарчээ. Тодруулбал, Улаанбаатараас Сөүлийн чиглэлийн зорчигч БНСУ-ын иргэн MCCRACKEN SOLCHA өөрийн цүнхээ хаясан байна. ИНЕГ-ын харьяа Нисэх буудлын удирдах газрын Аюулгүй байдал, хамгаалалтын албаны ажилтнууд “Чингис хаан” Олон улсын нисэх буудлын нийтийн эзэмшлийн талбайд аюулгүй байдлын үзлэг, шалгалт хийх явцдаа эзэнгүй эд зүйлс илрүүлж, зохих журмын дагуу аюулгүй байдлын үзлэг шалгалт хийн, эд зүйлсийн эзнийг нь тогтоон хүлээлгэн өгсөн байна.
Ингэснээр цүнхний эзэн нь БНСУ-ын иргэн MCCRACKEN SOLCHA байсан нь тогтоогджээ. Түүний цүнхэнд 5230 ам.доллар буюу 13 сая гаруй төгрөг, бичиг баримтын хамт байсан байна.
Аюулгүй байдал, хамгаалалтын албаны ажилтнууд нисэх буудлын нийтийн эзэмшлийн бүсэд үзлэг шалгалт хийх явцад өдөр бүр тогтмол 2-3 зөрчил илрүүлдэг бөгөөд зорчигч болон нисэх буудлаар үйлчлүүлэгч иргэд гар цүнх, тээш, гар утас, түрийвч, зөөврийн компьютер зэрэг эд зүйлсээ орхиж, гээгдүүлдэг байна.
ЦАГ АГААР
°C/°C
°C/°C
°C/°C
Төстэй мэдээнүүд