МҮИС БОАЖЯ-тай газрын маргааны асуудлаар шүүхдэлцэв

2018-10-12

МҮИС БОАЖЯ-тай газрын маргааны асуудлаар шүүхдэлцэв

Монголын Үндэсний их сургууль нь төрийн байгууллагын хууль дүрмийг хэрэгжүүлдэггүй том сургууль гэдэг.

Богдхан уулын Баруун ширээтийн амыг тэр чигээр нь эзэлсэн гэх тус сургууль нь БОАЖЯ-тай газрын маргааны асуудлаар олон жил маргалдаж шүүхдэлцэж явна.

Одоо бүр төрийн ажлыг хийлгэхгүй, амрагч зугаалагч нарт зориулсан ариун цэврийн байгууламж бариулахгүй хэмээн хэдхэн хоногийн өмнө  яамны алба хаагчдыг зодож танхайрсан хэрэг гарсан билээ.
 
Тодруулбал, БОАЖЯ-наас өнгөрсөн жил Богдхан уулын Зайсангийн аманд 264 автомашины зогсоол барих шийдвэр гарсны дараа бөөн асуудал үүсч байсан. Дархан цаазат газар 42 га газар эзэмшиж байгаа “Энигма” компанийн газраас 3 га газрыг нь төрийн мэдэлд авна гэсэн шийдвэрийг эсэргүүцэж Монголын үндэсний их сургууль /МҮИС/-ийн оюутнууд тус яамны үүдэнд жагсаал хийж, шийдвэрээ цуцлахыг шаардаж байсныг санах байх.

Газрыг өмчлөх, ашиглах, эзэмших гэсэн гурван хэлбэрээр ашигладаг. Газрын тухай хуулийн 46.2 дээр “Засгийн газар нийгмийн зайлшгүй шаардлагын үндсэн дээр ашиглалтад байгаа газрыг нөхөн төлбөртэй болон төлбөргүйгээр авч болно” гэсэн хуулийн заалт байдаг аж.

Үүнийг үндэслэн “Энигма” компанийн газраас хэсэгчлэн цуцалж байв. Тэгвэл Богдхан уулын Зайсангийн аманд баригдсан авто зогсоол дээр ариун цэврийн байгууламж барих шийдвэрийг БОАЖЯ-наас гаргаж, ажлаа эхлүүлэх гэтэл ийнхүү маргаан зодоон үүсгэсэн байгаа юм.

МҮИС-ийн удирдлагууд гэж өөрсдөө ирдэггүй хэрнээ хэдэн ажилчид, оюутнуудыг явуулчихдаг байна. Учраа мэдэхгүй тэд яамны ажлыг хийлгэхгүй хэмээн хэл амаараа доромжлоод эцэстээ зодооны хэрэг мандаажээ.

Шүүх хурлын талаар Богдхан уулын дархан цаазат газрын хамгаалалтын захиргааны мэргэжилтэн А.Оюутаас тодруулахад “Богдхан уулын Зайсангийн аманд баригдсан авто зогсоол дээр нийтийн ариун цэврийн байгууламж байгуулах гэж байгаа юм. Энэ бол БОАЖЯ-наас захиалгаар хийж байгаа ажил. Гэтэл МҮИС-ийнхан “Манай газар дээр байгууламж барих гэлээ” гээд төрийн албан хаагчдын биед гар хүрч, олон хүнийг зодсон. 

Тиймээс ариун цэврийн байгууламж барих эсэх асуудлыг Захиргааны хэргийн анхан шатны шүүхээр хянан хэлэлцэхээр болсон. Шүүхэд хандах болсон шалтгаан нь нийтийн эзэмшлийн зам талбайг улсын хөрөнгөөр хийх ажлыг саадгүй явуулж өгөөчээ. 

Нийслэлчүүдийн амарч зугаалах замд аялалын дагуу хийгдэж байгаа ажлыг МҮИС-ийнхан эсэргүүцэж зогсоох ёсгүй байгаа юм. Тиймээс био нойл барих ажил эхлүүлэх зөвшөөрлийг явуулж өгөөчээ гэсэн шийдвэр шүүхээс гаргуулах гээд байгаа юм. Аагтай омогтой оюутан залуучуудад бид зодуулаад өнгөрдөг. МҮИС-ийн удирдлагууд ерөөсөө ирж уулздаггүй, ил гарч ирдэггүй. Тэр зодоон нүдээнийг оюутнууд нь хийсэн.

Шүүхийн шийдвэр гараагүй, хурлыг ямар нэгэн байдлаар хойшлуулах юмуу эцсийн шийдвэр гараагүй байхад хэргийн талаар мэдээлэл өгөх боломжгүй байгаа гэдгийг ойлгоорой” гэв.
 
Ийнхүү өчигдөр өдөржин болсон шүүх хурлын шийдвэр ямар гарсан талаар эргэн мэдээлэх болно.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Д.Оюунхорол: Надад зуслангийн ойролцоо эзэмшдэг газар байхгүй
Хамгийн сүүлд Африкаас Америк руу боол тээвэрлэж ирсэн хөлгийн үлдэгдлийг олжээ
Ичиножо А.Ичинноров эрсдэлтэй шийдвэр гаргалаа
Сурагчдын зуны амралтын хуваарь
Хятад яагаад өрнөдийг дагахыг хүсдэггүй вэ
"Мобиком" корпорацийн удирдлагуудыг АТГ шалгаж эхэллээ
Б.Хурцын цагдан хорих хугацааг сунгах саналаас татгалзсан шийдвэр гаргалаа
"Гэр бүл, хүүхдэд ээлтэй эрх зүйн орчныг бүрдүүлэх нь"
Ё.Баатарбилэг: Ерөнхий боловсролын сургуульд сэтгэл зүйч ажиллуулах шаардлагатай
Танилц: 2019-2020 онд нийслэлд хийгдэх бүтээн байгуулалтууд
Хүүхдүүд олноороо ДОХ-ын халдвар авчээ
Яармагийн гүүрийн замын хөдөлгөөнийг нээлээ
Дулааны шугам сүлжээнд их засвар хийх тул байгууллага, иргэдийн анхаарах ёстой зургаан зөвлөмж
МАН-ынхан энэ сарын 28-нд нэр дэвшигчээ тодруулна
Сонгуулийн дүнг зарласны дараа Индонезид мөргөлдөөн гарснаас 6 хүн амиа алдлаа
Мах үнэтэй хэдий ч олдоц нь хомс байна
Цэргийн бэлтгэл сургалт явагдаж байна
Өмнөд Солонгост ажлын дөрвөн өдөртэй долоо хоногийг туршиж эхэлжээ
Ерөнхий сайд хүсэлтээ гаргасан хүүхэд бүрт хүүхдийн мөнгө олгохыг үүрэг болгов
Дугаарын хязгаарлалтын бүсчлэлийг өнөөдрөөс эхлэн багасгасан тойргоор мөрдөхөөр боллоо