Хабиб Нурмагомедов гэж хэн бэ?

2018-10-11

Дагестан гаралтай ОХУ-ын холимог тулааны тамирчин Хабиб Нурмагомедов  холимог тулааны спортод том дуулиан тариад байна. Тэрбээр энэ аравдугаар сарын 8-нд холимог тулааны спортын ринг дэх хамгийн том тулаанаа Ирландын “сагсуу сармагчин” хочит Конор МакГрегорын эсрэг хийж ялалт байгуулсан юм. Гэвч тулааны дараа үзэгчид рүү дайрч, үймээн зодоон үүсгэсэн түүний зохисгүй авир олны шүүмжлэлийн бай болсон билээ. “NEWS” агентлаг энэ удаагийн хүмүүс буландаа Хабиб Нурмагомедовыг танилцуулж байна.


БЛИЦ

Нэр: Хабиб Абдулманапович Нурмагомедов

Нас: 30 (1988 оны есдүгээр сарын 20)

Төрсөн газар: Дагестаны Цумадинский мужийн Сильди дүүрэг

Өндөр: 177 см

Жин: 70 кг

Амжилт: 27 ялалт 0 ялагдал

Гэр бүл: эхнэр, хүү, охинтой

ХАБИБ БОЛ “ДАЙНД” БЭЛТГЭГДСЭН ТУЛААНЧ

“UFC” холимог тулааны спортын хөнгөн жинд “бүргэд” хочит Хабиб Нурмагомедов нэг ч ялагдалгүй 27 түрүүлсэн амжилтаар аваргын алтан бүсийг эзэмшиж байна. Тэрбээр гурван хүүхэдтэй айлын дундах нь. Түүний аав Абдулманап Нурмагомедов тамирчин хүн бөгөөд дайнд оролцож явсан. Террорист халдлага гарах магадлал өндөртэй Дагестанд амьд үлдэхийн тулд Хабиб багаасаа тулааны бэлтгэл хийдэг байв. Түүний аав нь дайнд оролцож явсныхаа хувьд ямар ч нөхцөлд түүнийг тулаанд бэлэн байхаар хүмүүжүүлжээ. Хабибын гэр бүл түүнийг 12 настай байхад Дагестаны нийслэлд нүүж ирснээр тэрбээр чөлөөт бөхөөр хичээллэж эхэлсэн ба 15 настайгаасаа жүдогоор нэмж хичээллэх болжээ. Харин 17 настайгаасаа тэрбээр гэр бүлийнхээ хамт Украины Киев рүү нүүн суурьшиж, тулааны самбо спортоор хичээллэж эхэлсэн байна. Иймээс түүний холимог тулааны арга барил нь самбо, жүдо, чөлөөт зэргийг хослуулсан байдаг ба хэвтээ байрлалаас сайн тулалддаг. Идэр насандаа Хабиб Оросын гардан тулааныг сонирхон хичээллэж байжээ. Хабиб холимог тулааны карьераа 2008 онд эхлүүлж, сарын дотор дөрөв дараалсан ялалт авснаар олны анхаарлыг татаж эхэлжээ. Гэвч 2014 оноос 2016 оны эхэн хүртэл өвдгөндөө хэд хэдэн удаа бэртэл авснаар  хэсэг хугацаанд завсарласан байна. Харин 2016 оны дөрөвдүгээр сард эргэн ирсэн анхны тулаанаа Даррелл Хорчертэй хийж ялалт байгуулжээ. Тухайн оны есдүгээр сард Эддие Алварезтай “UFC”-гийн бүсний төлөө тулалдах гэрээгээ байгуулсан байна.

ГЭР БҮЛ

Зураг дээр Оросын телевизийн нэвтрүүлэгч Ольга Бузовтай хамт

Хабиб 2013 онд эхнэртэйгээ гэрлэж, 2015 онд охин, 2017 онд хүүтэй болсон. Тэд энэ онд хуримын таван жилийн ойгоо тэмдэглэсэн байна. Гэвч тэрээр эхнэрээ аль болох олны өмнө гаргахгүй байхыг хичээдэг  ба нэрийг нь нууцалсан байдаг. Хабиб хувийн амьдралаа хувийн л байлгахыг хичээдэг тул тэр бүр гэр бүлийнхээ талаар яриад байдаггүй. Мөн түүний Инстаграм хуудсанд хүүхдүүдийнх нь зураг байдаггүй.

ДУУЛИАНТАЙ ЯЛАЛТ

Хабиб энэ сарын эхээр 27 дахь тулаандаа ялалт байгуулж, аваргын алтан бүсээ хадгалж үлдсэн. Тэрбээр UFC-ын 229 дахь тулаанд Конор МакГрегортой тулж, дөрөвдүгээр үед боолтоор ялсан юм . Гэвч тэрбээр тулааны дараа рингнээс үсрэн гарч МакГрегорын найз Артем Лобовыг цохиж авснаар олныг хамарсан үймээн дэгдээсэн юм. Үймээний үеэр нэгэн үзэгч ринг рүү нэвтэрч Конор МакГрегорыг цохисон хэрэг ч гарсан.  Үймээн намжиж, тайзны гадна аваргын бүсээ гардаж авсан Хабиб олон нийтээс уучлал хүссэн боловч түүнийг шүүмжлэн чичлэх хүн олон байна.

Эх сурвалж: NEWS.MN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Д.Оюунхорол: Надад зуслангийн ойролцоо эзэмшдэг газар байхгүй
Хамгийн сүүлд Африкаас Америк руу боол тээвэрлэж ирсэн хөлгийн үлдэгдлийг олжээ
Ичиножо А.Ичинноров эрсдэлтэй шийдвэр гаргалаа
Сурагчдын зуны амралтын хуваарь
Хятад яагаад өрнөдийг дагахыг хүсдэггүй вэ
"Мобиком" корпорацийн удирдлагуудыг АТГ шалгаж эхэллээ
Б.Хурцын цагдан хорих хугацааг сунгах саналаас татгалзсан шийдвэр гаргалаа
"Гэр бүл, хүүхдэд ээлтэй эрх зүйн орчныг бүрдүүлэх нь"
Ё.Баатарбилэг: Ерөнхий боловсролын сургуульд сэтгэл зүйч ажиллуулах шаардлагатай
Танилц: 2019-2020 онд нийслэлд хийгдэх бүтээн байгуулалтууд
Хүүхдүүд олноороо ДОХ-ын халдвар авчээ
Яармагийн гүүрийн замын хөдөлгөөнийг нээлээ
Дулааны шугам сүлжээнд их засвар хийх тул байгууллага, иргэдийн анхаарах ёстой зургаан зөвлөмж
МАН-ынхан энэ сарын 28-нд нэр дэвшигчээ тодруулна
Сонгуулийн дүнг зарласны дараа Индонезид мөргөлдөөн гарснаас 6 хүн амиа алдлаа
Мах үнэтэй хэдий ч олдоц нь хомс байна
Цэргийн бэлтгэл сургалт явагдаж байна
Өмнөд Солонгост ажлын дөрвөн өдөртэй долоо хоногийг туршиж эхэлжээ
Ерөнхий сайд хүсэлтээ гаргасан хүүхэд бүрт хүүхдийн мөнгө олгохыг үүрэг болгов
Дугаарын хязгаарлалтын бүсчлэлийг өнөөдрөөс эхлэн багасгасан тойргоор мөрдөхөөр боллоо