Израйлийн агаарын хүчний командлагч Москвад иржээ

2018-09-21

Өнгөрсөн Даваа гарагт Сирид Оросын цэргийн нисэх онгоцыг буудаж унагасан хэргийн мөрөөр Израйлийн армийн дээд түвшний төлөөлөгч өчигдөр Москвад иржээ.

Тэрээр Сирид явуулсан агаарын довтолгооныхоо мэдээллийг Оросын талтай хуваалцаж, цаашдаа хэрхэн санамсаргүй мөргөлдөөнөөс зайлсхийх талаар хэлэлцэх юм.

Даваа гарагт Израйлийн агаарын довтолгоог эсэргүүцэх ажиллагаа явуулахдаа Сирийн арми Оросын 15 зорчигчтой Ил-20 нисэх онгоцыг санамсаргүй  тохиолдлоор буудаж унагасан байна.

Уг хэрэг явдал Орос-Израйлийн харилцаанд хүндрэл үүсгэсэн юм. Хэрэг явдлын дараа Израйлийн ерөнхий сайд Бенжамин Нетаньяху ОХУ-ын ерөнхийлөгч Владимир Путинтай утсаар ярьж, эмгэнэл илэрхийлээд уг харамсалтай явдалд Сирийн талыг буруутгаж, өөрийн төлөөлөгчийг Москвад илгээж, хамтран ажиллахаар болсон байна.

Тэгвэл өчигдөр Нетаньяху асуудлын гол нь “Ираны тал Сирийн газар нутгаас Израйлд цохилт өгөхийг оролдож, өөрийнх нь дайсан Хезболлах бүлэглэлийг зэвсэглэж байгаа явдал юм” гэдгийг Путинд тайлбарласан тухайгаа ярьжээ.

“Бид өөрийгөө хамгаалах эрхтэй гэдгийг би түүнд хэлсэн. Бас Израйль, Оросын талууд хоорондын аюулгүй байдлыг сахиж ажиллах чухал шаардлага байгааг хэлсэн” гэж Нетаньяху мэдэгдсэн байна.

Израйлийн агаарын хүчний командлагч, хошууч генерал Амикам Норкин өчигдөр Москвад очиж байгаа ба түүний үндсэн зорилго нь “нэгдүгээрт, ард түмнээ үргэлжлүүлэн хамгаалах, хоёрдугаарт, хоёр улсын хамтын ажиллагааг хэвээр хадгалах” гэж Нетаньяху тайлбарлажээ.

Өчигдөр Москвад эхэлсэн уулзалтын үеэр Израйлийн тал Сири дэх Ирантай холбоотой цэргийн байгууламжуудад цохилт өгсөн бөгөөд Израйлийн нисэх онгоцнууд буцаад өөрийн агаарын хилд орсны дараа Сирийн зэвсэгт хүчин Оросын нисэх онгоцыг буудаж унагасан хэмээн баримтаар тайлбарласан байна.

Гэвч Оросын батлан хамгаалах яамныхан Израйлийн тал цохилт өгөхөөс минут хүрэхгүй хугацааны өмнө Оросын талд анхааруулснаас Ил-20 онгоц галын зурвасаас холдож чадаагүй хэмээн тэднийг буруутгасан гэнэ.

Талуудын уулзалт хэлэлцээр өнөөдөр үргэлжлэхээр болжээ.

Эх сурвалж: Associated Press

 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Хар тамхи хамжааргагүй болж, хяналтаас гарсаар байна
Улаанбаатарын цэвэр усны хангамж 68 сая орчим шоо метрээр нэмэгдэнэ
Сириэс АНУ-ын цэрэг гарсны дараа 200 “энхийг сахиулагч” үлдэхээр болжээ
Ханой хотын нэгэн үсчин Трамп, Ким хэлбэрийн засалтаар үнэ төлбөргүй үйлчилж байна
13 настай охины аминд хүрсэн этгээдүүдийг шүүх хурал болж байна
Хятадын “Зааны ясны хатан хаан” Танзанийн шоронд 15 жил хоригдох ял сонсов
Путины илгээлт: Орос улс хэнийг ч заналхийлдэггүй
Гавьяат тамирчин П.Орхоны барилдах эрхийг 2022 он хүртэл хасчээ
Хонинд явсан 13 настай охин сураггүй алга болоод зургаан сар болж байна
SOS: Тэмбүү Монголын залуусыг "ангуучилж" байна
Хууль бусаар хөрөнгөжсөн шүүгчид арьсаа хамгаалж эхэлсэн үү?
Монгол Улс ШХАБ-д гишүүнээр элсэх эсэх асуудлаар эцсийн шийдвэрийг УИХ гаргана
Д.Оюунхорол: Тендерийн хуулийг шинэчлэх шаардлагатай
Булган аймагт гарсан гэмтлийг засч, тоггүй сумдыг эрчим хүчээр хангажээ
Тажикстаны Цагдаагийн албаныхан урлагийн мэдрэмжтэй болно
Өрхийн сарын дундаж орлого 77.7 мянган төгрөгөөр өсчээ
Архи борлуулдаг 100 аж ахуйн нэгжийн зөвшөөрлийг цуцаллаа
Дэлхий нийтийн махны хэрэглээ сүүлийн 50 жилд ГУРАВ дахин нэмэгджээ
С.Мөнхчулуун Ерөнхий сайдын босгыг давсангүй, одоо хэн бэ?
Албаны машинаар зорчигч, ачаа тээвэрлэж байгааг зогсоох үүрэг өгөв