Долоон настай хүү: Надтай тоглооч

2018-09-14

Энэ бол Германы Хамбург хотноо болсон жагсаалын уриа юм. Уг жагсаалд 150 хүн оролцсон бөгөөд долоон настай Эмиль Рустиже хүү санаачилсан аж. Учир нь тэрбээр бусад хүүхдүүдтэй адил эцэг эхийн хайр халамжаар дутагдсан нэгэн юм. Эмиль Рустиже ухаалаг утасны хэрэглээ эцэг эхийнх нь тавих ёстой анхаарлаас хугасалж байгаад сэтгэл дундуур байсанд ямарваа нэгэн хариу үйлдэл хийх ёстой хэмээн бодсон нь энэ аж. Цагдаа нар цуглаан болох замыг чөлөөлж, элдэв аюулаас хамгаалж,  хүүхдийн жагсаал цуглааныг насанд хүрэгчдийн арга хэмжээтэй адилаар хүндэтгэн үзнэ” гэж мэдэгджээ.

Сүүлд АНУ-д хийсэн судалгаанд өсвөр насны 13-17 настай нэг мянган хүүхэд оролцсон бөгөөд тэдний 33 хувь нь эцэг эхээ утсанд анхаарал тавихаас илүүтэйгээр өөрт нь анхаарал тавихыг хүссэн болохыг эрдэмтэд тогтоожээ.

“Тэд өөрсдийн найз, эцэг эх нь сошиал сүлжээнд цагаа өнгөрөөж байгаад бухимдалтай байгаа талаар санал бодлоо илэрхийлсэн. Тэд өөрсдөд нь хангалттай анхаарал халамж дутагдаж байгааг мэдэж байна” хэмээн Калифорни мужийн өсвөр үеийн хөгжлийн төвийн гүйцэтгэх захирал Рон Дахл ярьжээ. Гэхдээ дээрх судалгаанд хамрагдсан 16 хувьтай тэнцэх өсвөр насныхан сошиал сүлжээг үргэлж хэрэглэдэг болохыг дурдсан бөгөөд 22 хувь нь цаг тутам шалгадаг гэж хариулжээ. Гэхдээ хүүхдүүд болон өсвөр насныхан өөрсдийн эцэг эхчүүд нь сошиал сүлжээнээс салахгүй байгаа асуудал ихэнх тохиолдолд тоодоггүй өнгөрдөг аж. Харин ч энэ талаар хүүхдүүд санал бодлоо илэрхийлж дуугарч байгаа нь сайн хэрэг хэмээн судлаачид дүгнэжээ.

“Technoference” буюу технологиос үүдэлтэй харилцааны саад гэж нэрлэгдэх болсон зан үйлдэлд хүүхэд болон эцэг эхчүүд өртөж байгаа талаар АНУ-ын Мичиган анагаахын их сургуулийн эрдэмтэд тогтоожээ. Тодруулбал, техник технологи болон ухаалаг утасны хэрэглээ өндөр эцэг эхчүүдийн хүүхдүүд хэт их идэвхтэй, амархан уурлаж бухимдах болон гомдох зэрэг зан авир ажиглагдаж байгааг хоёр жилийн туршид явуулсан судалгаагаар тогтоосон байна.

Хүүхдүүд анхаарал халамж, хайр энэрэл дутагдсанаас болж ингэж муухай аашилдаг. Үүнээс болж эцэг эх техник технологиор дамжуулан стрессээ гаргаж байгаа нь хүүхдийн цаашдын хөгжил, төлөвшилд сөргөөр нөлөөлж ирээдүйд муу үр дагаварт хүрч болзошгүй талаар анхааруулсан.

“Утаснаасаа салдаггүй эцэг эхчүүд өөрсдийн хүүхдийнхээ сэтгэл санаа, бодлыг төдийлөн ойлгож харилцах чадваргүй байдаг” хэмээн судалгаанд тэмдэглэжээ.

Гэвч зарим судлаачид энэхүү үзэгдлийг эергээр хүлээн авч байна. Яагаад гэвэл дараа үеийн эцэг эхчүүд болох хүүхэд, залуучууд энэ талаар мэдлэгтэй болж өөрсдийн хүүхдүүддээ илүү цаг гаргах болно хэмээн таамаглаж байгаа аж.

Монгол Улсад ч гэсэн сүүлийн жилүүдэд энэхүү үзэгдэл ажиглагдах болсныг сэтгэл зүйчид сануулсан бөгөөд гэр бүл, хүүхдийн хөгжилд хамтын “амьд” харилцаа чухал болохыг онцолж аль болох гэр бүлдээ цаг гаргаж эерэг уур амьсгал бүрдүүлэх нь хүүхдийн хувь хүний төлөвшилд нөлөөлдөг болохыг хэвлэл мэдээллээр сурталчилж байгаа билээ. Хүүхдээ хэсэгхэн хором ч болтугай сатааруулахаар өгөх ухаалаг утас ирээдүйн төлөвшилд нь сөргөөр нөлөөлж болзошгүй гэдгийг анхаараарай.

 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Тарваган тахлын эсрэг дархлаажуулалт ирэх долоо хоногт орон даяар эхэлнэ
ЗГ: Хөх хот дахь Ерөнхий консулыг эгүүлэн татлаа
NASA-гийн судлах дараагийн сансрын биет нь Санчир гарагийн дагуул Титан байна
“Их 20”-ийн уулзалтын гол дүрүүд
Хөшигийн хөндийн нисэх буудлын менежментийн төслийг Монгол, Японы хамтарсан компани концессоор хэрэгжүүлэхээр боллоо
З.Орхонсүрэн: Цаг алдсаны улмаас хутгалуулсан иргэн цус алдаж, ухаан балартсан байсан
Хүүхдэд өгч болохгүй хориотой эмийн жагсаалт
Залуусыг буруу зүйлд уриалж буй шинэ цагийн ХИП ХОП
Үсчин, гоо сайхны газрууд хэрэглэсэн багажаа халдваргүйжүүлдэггүй зөрчил нийтлэг илэрчээ
Мадурогийн амийг хорлох хуйвалдааныг илрүүлснээ Венесуэлийн засгийн газар зарлажээ
Европ тивд хагас тонн жинтэй шувуу хүмүүстэй зэрэгцэн амьдарч байсныг эрдэмтэд баталжээ
Ж.Ганхуяг: Гарцын тэмдэглэгээг тодотгохын тулд шар хаалгануудыг байрлуулсан
Монголд хар тамхи байнга хэрэглэдэг 708 хүн байна
Наадмын түүхийг гажуудуулсан алдас буюу баримтат үнэн оршвой
Азийн улс төрийн намуудын олон улсын бага хурлыг Монгол улсад зохион байгуулахаар болов
Европын амьтны хүрээлэнгүүдэд төрсөн хирснүүдийг Руанда руу шилжүүлжээ
Виктория Бекхэм нууцаа ”задаллаа”
"Ираны эсрэг АНУ-ын хоригууд бол эдийн засгийн терроризм"
Улсын төсвийн 1.8 тэрбумын хөрөнгө оруулалтаар баригдсан цэцэрлэг ашиглалтад орж амжаагүй байхдаа НУРЖЭЭ
Зимбабве улс зэрлэг заан экспортлох хүсэлтэй байна