Монголын Үндэсний их сургууль гэж өөрийгөө зад рекламддаг статус томтой гэх сургууль нэг ширхэг байна

2018-09-10

МҮИС-д албан бичиг андуурагдаж ирсэн тохиолдол ерөөсөө байхгүй гэв

Монголын Үндэсний их сургууль гэж өөрийгөө зад рекламддаг статус томтой гэх сургууль нэг ширхэг байна.

Сайн чанартай сургуульд уг нь реклам хэрэггүй баймаар юм. Гэтэл үндэсний телевизээр улиг болтлоо рекламаа цацсан сургуулийн дууг гурван настай хүүхэд хүртэл бүр цээжилсэн байх юм.

Энэ сургуультай холбоотой элдэв асуудал гардаг. МУИС-ийн нэрийг ашиглаж олон улсад танигдсан. Залилангийн аргаар нэр ашиглаж явна. Өрсөлдөөний тухай хууль зөрчсөн асуудлаар шүүхдэлцэхээр хууль шүүхийнхэнд хүртэл нөлөөлж, өөрийн талд шийдвэрээ гаргуулж МУИС-ийг салбарын яамтай нь хамт нам гэх асуудлууд байнга яригддаг.
 
Түүнээс гадна иргэд болоод элсэгчдийг төөрөгдөлд оруулдаг. Монгол Улсын их сургууль мэтээр олонд ойлгуулж элсэгчдийг элсүүлдэг. Гэвч сургалт байхгүй, чанартай боловсрол байдаггүй. Тэгсэн хэрнээ мөнгө ихтэй том сургууль юм шиг байгаа. Одоо сургуулийн байраа өргөжүүлж, урдаа том давхар байр барьж байгаа бөгөөд энэ ондоо багтаагаад ашиглалтад оруулчих юм гэнэ.

ШУТИС, МУИС төгссөн хөдөөний жаахан оюунлаг залуусыг багшаар авч их ашиглаж их юмаа хийлгэдэг. Зун болохоор хөдөө орон нутаг руу нь явуулж оюутан элсүүлж ир гээд томилолт маягаар явуулчихдаг айхтар захиралтай юм билээ гэж хүмүүс ярьдаг.
 
МҮИС гэх нэршил дээр нэлээд маргаан дагуултай тус сургуулийн удирдлагуудтай уулзахаар өнгөрсөн долоо хоногт сургуулиар нь орлоо. Хүсч байсан хариугаа авч чадсангүй. Ярилцлага өгдөг удирдлагууд ч гэж байдаггүй бололтой.
 
Үүдний жижүүрээс нь эхлээд хүн будлиулна. Сургалтын менежерийг олж уулзахаар өөдөөс буруу зөрүү зүйл хэлж зааж өгнө. Олон нийт хэвлэлтэй уулз гэсний дагуу 6 давхарт нь гарч нэг залуутай уулзахад “Би сайн мэдэхгүй. Манай хүний нөөцтөй уулз” гэв.
 
Хүний нөөцийн менежер гэх эмэгтэйг хайж явсаар өрөөг нь олтол эзэнгүй байв. Хүлээж суусаар уулзав, бас л олигтой юм хэлсэнгүй.
 
Тэрбээр “Манай сургуулийн нэр төрд санаатай халдаж байгаа увайгүй үйлдлүүд олон гарч байгаа. Удахгүй манайхаас хэвлэлийн хурал зарлана. Монголчууд чинь У, Ү үсэг ялгаж мэддэггүй юмуу хаашаа юм бэ. Соён гэгээрүүлэх талаас яагаад хандаж болдоггүй юм болоо.
 
Тэр гадуур гараад байгаа шиг гадаадаас манайд албан тоот бичиг андуурагдаж ирээгүй. Ерөөсөө тийм зүйл байхгүй. Худлаа ташаа мэдээлэл албаар тараасан байх гэж бодож байгаа. Өөрөөр хэлбэл, өрсөлдөгчид худлаа мэдээлэл тарааж байна. Энэ нэршил нэр томъёоны талаар манай захирал албан ёсны тайлбар хэлэх байх. Захирлаасаа асуугаад эргээд хариу өгье” гэснээс өөр дэлгэрэнгүй юм ярьсангүй.

Ямартай ч удахгүй хэвлэлийн бага хурал хийж, хэл ам болоод байгаа асуудлуудад хариу тайлбар өгөх байх гэж найдахаас.





Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Террористуудын эсрэг ажиллагааны талаар мэдээлэв
Сирид энгийн иргэд дайны хөлд ихээхэн нэрвэгджээ
Трампын захидал Эрдоганыг хилэгнүүлэв
Самсунг компани Galaxy S10-ын хурууны хээ мэдрэгчийн алдааг удахгүй засна
Автобус хүрэлцэхгүйгээс хүний амь эрсдэх нь
АТГ Сэлэнгэ аймгийн Засаг даргыг шалгаж эхэлжээ
Мексик улс мафийн гарт алагдсан 13 цагдаагаа оршуулжээ
Kпопын эргэн тойронд: Дуучин Heize Монголд
Цэрэг татлага аравдугаар сарын 18-20-нд явагдана
Ядуу орнуудад мөнгө төлж дүрвэгсдийг байршуулна
Онцгой байдлын байгууллагад нисэх нэгж байгуулах төсөл хэрэгжинэ
“THE HU” хамтлагийг 'GRAMMY AWARDS-2020' наадмын тайзан дээр дуулуулах давалгаанд нэгдээрэй
ШУУРХАЙ: Б.Амархүүд яллах дүгнэлт үйлдэж, шүүхэд шилжүүлжээ
Женнифер Энистон Инстаграм сүлжээг гацаажээ
Баримтаа бүртгүүлээд сугалаандаа хамрагдана уу
Сурагчдын эрхийг хамгаалахаар мэдээлэл хийсэн багшид зөрчлийн хэрэг нээжээ
980.0 мянган хүүхдэд 169.5 тэрбум төгрөгийг хүүхдийн мөнгөн тэтгэмж болгон олгожээ
Караокены галд өртсөн 16 хүн ГССҮТ-д эмчлүүлж байна
Энэ өдөр дэлхийн түүхэнд
Биатлоны домогт хос Хятадын шигшээг дасгалжуулж эхэллээ