Бразилын үндэсний музейд шатаж устсан байж болзошгүй түүхийн 5 үнэт дурсгал

2018-09-04

Ням гарагийн орой Рио Де Жанейро дахь Бразилын үндэсний музейд түймэр гарч, тэнд хадгалагдаж байсан асар их хэмжээний түүхийн дурсгал устаж үгүй болсон байх өндөр магадлалтай байна.

Түймэр шөнөжин үргэлжилж, Даваа гарагийн өглөө намджээ. 19 дүгээр зууны модон хийцтэй ордонд байрладаг музейд гарсан галын шалтгаан одоогоор тодорхойгүй байна.

Уг музейд хадгалагдаж байсан түүх, археологийн ховор дурсгалуудаас онцгой 5-ыг нь танилцуулж байна.

  1. Помпейн ханын зураг

Нийтийн Тооллын 79 онд Везувийн галт уул дэлбэрэхэд үнс нурманд булшлагдсан уг ханын зураг олон гамшгийг давж чадсан ч энэ удаа бүрмөсөн устсан байх магадлалтай.

Тоть, далайн морь, луу, дельфин зэрэг амьтдыг дүрсэлсэн энэ ховор олдвор Латин Америк дахь хамгийн том Ромын үеийн дурсгал байсан юм.

  1. Төрөл бүрийн Мумми

Тус музейд Өмнөд Америк тивд Европчууд ирэхээс 600 жилийн өмнө амьдарч байсан эмэгтэйн мумми буюу занданшсан цогцос хадгалагдаж байв. Мөн Эквадорын Амазоны ширэнгэд амьдарч байсан Шуар овгийн хүмүүсийн агшсан гавлын яс, эртний Египетийн 700 орчим олдвор, түүн дотор 3,000 жилийн настай Хори бөөгийн болон муурны мумми зэрэг ховор дурсгалууд багтаж байжээ.

  1. Үлэг гүрвэлийн яснууд

Хэд хэдэн ховор үлэг гүрвэлийн яс хадгалагдаж байсны дотор 390 сая жилийн настай Брачиопод гүрвэлийн яс багтаж байв. Жинхэнэ яснуудаас гадна Бразилаас олдсон томоохон махчин үлэг гүрвэл Ангатурама лимайг бодит хэмжээгээр дүрсэлсэн загвар хадгалагдаж байжээ.

  1. Шинжлэх ухааны номын сан

Тус музейд хагас сая орчим шинжлэх ухааны бүтээлүүд эх хувиараа хадгалагдаж байсны 2,400 орчим нь маш ховор ангилалд багтаж байжээ. Уг номын сан гал түймрийг тэсэж үлдсэн байх магадлал маш бага. Эх сурвалжуудын мэдээлснээр шатсан цаас, хуудаснууд музейн гадна хийсч байгаа гэнэ.

  1. Эртний хүний араг яс

“Лузиа” гэж нэрлэгддэг палеолитийн үеийн эмэгтэйн араг ясыг 1975 онд Бразилын нэгэн агуйгаас олсон нь энд хадгалагдаж байжээ. Энэ араг ясны эзэн 11,500 жилийн өмнө амьдарч байсан гэж эрдэмтэд үздэг бөгөөд нийт Америк тивээс олдсон хамгийн эртний хүний олдвор байв.

 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Ерөнхий сайд хүсэлтээ гаргасан хүүхэд бүрт хүүхдийн мөнгө олгохыг үүрэг болгов
Дугаарын хязгаарлалтын бүсчлэлийг өнөөдрөөс эхлэн багасгасан тойргоор мөрдөхөөр боллоо
Балбын уулчин 24 удаа Эверестийн оргилд гарч, дээд амжилт тогтоолоо
Үлийн цагаан оготнод гурван тэрбумыг зарцуулна
Австралийн тэрбумтан бүх хөрөнгөө сайн үйлсэд хандивлана
Дэлхийн хамгийн урт сахалтай эмэгтэйчүүдийг тэргүүлдэг байсан Анни Жонс
15 дугаар сургуулийн сурагчид гадуурхагдаж эхэлжээ
Володимир Зеленський тангарагаа өргөлөө
"Нарантуул" зах дээр наймаа хийдэг залуу НӨАТ-аас 80 сая төгрөг хожжээ
Г.Тэмүүлэн: Монгол төрийн бодлогыг биднээс түрүүлээд Оюу толгой компани тодорхойлж байгаа нь буруу
Турк зэвсэглэлээр хөөцөлдөх болов
Бээжингийн эсрэг улс төрийн бодлогоо өөрчлөхийг шаардав
АНУ-ын цэргүүд халаасанд багтах тагнуулын дроноор зэвсэглэж эхэлжээ
Энэ сарын 20-оос дараах гурван чиглэлд экспресс автобус үйлчилнэ
Шар тэмдэглэгээний дүрмийг ирэх долоо хоногоос эхэлж мөрдүүлнэ
Охиноос англиар юм асууж, мэдэхгүй гэх тоолонд зодсон гэв
Түүхий нүүрс түлсэн айлыг 300 мянгаар торгоно
Дагавар охиноо хүчиндсэн хойт эцэгт 20 жил хорих ял оноожээ
Америк тамирчны “нисэлт”
Анжелина Жоли гэрээслэлээ бичжээ