Цалин нэмэгдүүлэхийг шаардан сургууль, цэцэрлэгийн багш нар хугацаагүй ажил хаялт зарлаад байна. Ажил хаялтад нийслэлийн 112 сургуулийн 86 нь, 192 цэцэрлэгийн 89 нь оролцож байгааг Монголын боловсрол соёл, шинжлэх ухааны үйлдвэрчний эвлэлээс мэдээллээ.

Яг одоо ажил хаялт зохион байгуулж байгаа МБСШУҮЭ-ийн төлөөлөл ажил хаясан сургуулиудаар явж, багш нартай уулзаж байна. Ажил хаях сургууль, цэцэрлэгийн тоо нэмэгдсээр байгаа, өнөөдөр 14.00 цагт нэгдсэн мэдээллийг хүргэнэ гэлээ.

Харин ажил хаялтын талаар БСШУСЯ-аас "Нийслэлд 12 сургууль ажил хаясан. Харин цэцэрлэг 100 хувь ажиллаж байгаа" гэсэн мэдээллийг өглөө.