2018-08-30
Эмэгтэйчүүдийн бизнес эрхлэлтийг дэмжих, олон улсын холбоо харилцааг өргөжүүлэх зорилгоор “GLOBAL WOMEN’S TRADE SUMMIT”-ийг жил бүр уламжлал болгон салбар орнуудад зохион байгуулдаг.
2015 онд Энэтхэгийн Бангалор, 2016 онд Австралийн Мельбурн, 2017 онд Малайзын Куала Лумпур хотод энэ хурлыг амжилттай зохион байгуулжээ. Энэ удаагийн, бизнес эрхлэгч эмэгтэйчүүдийн худалдаа аж үйлдвэрийн дээд хэмжээний чуулга уулзалтыг Улаанбаатарт ирэх сарын 6-8-нд зохион байгуулна.
“Глобал инноваци ба харилцаа холбоо” уриан дор явагдах чуулганд IWFCI байгууллагын үүсгэн байгуулагч хатагтай Диана Абруззи болон 12 орны бизнес эрхлэгч, нийгмийн зүтгэлтэн, нэр хүнд бүхий зочид оролцох юм.
ЦАХИН ЭДИЙН ЗАСГИЙН ШИЛЖИЛТ сэдвийн хүрээнд “Монгол улс дахь боломжууд”, “АСЕАН-Монгол-Төв Ази”, “Дижитал эдийн засаг - Экосистем”, “Инноваци - Энтрэпренёршип”, “Санхүүгийн Ирээдүй”, “Бүтээлч Үйлдвэрлэл”, “Глобал Эдийн Засаг дахь Эмэгтэйчүүд” гэсэн 7 хэлэлцүүлэг дор чуулна.
Тэд харилцаа холбоо, хамтын ажиллагаагаа бэхжүүлж, дэлхийн зах зээлд бараа бүтээгдэхүүн, үйлчилгээгээ таниулах, экспорт, импортын боломжуудыг эрэлхийлэх, туршлагатай бизнес эрхлэгчид болон бусад салбарын манлайлагчидтай олон улсын харилцаагаа ахисан түвшинд хөгжүүлэх боломжтой юм.
IWFCI (International Women’s Federation of Commerce and Industry) буюу Олон улсын эмэгтэйчүүдийн худалдаа аж үйлдвэрийн холбоог 1992 онд Австралийн Мельбурн хотод хатагтай Диана Абруззи санаачлан эмэгтэйчүүдийн бизнес эрхлэлтийг дэмжих зорилгоор байгуулжээ. Энэ нь дэлхийн анхны худалдаа аж үйлдвэрийн, төрийн бус байгууллага юм. Олон Улсын Эмэгтэйчүүдийн Худалдаа Аж Үйлдвэрийн Холбоо дэлхийн 13 улсад үйл ажиллагаа явуулдаг байна.
Монгол Улс 2016 онд тус холбоонд албан ёсны 13 дахь гишүүн орноор элсэж, 2017 оны гуравдугаар сараас үйл ажиллагаагаа явуулж байна. IWFCI Монгол салбар байгууллага өнгөрсөн хугацаанд Зүүн Өмнөд Азийн орнуудтай эдийн засаг хамтын ажиллагааг өргөжүүлэх, экспорт, импортыг дэмжих чиглэлээр Зүүн Өмнөд Азийн зургаан орноор таван удаагийн “АСЕАН – Монгол Бизнес Түншлэл” экспорт, импортыг дэмжих хөтөлбөр хэрэгжүүлжээ.
ЦАГ АГААР
°C/°C
°C/°C
°C/°C
Төстэй мэдээнүүд