Замын-Үүд суманд хил гарах гэсэн ачаа тээврийн автомашины урт цуваа үүсээд байна

2018-08-30

ЗӨВШӨӨРӨЛ ОЛГОГЧ НЬ ЗӨВШӨӨРЛИЙН БИЧГИЙН НӨӨЦИЙН ТАЛААР 
САР БҮР ИРГЭДЭД МЭДЭЭЛЭХ ҮҮРЭГТЭЙ

Улс хоорондын зөвшөөрлийн бичгийн нөөц дуусч байгаагийн улмаас Дорноговь аймгийн Замын-Үүд суманд хил гарах гэсэн ачааны автомашины урт дараалал үүсээд байна. Өдөртөө монголын талаас хил нэвтрэх 50-хан ширхэг "Д" төрлийн бичиг олгож байгаагийн улмаас ийнхүү ачааны автомашины урт дараалал хил дээр үүсээд буй талаар орон нутгийн эх сурвалж мэдээлж байна.

Энэ асуудал Авто тээврийн үндэсний төвийн үйл ажиллагаатай шууд холбоотой юм байна. Тиймээс бид тус төвийн холбогдох албан тушаалтнаас хил дээр урт дараалал үүсээд байгаатай холбогдуулан ямар арга хэмжээ авч ажиллаж буй талаар тодруулахыг зорилоо. Гэвч “Эргээд хариу өгнө” гэж хэлээд, ямар нэгэн мэдээлэл өгсөнгүй.

Урд хил дээр ийнхүү ачаа тээврийн автомашинууд наашаа ч үгүй, цаашаа ч үгүй гацсан байдалтай байгааг эх сурвалж хэлэхдээ “Оюутан, сурагчдын хичээл сургууль эхлэхтэй холбогдуулан урагш чиглэсэн хөдөлгөөний ачаалал эрс нэмэгдсэн энэ үед иргэдийг чирэгдүүлэлгүй, нөхцөл байдлыг урьдчилан харж, улс хоорондын зөвшөөрлийн бичгийн нөөцөд анхаарал хандуулах хэрэгтэй юм. Өнөөдөр энэ урт дарааллаас болж, иргэд маш их цаг хугацаа алдаж байна. Холбогдох албаныханд уламжилж өгөөрэй” гэсэн юм.

Улс хоорондын тээвэрлэлт гүйцэтгэх зөвшөөрөл олгоход Авто тээврийн тухай Монгол Улсын хууль болон бусад хууль тогтоомж, Олон улсын авто тээврийн харилцааны тухай Засгийн газар хоорондын хэлэлцээр, Авто тээврийн асуудал эрхэлсэн төрийн захиргааны төв болон эрх бүхий байгууллага, Монголын Авто тээвэрчдийн Нэгдсэн холбооны бодлого, чиглэл, шийдвэрийг тус тус баримталдаг байна.

“Зөвшөөрөл" гэж олон улсын хэлэлцээрийн дагуу ОХУ, БНХАУ, БНКазУ, БНБелУ, БНКирУ, БНУкУ, БНТурУ, БНЛатУ-д ачаа болон зорчигч тээвэрлэлт гүйцэтгэх нэг удаагийн зөвшөөрлийн бичгийг хэлдэг. Зөвшөөрөл олгогч нь зөвшөөрлийн бичгийн нөөц, үлдэгдэл, шинээр нийлүүлэх тоо хэмжээний талаарх мэдээллийг сар бүр холбогдох эрх бүхий байгууллагад хүргүүлэх, олон нийтэд мэдээлэх үүрэгтэй аж. Гэвч энэ талаар урьдчилан мэдээлээгүйгээс Замын-Үүдэд ийнхүү урт дараалал үүсч, иргэдэд чирэгдэл учруулсаар байгаа ажээ.

Зураг: Замын-Үүд сум 2018 оны наймдугаар сарын 28 ны өдөр /Өчигдөр/

Зураг: Д зөвшөөрлийн жагсаалтад орсон 50 автомашины жагсаалт /2018 оны наймдугаар сарын 28-ны өдрийн байдлаар/

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Д.Оюунхорол: Надад зуслангийн ойролцоо эзэмшдэг газар байхгүй
Хамгийн сүүлд Африкаас Америк руу боол тээвэрлэж ирсэн хөлгийн үлдэгдлийг олжээ
Ичиножо А.Ичинноров эрсдэлтэй шийдвэр гаргалаа
Сурагчдын зуны амралтын хуваарь
Хятад яагаад өрнөдийг дагахыг хүсдэггүй вэ
"Мобиком" корпорацийн удирдлагуудыг АТГ шалгаж эхэллээ
Б.Хурцын цагдан хорих хугацааг сунгах саналаас татгалзсан шийдвэр гаргалаа
"Гэр бүл, хүүхдэд ээлтэй эрх зүйн орчныг бүрдүүлэх нь"
Ё.Баатарбилэг: Ерөнхий боловсролын сургуульд сэтгэл зүйч ажиллуулах шаардлагатай
Танилц: 2019-2020 онд нийслэлд хийгдэх бүтээн байгуулалтууд
Хүүхдүүд олноороо ДОХ-ын халдвар авчээ
Яармагийн гүүрийн замын хөдөлгөөнийг нээлээ
Дулааны шугам сүлжээнд их засвар хийх тул байгууллага, иргэдийн анхаарах ёстой зургаан зөвлөмж
МАН-ынхан энэ сарын 28-нд нэр дэвшигчээ тодруулна
Сонгуулийн дүнг зарласны дараа Индонезид мөргөлдөөн гарснаас 6 хүн амиа алдлаа
Мах үнэтэй хэдий ч олдоц нь хомс байна
Цэргийн бэлтгэл сургалт явагдаж байна
Өмнөд Солонгост ажлын дөрвөн өдөртэй долоо хоногийг туршиж эхэлжээ
Ерөнхий сайд хүсэлтээ гаргасан хүүхэд бүрт хүүхдийн мөнгө олгохыг үүрэг болгов
Дугаарын хязгаарлалтын бүсчлэлийг өнөөдрөөс эхлэн багасгасан тойргоор мөрдөхөөр боллоо