Олон Улсын зорчигчийн 112-р галт тэргэнд Замын-Үүд өртөөний төмөр замын шалгагч дайруулж амиа алдсан золгүй  хэрэг өчигдөр өглөө 11.00 цагийн үед гарсан байна. Амиа алдсан хохирогчийн бие хоёр хуваагдан салсан байсан талаар эх сурвалж мэдээлжээ.

Золгүй явдлаар нас барсан замын шалгагч нь УБТЗ-ын даргын тушаалаар замын даргын нэрэмжит үзлэг хийж явсан аж. Тус галт тэргийг жолоодож явсан машинист нь нэг жилийн өмнө энэ ажилд томилогдсон байжээ. 

Энэ талаар албаны эх сурвалжуудаас мэдээлэл авахыг хүссэн боловч зарим нь утсаа авахгүй, хэвлэлийн төлөөлөгч нь ээлжийн амралттай байгаа учир мэдээлэл өгөх боломжгүй гэсэн юм.