Жакарта 2018: Чөлөөтийн бөхчүүд бахдам амжилт гаргалаа

2018-08-22

"Жакарта 2018" Азийн наадамд Монголын чөлөөт бөхийн баг тамирчид амжилттай оролцлоо. Олимп болон Азийн наадамд голдуу сүүлийн өдрүүдэд явагддаг байсан чөлөөт бөхийн төрөл энэ удаа нээлтийн дараа өдрөөс эхэлсэн юм.

"Инчён 2014" наадамд чөлөөтийн бөхчүүдээс С.Бямбацэрэн мөнгө, Б.Номин, Д.Хүдэрбулга, С.Цэрэнчимэд, О.Бурмаа нар хүрэл медаль зүүсэн амжилт гаргасан бол энэ удаа 2 алт, нэг мөнгө, 3 хүрэл медаль хүртсэн амжилт үзүүллээ.

Наадмын эхний өдөр л А.Энхээ багшийн унаган шавь Э.Бэхбаяр маань сайхан барилдаан үзүүлж бүх өрсөлдөгчөө өвдөг шороодуулсаар Алтан соёмбот далбаагаа мандуулж, төрийн дууллаа эгшиглүүллээ. Монголын баг тамирчдын АНХНЫ медаль нь алтан медаль байсан нь билэгшээлтэй. Мөн энэ өдөр О.Үйтүмэн хүрэл медаль хүртэж монголын багийн анхны хүрэл медалийн эзэн болов. ОУХМ Б.Батмагнай хүрэл медалийн төлөө хүч үзсэн боловч хараахан ялалт байгуулж чадсангүй. Бусад гурван эрчүүд маань эхний болон удаах тойрогт ялагдал хүлээн тэмцээнийг орхилоо. /Шууд дамжуулалт явагдаагүй учир хэсгийн барилдаанд бөхчүүдээ яаж барилдсаныг сайн харсангүй/

Тэмцээний хоёрдахь өдөр Эмэгтэй бөхчүүд барилдаж эхэллээ. Олон хүмүүсийн найдвар болсон хүн нь мэдээж П.Орхон байлаа. П.Орхон маань ч энэхүү найдварыг баталж Аваргын АЛТАН медалийг зүүв. Эхний өрсөлдөгч Вьетнамын бөхийг цэвэр ялсан түүний дараагийн өрсөлдөгч нь олимп, дэлхийн аварга Японы Рисако Кавай байсан юм. 2015 оны ДАШТ-д С.Батцэцэгт цэвэр ялагдсан Р.Кавай манай П.Орхонд мөн цэвэр ялагдлаа. Аваргын төлөө эвгүй учраа Кыргызстаны Айсулуу Тыныбековад мөн оноо алдалгүй цэвэр ялснаар аваргын тавцанд зогсох эрхээ авлаа. 2010 оны Гуанжоугийн Азийн наадмаас ОУХМ Гилэгжамцын Наранчимэг эмэгтэй бөхчүүдээс анхны Алтан медаль авчирсан бол удаах бөх нь Пүрэвдоржийн Орхон боллоо. Будапештийн ДАШТ-ий өмнө тэрбээр ийнхүү эвгүй хоёр учраатайгаа барилдаад үзсэн нь гайхалтай. Түүний багш Цэрэнбаатарын Хосбаярт тусгайлан баяр хүргэх нь зүйтэй.

Эмэгтэйчүүдийн 53 кг-ын жинд З.Дүвчин багшийн шавь ОУХМ Эрдэнэчимэгийн Сумъяа хүрэл медаль хүртлээ. Уг нь тэрбээр аваргын төлөө барилдах бүрэн боломж байсан ч Казахстаны бөх Жулдиз Эшимовад 11:12-оор тун харамсалтай ялагдсан. Энэхүү алдаагаа засаж Будапештийн ДАШТ-ээс хоёрдахь медалиа хүртэхийг хүсэн ерөөе.

Дараагийн хүрэл медалийг Ц.Баярсайхан багшийн унаган шавь ОУХМ Алтанцэцэгийн Батцэцэг эмэгтэйчүүдийн 57 кг-ын жинд авчирсан. А.Батцэцэг эхний өрсөлдөгч Вьетнамын бөхийг оноогоор цэвэр ялсан ч хагас шигшээд БНХАУ-ын Пей Шинруд 1:4-өөр ялагдсан. /Манай бөхчүүдийн хувьд хятадын бөхчүүдийг ялахгүй байгаагаа багш нар маань анхаарах биз ээ/ А.Батцэцэг хүрэл медалийн төлөө БНСУ-ын Ум Жи Уныг 5:2-оор ялсан юм.

Чөлөөт бөхийн гурав дахь өдөр эмэгтэйчүүдийн 68, 76 кг-ын жингийн барилдаанууд явагдсан. 68 кг-ын жинд “Хилчин” спорт хорооны тамирчин ОУХМ Шархүүгийн Түмэнцэцэг мөнгөн медаль хүртсэн. Эхний хоёр өрсөлдөгчөө илт давамгай ялсан тэрбээр Аваргын төлөө барилдсан ч мөрний гэмтлийн улмаас барилдаанаа сайн гаргаж чадсангүй. ДАШТ яг нэг сарын дараа болох учраас бэртэл гэмтлээ сайн эдгээхийг Ш.Түмэнцэцэгтээ хүсье. ДАШТ-ээс анхныхаа медалиа Будапештээс авахыг хөгжөөн дэмжигч нар чинь хүлээж байгаа шүү.

76 кг-д Сүхбаатар багшийн унаган шавь О.Насанбурмаа шөвгийн наймд Японы Х.Минагавад оноогоор цэвэр ялагдсан. Тэрбээр хүрэл медалийн төлөө Кыргызстаны Айпер Медет Кызыд ялагдсанаар 5-р байрт бичигдлээ. Бэлтгэлээ улам сайн хийж ДАШТ-ээ эрч хүчтэй эргэн ирээрэй Ука.

Ийнхүү чөлөөт бөхийнхөнөөс Азийн наадамд түрүүлсэн 11, 12 дахь тамирчин нь “Хангарьд” спорт хорооны тамирчин, МУГТ Э.Бэхбаяр, “Алдар” спорт хорооны тамирчин, МУГТ П.Орхон нар байлаа. Унгар улсын нийслэл Будапешт хотоос олон олон Дэлхийн аваргууд төрүүлээрэй. 
МЧБХ болон ахлах дасгалжуулагч Б.Баттулга, нийт багш дасггалжуулагч нартаа халуун баяр хүргэе.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Тарваган тахлын эсрэг дархлаажуулалт ирэх долоо хоногт орон даяар эхэлнэ
ЗГ: Хөх хот дахь Ерөнхий консулыг эгүүлэн татлаа
NASA-гийн судлах дараагийн сансрын биет нь Санчир гарагийн дагуул Титан байна
“Их 20”-ийн уулзалтын гол дүрүүд
Хөшигийн хөндийн нисэх буудлын менежментийн төслийг Монгол, Японы хамтарсан компани концессоор хэрэгжүүлэхээр боллоо
З.Орхонсүрэн: Цаг алдсаны улмаас хутгалуулсан иргэн цус алдаж, ухаан балартсан байсан
Хүүхдэд өгч болохгүй хориотой эмийн жагсаалт
Залуусыг буруу зүйлд уриалж буй шинэ цагийн ХИП ХОП
Үсчин, гоо сайхны газрууд хэрэглэсэн багажаа халдваргүйжүүлдэггүй зөрчил нийтлэг илэрчээ
Мадурогийн амийг хорлох хуйвалдааныг илрүүлснээ Венесуэлийн засгийн газар зарлажээ
Европ тивд хагас тонн жинтэй шувуу хүмүүстэй зэрэгцэн амьдарч байсныг эрдэмтэд баталжээ
Ж.Ганхуяг: Гарцын тэмдэглэгээг тодотгохын тулд шар хаалгануудыг байрлуулсан
Монголд хар тамхи байнга хэрэглэдэг 708 хүн байна
Наадмын түүхийг гажуудуулсан алдас буюу баримтат үнэн оршвой
Азийн улс төрийн намуудын олон улсын бага хурлыг Монгол улсад зохион байгуулахаар болов
Европын амьтны хүрээлэнгүүдэд төрсөн хирснүүдийг Руанда руу шилжүүлжээ
Виктория Бекхэм нууцаа ”задаллаа”
"Ираны эсрэг АНУ-ын хоригууд бол эдийн засгийн терроризм"
Улсын төсвийн 1.8 тэрбумын хөрөнгө оруулалтаар баригдсан цэцэрлэг ашиглалтад орж амжаагүй байхдаа НУРЖЭЭ
Зимбабве улс зэрлэг заан экспортлох хүсэлтэй байна