"Хүн ам, хөдөлмөр нийгмийн хамгааллын салбарт ажиллагсдын 65.3% нь эмэгтэй, 34.7% нь эрэгтэй"

2018-07-06

Хүн ам, хөдөлмөр нийгмийн хамгааллын салбар жендэрийн талаар баримтлах бодлогоо өнөөдөр танилцууллаа. 2018 оны эхний байдлаар энэ салбарт ажиллагсдын 65.3 хувь нь эмэгтэй, 34.7 хувь нь эрэгтэй байна.

Салбарын хувьд жендэрийн тэгш байдлыг хангах асуудлыг олон улсын байгууллагууд төсөл, хөтөлбөрүүдийн хүрээнд дэмжих хандлага түгээмэл байдаг ба ХНХЯ нь олон улсын байгууллагуудтай хамтран 16 төсөл хэрэгжүүлжээ.

Жендэрийн үндэсний шинжээч Т.Амгалан "Хүн ам, хөдөлмөр нийгэм хамгааллын салбарын жендэрийн талаар баримтлах бодлого нь үүнийг  боловсруулж байгаа 7,000 гаруй ажилтан, албан хаагчдад ажлаа илүү жендэрийн мэдрэмжтэй хийх нөхцлийг сайжруулахад чиглэгдсэн. Энэ нь тэдгээр хүмүүсийг чадавхижуулах асуудалтай холбоотой ба энэ салбарын гаргаж байгаа бодлого хөтөлбөр үйлчилгээ хүмүүст илүү нээлттэй байх хандлагыг бий болгож, хэрэгжүүлэх арга замуудыг нь зааж өгөх юм.

Энэ салбарт эмэгтэйчүүд их ажилладаг.  Гэтэл хүйсээр ангилсан мэдээллийг харахад 70:30-ын харьцаатай байх жишээтэй.

Хэрвээ энэ салбарт эрэгтэйчүүдийг ажилтнаар оруулья гэвэл энэ чиглэлээр суралцаж буй хүмүүсийг анхаарах ёстой болно. Одоо энэ салбарт ажиллах боловсон хүчний дийлэнх нь охидууд сурч байгаа бол ажилтан албан хаагчид нь ч охидууд л болно гэсэн үг.

Салбарууд өөрийнхөө онцлогт таарсан бодлоготой болсноор хэрэгцээтэй байгаа мэргэжлээрээ их, дээд сургуулиудад захиалга өгч, дараа нь төгссөн хүүхдээ ажиллуулах бололцоотой. Төрийн байгууллагууд өөрийн хүний нөөцийн бодлогод тухайн мэргэжилтний захиалгыг их дээд сургуулиудад өгвөл их дээд сургууль тухайн чиглэлээр л бэлтгэнэ. Энэ бодлого хэрэгжиж эхэлвэл эрэгтэйчүүд энэ салбарт орж ирэх бололцоо бүрдэнэ. БСШУС-ын салбар өнгөрсөн онд жендэрийн талаар баримтлах бодлогоо баталсан учир бид үүнд ямар баримжаатай ажиллахыг тусгасан" гэв.

Жендэрийн үндэсний хорооны ажлын албаны мэргэжилтэн О.Буянаа "Хүн ам, хөдөлмөр нийгэм хамгааллын салбарт Жендэрийн талаар баримтлах бодлогыг ХНХ-ын сайдын тушаалаар ажлын хэсэг байгуулж анх боловсруулсан. Бодлого боловсруулах үйл явц эхнээсээ бүх бололцоог хангаж боловсруулагдсан гэдгээрээ онцлогтой. Мөн ХНХ-ын салбарт хөгжлийн үйлчилгээг нэвтрүүлэх чиглэлээр ажлахаар энэ бодлого тусгагдсан.

Одоо эхний үе шатдаа өөрсдийн албан хаагчиддаа жендерийн мэдрэмжтэй ажиллах орчныг бий болгож, тийм орчинд ажиллаж байгаа албан хаагчид маань өөрсдөө чадавхжиж мэдлэг нь дээшилж, жендэрийн мэдрэмжтэй үйлчилгээг үзүүлэх нөхцөл суурь нь бүрдэнэ гэж үзэж байна. Харин дараа нь манай албан хаагчид ард иргэддээ жендэрийн мэдрэмжтэй үйлчилгээг бүрэн хүргэж чадах юм" гэлээ.

Хүн ам, хөдөлмөр нийгэм хамгааллын салбар жендэрийн талаар баримтлах бодлогыг 2018-2024 он хүртэл хоёр үе шаттайгаар хэрэгжүүлнэ.

  • 2018-2021 он : Энэ үе шат нь Засгийн газраас 2017-2021 онд хэрэгжүүлэх " Жендэрийн тэгш бөайдлыг хангах үндэсний хөтөлбөрийн үйл ажиллагааны хэрэгжилттэй уялдана.
  • 2022-2024 он: Энэ нь Тогтвортой хөгжлийн үзүэл баримтлал-2030"-ын хэрэгжилттэй уялдах юм.

Мөн жендэрийн эрх тэгш байдлыг хангах тухай хуулийн дагуу бодлогын хэрэгжилтийг Жендэрийн асуудал эрхэлсэн төрийн захиргааны төв байгууллагад ирэх оны хоёрдугаар сарын 20-ны дотор багтаан тайлагнаж, бодлогын эхний үе шат хэрэгжилтийн үр дүнг 2022 оны эхний улиралд багтаан үнэлж, хоёрдугаар шатанд авах арга  хэмжээний талаар зөвлөмж гаргах аж.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Японы үндэсний каратэгийн тэмцээнд Монгол охин түрүүллээ
Д.Эрдэнэчимэг: Оюуны өмчийг эдийн засгийн эргэлтэд оруулах эрхзүйн орчин бүрэн бүрдсэн
"Зүүнбаян рефайнери" компанийн байгаль сүйтгэсэн торгуулийг прокуророос ХЭРЭГСЭХГҮЙ болгожээ
Нийслэлчүүдийн хэрэглээний усны үнэ тавдугаар сарын 1-нээс нэмэгдэнэ
TIMES: “HUAWEI”-н тухай баримтыг ТТГ-аас Лондонд шилжүүлж өгчээ
Д.КёкүшюзанБатбаяр нарын хэд хэдэн хүнийг 32 тэрбум төгрөгийн залилангийн хэргээр шалгаж байгаа ажээ
Газар доорх цэнгэг усны ордыг уул уурхай болон үйлдвэрийн зориулалтаар ашиглахыг хориглохоор хуульд тусгажээ
Д.Жавхлан, М.Амарболд хоёр дээд шүүхэд ханджээ
Пүрэв гарагийн ажлын цагийг 10:00-19:00 болголоо
Хашаандаа тоглож байсан нэг настай хүүхдийг харалгүй дайрч амь насыг нь хохироожээ
Хоёр төрсөн өдөр
ФОТО: Инстаграм дахь төгс зургуудын НУУЦЫГ дэлгэжээ
Түймрийн голомтод сэлфидсэн дарга олны шүүмжлэлд өртөв
Хүүхдэд өгч болохгүй хориотой эмийн жагсаалт шейрлээрэй хүмүүсээ…
Ц.Шаравжамц гавьяатын хүү шилдэг үзүүлбэр үзүүлэв
2020 он гэхэд 2,185,264 иргэнийг хепатитийн В, С вирусийн халдвар илрүүлэх шинжилгээнд бүрэн хамруулна
Автомашинаараа айлын байшин дайрч, нэг хүний амь хохироожээ
ОХУ, Хойд солонгосын анхны уулзалтаар юуны талаар хэлэлцэх вэ?
Баянхонгорт таван настай хүү, гурван метр гүнтэй худагт унаж амиа алджээ
Бяцхан гоц авьяастан Б.Бат-Энэрэлийн танил амьдрал