Зорилготой бүсгүйчүүдийн зоригийг битгий мохоогоорой

2018-07-04

Энэ парламент олон талаараа дутуу дулимаг байгааг хүн бүр харж байгаа. Наанадаж л  төрийн хүний ёс зүй, улстөрчийн соёл, шударга ёс гэх үнэт зүйлсээ уландаа гишгэж, умартсан гишүүдээр дүүрсэн гэхэд хилсдэхгүй. Гэхдээ тэдний дунд муухан эрчүүдээс дутахааргүй зоригтой, зорилготой, алсын хараатай эмэгтэйчүүд байгаад нь олзуурхах хүн олон байгаа байх.

Өөрөөр хэлбэл, аливаа асуудалд хоноцын сэтгэлээр бус чин сэтгэлээр ханддаг эмэгтэйчүүдийн төлөөлөл болсон зарим гишүүнийг онцолмоор байна. Тухайлбал, МАН-ын эмэгтэйчүүдийн лидер Д.Оюунхорол. Тэрбээр УИХ дахь эмэгтэйчүүдийн бүлгийн ахлагч. Энэ үүргээ ч сайн гүйцэтгэж байгаа харагддаг. Эмэгтэйчүүд, хүүхдийн эрхийн төлөө чангахан дуугарч чаддаг тэрбээр УИХ дахь эмэгтэйчүүдээ ч аливаа зүйл дээр нэгтгэж чаддаг нэгэн. 

УИХ-д тав дахь удаагаа сонгогдон ажиллаж байгаа тэрбээр мэдлэг, туршлагаараа бусад улстөрчдийн урд алхана уу гэхээс хойно нь хоцрохгүй. Тиймдээ ч түүнийг УИХ-ын танхимд “төмөр хатагтай” хэмээн нэрийдэж, зарим эрчүүд нь айдаг юм билээ. Тиймээс ч түүнийг сошиал суваг ашиглан элдвээр доромжлох, түүнд зориулсан хар пи-ар ар араасаа үргэлжилдэг биз. Зорилготой бүсгүйн зоригийг битгий мохоочихоосой билээ. 

Улс төр мэддэг, сонирхдог нь гадарлах биз. Түүнийг нэг асуудал дэлгэнгүүт түүний эсрэг хар пи-ар цахим сүлжээг “донсолгодог”. Саяхан л гэхэд хүчингийн хэрэгт холбогдсон хоёр гишүүний тухай асуудлыг УИХ-ын эмэгтэй гишүүд ярьж эхлэнгүүт л тэдний элдвээр харааж, өнөөх хоёр гишүүндээ жигтэйхэн хайртай болчихсон улс цахим сүлжээгээр дүүрчихсэн.  Энэ мэт байдал нь манайд дуугарах гэсэн шударга нэгнийг “боомилж” байдгийн яруу тод эмгэнэлтэй жишээ.

Гэхдээ Д.Оюунхорол тэргүүтэй мэдлэг боловсролтой, шударга, туршлагатай улстөрч бүсгүйчүүд энэ зэргийн дайралтыг даваад гарчих тэнхээтэй. Гол нь Монголоо гэсэн сэтгэл, хийж бүтээе гэсэн итгэлээ битгий алдаарай. Энэ эрчээрээ зүтгээд байвал ард түмэн 2020 оны сонгуулиар ухна шиг эрчүүдийг биш ухаалаг бүсгүйчүүдийг сонгоно гэдэгт итгэлтэй байна.

А.Сүхбат гишүүн саяхан нэг хурал дээр “бандааш” Гантулгыг явуулсанд эмэгтэй гишүүд буруутай хэмээн ярьсан нь хэвлэлээр цацагдаж олны дургүйцлийг төрүүлж байна. Эмэгтэй гишүүд хүчирхийлүүлсэн, доромжлуулсан эмэгтэйчүүд, хүүхдүүдийг хамгаалахгүй бол эрэгтэй гишүүд л лав биш юм байна.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Өнөөдрөөс хаагдах замууд
Завьт эргүүлийнхэн 4 иргэний амь насыг авран хамгааллаа
О.Дөлгөөнд тусалцгаая
Улаанбаатар хотын музейг сэргээн засварлахаар боллоо
9 сая төгрөгийн шагналын сантай Хөрсний бохирдлыг бууруулах шийдэл төсөл, бүтээлийн уралдаан зарлагдлаа
Тарваган тахал өвчний эсрэг вакцин хийнэ
Улаанбаатарын дайны хүн ам Монголд ядуу байна
Бакалаврын боловсрол эзэмшээгүй 21 иргэнийг МАГИСТР-аар төгсгөхөөр завджээ
Хар тамхи хилээр нэвтрүүлэх оролдлогын 69 хувьд нь илгээмж ашиглажээ
К-Попын шинэ гүнж
Канад улс анх удаа АНУ-аас илүү тооны цагаач хүлээн авчээ
Боолчуудын үр удамд нөхөн олговор өгөх асуудал ширүүн маргаан дэгдээв
Иран улс АНУ-ын армийн дроныг буудаж унагаснаа зарлав
Дэлхийн коксжих нүүрсний зах зээлийн 8 хувийг Монгол нийлүүлжээ
Соёлын өвөө хэрхэн хамгаалж, арчилдаг талаар БНСУ-ын мэргэжилтнүүд зөвлөж байна
Наадмаар худалдаа үйлчилгээ явуулах ААН, иргэдийн хүсэлтийг авч байна
Наргиж цэнгэж явахдаа нялх хүүхдээ битгий дагуулж яваачээ
Хүн амьдрахад тохиромжтой хоёр гараг шинээр нээжээ
"Шинэ эрин" сургууль дээр авагдаж байгаа ЭЕШ-ын тестэд алдаа гарсан уу
Б.Бат-Эрдэнэ гишүүн ёс зүйн хороог удирдана